Rɛvɛleshɔn 5:11 - Krio Fɔs Oli Baybul

¹¹ As a es mi yay ɔp bak, na de a si enjɛl dɛn we bɔku lɛkɛ anch ɛn a yɛri dɛn vɔys! Dɛn tinap rawnd di fo tin dɛn we gɛt layf ɛn di twɛnti-fo bigman dɛn we bin de rawnd di ay chia we kiŋ kin sidɔm.

Rɛvɛleshɔn 5:11 Referans Kwoze

Daniɛl 7:10

Bɔku faya bin kɔmɔt de kech bifo am; tawzin tawzin pipul bin de wok fɔ am; ɛn tɛn tawzin tayms tɛn tawzin bin de advays am; di kot bin de ɔn ɛn di buk dɛn bin opin.

Di Ibru Pipul Dɛn 12:22

Una dɔn rich na da il we dɛn kɔl Mawnt Zayɔn. Una dɔn rich na di tɔŋ we Gɔd we gɛt layf sote go, de; dɛn kɔl da tɔŋ de “Jerusɛlɛm we de na ɛvin,” ɛn plɛnti plɛnti enjɛl dɛn we de gladi, gɛda de.

Rɛvɛleshɔn 4:6

Bifo di sem ay chia a si sɔntin lɛkɛ wata we tan lɛkɛ se dɛn tek glas mek am. Ɔlɔbɔt klos di chia, frɔnt, bak ɛn sayd, fo tin we gɛt layf bin tinap, dɛn bin gɛt yay ɔlɔbɔt na dɛn bɔdi; bifo ɛn biɛn.

Rɛvɛleshɔn 4:4

Twɛnti-fo ɔda ay chia we kiŋ kin sidɔm pan bin de rawnd di fɔs ay chia; a si twɛnti-fo bigman dɛn sidɔm pan di chia dɛn; dɛn bin wɛr wayt klos; ɛn dɛn tin we kiŋ kin wɛr we dɛn kɔl krawn, bin de na dɛn ed, na gold dɛn bin tek mek di krawn dɛn.

Di Sam Dɛm 148:2

Ɔl di enjɛl fɔ prez am, ɔl udat de ɔp na ɛvin fɔ prez am de.

Di Sam Dɛm 68:17

Di chariɔt dɛn we PAPA GƆD tek so bɔku, pɔsin nɔ go ebul kɔnt dɛn; PAPA GƆD dɔn kɔmɔt na Mawnt Saynay naw i de nain os.

Rɛvɛleshɔn 19:6

Dɛn a yɛri vɔys lɛkɛ wɛn plɛnti pipul de tɔk, ɛn lɛkɛ wɛn plɛnti big wata de rɔn ɛn lɛkɛ wɛn tɛnda de krak lawd wan; dɛn vɔys ya bin de se, “Aliluya! Di Masta, we na wi Gɔd we gɛt pawa pas ɔl, de rul, una lɛ wi prez am!

Rɛvɛleshɔn 7:11

Ɔl di enjɛl dɛn we bin tinap rawnd di ay chia we kiŋ kin sidɔm, ɛn rawnd di bigman dɛn ɛn di fo tin dɛn we gɛt layf, bin ledɔm flat bifo di ay chia ɛn dɛn bin de prez Gɔd.

Rɛvɛleshɔn 5:14

Di fo tin dɛn we gɛt layf ansa se, “Emɛn!” Dɔn di twɛnti-fo bigman dɛn ledɔm flat na grɔn ɛn prez di wan we sidɔm pan di ay chia we kiŋ kin sidɔm ɛn di Ship.

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.

1 Kiŋ 22:19

Maykaya tɛl di kiŋ se lɛ i lisin naw to wetin PAPA GƆD gɛt fɔ se; i se in si PAPA GƆD sidɔm nain chia wit ɔl dɛn enjɛl dɛn de rawnd am; sɔm de nain lɛfan, sɔm nain raytan; dɔn i aks se,

Di Sam Dɛm 103:20

Una we na enjɛl dɛn, una we de du wetin i want, we de obe in wɔd, prez PAPA GƆD ya!

Ditarɔnɔmi 33:2

I se, PAPA GƆD kam dɔŋ Mawnt Saynay ɛn kɔmɔt lɛkɛ di san ɛn shayn lɛk san oba Idɔm, ɛn in layt bin de shayn kɔmɔt Mawnt Paran, tawzin tawzin enjɛl dɛn bin de wit am ɛn faya bin de kɔmɔt nain raytan.

Jud In Lɛta 1:14

Na dɛn pipul ya, Inɔk, we de pan di nɔmba sɛvin jɛnareshɔn we bigin frɔm Adam, bin dɔn tɔk bɔt we i se: “A de tɛl una se di Masta de kam wit tawzin tawzin enjɛl dɛn we na Gɔd insɛf gi am

Rɛvɛleshɔn 5:8

As i tek am so, di fo tin dɛn we gɛt layf ɛn di twɛnti-fo bigman dɛn fɔdɔm bifo di Ship. Dɛn ɔl bin gɛt wan wan tin fɔ ple myuzik we dɛn kɔl ap, ɛn gold besin dɛn we insɛns ful insay; dɛn insɛns ya na dɛn pre we Gɔd in pipul dɛn de pre.

Rɛvɛleshɔn 9:16

Plɛnti plɛnti soja man dɛn we bin de rayd ɔs bin lib de. Sɔmbɔdi tɛl mi ɔmɔs soja man dɛn bin lib de; na bin tu ɔndrɛd milyɔn.