Rɛvɛleshɔn 4:5 - Krio Fɔs Oli Baybul

⁵ Laytin bin de flash, tɛnda bin de rol, plɛnti nɔys bin de na di say we di fɔs ay chia bin de, di sɛvin lamp dɛn bin layt frɔnt di chia, dɛn lamp ya na Gɔd in sɛvin spirit dɛn.

Rɛvɛleshɔn 4:5 Referans Kwoze

Rɛvɛleshɔn 11:19

Wantɛm Gɔd in Os na ɛvin opin, na de a si di bɔks we dɛn put di tin we dɛn rayt di agrimɛnt we Gɔd mek wit mɔtalman pan. Dɛn laytin bigin kɔt, big big nɔys bigin mek, tɛnda bigin krak, di grɔn bigin trimbul, plɛnti plɛnti tin dɛn lɛkɛ ays ren bigin fɔdɔm.

Rɛvɛleshɔn 8:5

Dɛn di enjɛl tek di insɛns pɔt, i tek faya na di tebul we dɛn bin de mek sakrifays to Gɔd, put am insay di insɛns pɔt, dɔn i trowe am pan di wɔl. Na de tɛnda bigin krak, laytin bigin kɔt, big big nɔys bigin mek ɛn di grɔn bigin trimbul.

Rɛvɛleshɔn 1:4

Na mi Jɔn de rayt to una we de na dɛn sɛvin chɔch na Eshya. Mek Gɔd we de naw, ɛn we bin de bifo dis wɔl mek, ɛn we go kam bak na dis wɔl, sho una aw i gud ɛn gi una kol at; semwe so, mek Gɔd in sɛvin spirit dɛn, we tinap bifo am di say we i sidɔm de rul, du una gud ɛn gi una kol at;

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.

Ɛksodɔs 19:16

Wɛn do klin di tɔd de, big big tɛnda krak ɛn laytin flash, nain wantɛm tik, tik klawd apia na di mawnten, ɛn lawd, lawd trɔmpɛt blo. As ɔl dis de bi, ɔlman trimbul wit fred.

Rɛvɛleshɔn 3:1

“Rayt dis mɛsej ya sɛn am go to di enjɛl we de gyad di Kristiɛn dɛn na Sadis: “Na dis mɛsej ya di pɔsin we gɛt Gɔd in sɛvin spirit dɛn ɛn we ol dɛn sɛvin sta, sɛn: A no di tin dɛn we una de du, pipul tink se una gɛt layf, bɔt una nɔ gɛt layf, una dɔn day.

Zɛkaraya 4:2

Di enjɛl aks am wetin i si. Zɛkaraya tɛl am se i si wan lampstand we dɛn tek gold mek dɔn i gɛt wan bolpantap am ɛn ɔda sɛvin lamp we gɛt sɛvin ples fɔ put wik pantap dɛn.

Ɛksodɔs 20:18

Naw, wɛn di pipul dɛn yɛri di tɛnda ɛn di trɔmpɛt ɛn si di laytin ɛn di smok na di mawnten, dɛn fred ɛn bigin trimbul, so dɛn muf kɔmɔt usay dɛn bin de go fawe lilibit.

Joɛl 3:16

PAPA GƆD mek nɔys lɛkɛ layɔn na Mawnt Zayɔn. In vɔys lɛk tɛnda na Jerusɛlɛm; ɛn ɛvin ɛn ath go trimbul. Bɔt PAPA GƆD go bi di sikyɔriti fɔ in pipul, di kɔtintri fɔ di Izrɛlayt dɛn.

Izikɛl 1:13

Midul dɛn krichɔ dɛn ya we de layf layf wan, tin bin de we tan lɛk faya kol dɛn we de kech, lɛk tɔchlayt de pas pas ɔp ɛn dɔŋ bitwin dɛn krichɔ dɛn ya we gɛt layf; ɛn di faya bin brayt ɛn laytin bin de kɔmɔt pan am.

Di Sam Dɛm 68:35

PAPA GƆD, yu wɔndaful! Yu du fɔ fred usay yu de. Yu we na Izrɛl dɛn PAPA GƆD de gi pawa ɛn trɛnk to yu pipul. Una lɛ wi prez PAPA GƆD!

2 Kronikuls 4:20

di lamp stand dɛn ɛn dɛn lamp dɛn we na piɔ gold, fɔ de bɔn bifo di insay di ples we oli pas ɔl, jɛs lɛk aw dɛn bin dɔn se;

Ɛksodɔs 37:23

I mek sɛvin lamp fɔ di stand fɔ put di lamp, dɔn i mek di sizɔs fɔ trim di wik, dɔn i yuz piɔ gold mek di tre dɛn fɔ put wik.

Apɔsul Dɛn Wok 2:3

Dɛn si tin dɛn lɛkɛ lili lili faya na di ples we dɛn bin de, ɛn di lili lili faya dɛn kam pan dɛn ɔl.

Matyu 3:11

A de baptayz una wit wata fɔ sho se una dɔn lɛf fɔ du bad, bɔt di wan we de kam afta a dɔn du mi wok, in go baptayz una wit Gɔd in Spirit ɛn wit faya. I gɛt pawa pas mi, ɛn a nɔ fit sɛf fɔ lus in sus.

Jɛnɛsis 15:7

PAPA GƆD tɛl Ebram se, “Na mi na di PAPA GƆD, we pul yu kɔmɔt Ɔ we de na Babilonia, ɛn a go gi yu dis land fɔ mek i go bi yu yon.”

Ɛksodɔs 25:37

Mek sɛvin lamp fɔ di stand ɛn put dɛn pantap am fɔ lɛ dɛn go de sho layt bifo.

Matyu 25:1

“Gɔd in rul tan lɛkɛ we tɛn yɔŋ gyal we nɔ mared, tek dɛn lamp fɔ go mit di ɔkɔ.

Rɛvɛleshɔn 10:3

I ala lawd wan wit vɔys we fiba layɔn vɔys. Wɛn i dɔn ala dɔn, di sɛvin tɛnda dɛn krak fɔ ansa am.