Rɛvɛleshɔn 5:1 - Krio Fɔs Oli Baybul

¹ A si di Pɔsin we sidɔm na di fɔs ay chia we kiŋ kin sidɔm, i ol wan big big pepa we rol, nain raytan. Plɛnti tin bin rayt pan am, frɔnt ɛn bak, ɛn dɛn bin fasin am sɛvin say na di ɛj.

Rɛvɛleshɔn 5:1 Referans Kwoze

Ayzaya 29:11

Ɛn di vishɔn bɔt ɔl dis tan to una lɛk di wɔd dɛm na buk we lɔk. We pipul dɛn gi am to pɔsin we sabi rid se, “Rid dis,” i go se, “A nɔ go ebul bikɔs i lɔk”

Rɛvɛleshɔn 5:7

A si di Ship waka go tek di pepa we rol kɔmɔt na di Pɔsin we sidɔm pan di ay chia, in raytan.

Rɛvɛleshɔn 10:2

Wan smɔl pepa we rol we dɛn kɔl “skrol” bin de nain an, di pepa bin opin. I put in rayt fut pan di wata ɛn in lɛf fut pan di dray grɔn.

Rɛvɛleshɔn 6:1

Dɛn a si di Ship opin di fɔs say pan di sɛvin say dɛn we bin fasin, dɛn a yɛri wan pan dɛn fo tin we gɛt layf ala tɔk wit vɔys we sawnd lɛkɛ tɛnda se, “Kam go!”

Rɛvɛleshɔn 5:13

Dɛn a yɛri ɔl dɛn tin we gɛt layf na ɛvin, na dis wɔl ɛn na di wɔl we de ɔnda dis wɔl, ɛn ɔltin we de na wata, dɛn ɔl de siŋ se, “Wi fɔ prez ɛn rɛspɛkt di wan we sidɔm pan di ay chia we kiŋ kin sidɔm pan ɛn di Ship, wi fɔ sho se dɛn wɔndaful ɛn dɛn gɛt pawa we go de sote go!”

Rɛvɛleshɔn 4:3

Di pɔsin in fes bin de shayn lɛkɛ dayamɔn ɛn lɛkɛ wan ɔda shayn ston we dɛn kɔl rubi. Rembo we de shayn lɛkɛ da fayn ston we dɛn kɔl ɛmirald bin de rawnd di ay chia.

Ayzaya 8:16

Tay ɛn kip di mɛsej, ɛn tich mi lanin bɔy dɛn fɔ kip tayt wan na dɛn at.

Daniɛl 8:26

Di vishɔn we yu si ivin ɛn mɔnin we yu dɔn no di minin naw, na tru tru tin; bɔt kip di vishɔn sikrit bikɔs i nɔ go bi jis nɔ.”

Ayzaya 34:16

Luk ɛn rid na PAPA GƆD in buk; nɔn pan dɛnwanya nɔ de we go lɔs; nɔn pan dɛn nɔ go de we nɔ go de wit in patna. Bikɔs na PAPA GƆD in mɔt di ɔda kɔmɔt, ɛn in Spirit dɔn gɛda dɛn.

Zɛkaraya 5:1

We i es in yay ɔp, i si wan rol pepa de flay.

Rɛvɛleshɔn 4:9

Wɛn dɛn fo tin ya we gɛt layf de prez di wan we go de sote go, we sidɔm pan di ay chia we kiŋ kin sidɔm, wɛn dɛn de sho am di rɛspɛkt we dɛn gɛt fɔ am ɛn tɛl am tɛnki,

Rɛvɛleshɔn 6:16

Frɔm di ples we dɛn bin de na di ay il dɛn, dɛn bin de ala tɛl dɛn il ɛn dɛn big ston se, “Fɔdɔm pan wi, una ayd wi mek di wan we sidɔm pan di ay chia we kiŋ kin sidɔm nɔ si wi ɛn mek di vɛks we di Ship vɛks nɔ kam pan wi!

Rɛvɛleshɔn 8:1

Wɛn di Ship opin di say we mek sɛvin we di pepa we rol bin fasin, ɛvin kwayɛt fɔ af awa.