Rɛvɛleshɔn 4:6 - Krio Fɔs Oli Baybul

⁶ Bifo di sem ay chia a si sɔntin lɛkɛ wata we tan lɛkɛ se dɛn tek glas mek am. Ɔlɔbɔt klos di chia, frɔnt, bak ɛn sayd, fo tin we gɛt layf bin tinap, dɛn bin gɛt yay ɔlɔbɔt na dɛn bɔdi; bifo ɛn biɛn.

Rɛvɛleshɔn 4:6 Referans Kwoze

Rɛvɛleshɔn 15:2

Dɛn a si sɔntin we fiba big wata we tan lɛkɛ se dɛn tek glas mek am, faya bin de bɔn insay am. Pantap dat, a si dɛn pipul we bin dɔn win di wayl bif, we na nɔmba tinap fɔ in nem, ɛn di tin we pipul bin mek fɔ tek de mɛmba ɛn rɛspɛkt am. Dɛn bin tinap klos di big glas wata ɛn dɛn bin ol ap fɔ tek ple myuzik, we Gɔd bin dɔn gi dɛn.

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.

Rɛvɛleshɔn 14:3

Di wan ɔndrɛd ɛn fɔti-fo tawzin pipul dɛn tinap bifo di ay chia we Gɔd sidɔm pan, bifo di fo tin dɛn we gɛt layf, ɛn bifo di bigman dɛn. Dɛn bin de siŋ wan nyu siŋ we na dɛn wan nɔmɔ, we Krays bin dɔn pe fɔ na wɔl wit in blɔd, bin ebul lan ɛn siŋ am.

Rɛvɛleshɔn 19:4

Dɛn di twɛnti-fo bigman ɛn dɛn fo tin we gɛt layf fɔdɔm bifo Gɔd we bin sidɔm pan di chia we kiŋ kin sidɔm fɔ rul ɛn prez am fɔ in pawa, ɛn se, “Emɛn! Aliluya, lɛ wi prez Gɔd!”

Rɛvɛleshɔn 5:14

Di fo tin dɛn we gɛt layf ansa se, “Emɛn!” Dɔn di twɛnti-fo bigman dɛn ledɔm flat na grɔn ɛn prez di wan we sidɔm pan di ay chia we kiŋ kin sidɔm ɛn di Ship.

Izikɛl 10:14

Ɛn ich wan bin get fo fes; di fɔs fes na bin Chɛrɔb fes, di sɛkɛn fes na bin mɔtalman fes, di tɔd fes na bin layɔn fes, ɛn di las wan na bin igul fes.

Izikɛl 10:12

Ɛn dɛn rim dɛm, dɛn spoks dɛm, ɛn di wil dɛnsɛf, bin gɛt yay dɛn ɔl rawnd - dat na di wil dɛn we dɛn fo bin gɛt.

Rɛvɛleshɔn 7:11

Ɔl di enjɛl dɛn we bin tinap rawnd di ay chia we kiŋ kin sidɔm, ɛn rawnd di bigman dɛn ɛn di fo tin dɛn we gɛt layf, bin ledɔm flat bifo di ay chia ɛn dɛn bin de prez Gɔd.

Rɛvɛleshɔn 22:1

Di enjɛl tek mi igen go sho mi di riva we di wata we de gi layf bin de rɔn, i bin de shayn lɛkɛ glas. I bɔs kɔmɔt na di chia we Gɔd ɛn di Ship we de rul, kin sidɔm.

Rɛvɛleshɔn 21:11

Gɔd in brayt layt bin de shayn insay de; di tɔŋ bin de shayn lɛkɛ wan fayn fayn ston we dɛn kɔl jaspa, ɛn i bin de shayn lɛkɛ glas.

Rɛvɛleshɔn 15:7

Dɛn wan pan di fo tin dɛn we gɛt layf gi di sɛvin enjɛl dɛn sɛvin gold kɔp; di pɔnish we Gɔd, we de sote go, go pɔnish di wɔl, nain bin ful insay di sɛvin kɔp dɛn.

Rɛvɛleshɔn 21:21

Na dɛn fayn fayn tin we tan lɛkɛ bid we dɛn kɔl pal dɛn tek mek di twɛlv get dɛn na di tɔŋ, na gold dɛn tek mek di trit, ɛn di gold de shayn lɛkɛ glas.

Rɛvɛleshɔn 21:18

Na fayn fayn ston we dɛn kɔl jaspa dɛn bin tek mek di wɔl, ɛn na piɔ gold we bin de shayn lɛkɛ glas dɛn bin tek mek di tɔŋ insɛf.

Rɛvɛleshɔn 7:17

bikɔs di Ship we de na di ples we di ay chia we kiŋ kin sidɔm, de, insɛf go de gyad dɛn lɛkɛ pɔsin we de mɛn ship. Nain go kɛr dɛn go na di say we da wata we de bɔs na grɔn we de gi layf, de. Gɔd go mek dɛn nɔ kray igen.”

1 Kiŋ 7:23

Uram mek rawnd wata tank wit bras. Di insay dip sɛvin ɛn af fut, rawnd na fɔti-fayv fut, dɔn pantap na fiftin fut. Dɛn bin de kɔl am di si.

Job 28:17

Gold ɛn glas nɔ nia am, ɛn di ay ay karat gold chen sɛf nɔ du fɔ gi fɔ gɛt am.

Ɛksodɔs 38:8

Bɛzalɛl yuz bras mek di besin ɛn in stand. Na di lukin glas we di uman dɛn we bin de sav na di Tɛnt domɔt bin gɛt i yuz fɔ mek am.

Rɛvɛleshɔn 4:4

Twɛnti-fo ɔda ay chia we kiŋ kin sidɔm pan bin de rawnd di fɔs ay chia; a si twɛnti-fo bigman dɛn sidɔm pan di chia dɛn; dɛn bin wɛr wayt klos; ɛn dɛn tin we kiŋ kin wɛr we dɛn kɔl krawn, bin de na dɛn ed, na gold dɛn bin tek mek di krawn dɛn.

Rɛvɛleshɔn 5:8

As i tek am so, di fo tin dɛn we gɛt layf ɛn di twɛnti-fo bigman dɛn fɔdɔm bifo di Ship. Dɛn ɔl bin gɛt wan wan tin fɔ ple myuzik we dɛn kɔl ap, ɛn gold besin dɛn we insɛns ful insay; dɛn insɛns ya na dɛn pre we Gɔd in pipul dɛn de pre.

Rɛvɛleshɔn 5:11

As a es mi yay ɔp bak, na de a si enjɛl dɛn we bɔku lɛkɛ anch ɛn a yɛri dɛn vɔys! Dɛn tinap rawnd di fo tin dɛn we gɛt layf ɛn di twɛnti-fo bigman dɛn we bin de rawnd di ay chia we kiŋ kin sidɔm.

Rɛvɛleshɔn 6:1

Dɛn a si di Ship opin di fɔs say pan di sɛvin say dɛn we bin fasin, dɛn a yɛri wan pan dɛn fo tin we gɛt layf ala tɔk wit vɔys we sawnd lɛkɛ tɛnda se, “Kam go!”

Rɛvɛleshɔn 6:6

A yɛri sawnd lɛkɛ vɔys de kɔmɔt na di say we di fo tin dɛn we gɛt layf de. Di vɔys de tɔk se, “Pipul kin tek di mɔni we dɛn wok fɔ wande bay wan kɔp rɛs, ɛn dɛn kin tek da mɔni de bay tri kɔp kɔn. Bɔt ɔyl ɛn wayn go de ɔltɛm.”