Rɛvɛleshɔn 4:11 - Krio Fɔs Oli Baybul

¹¹ “Wi Masta ɛn wi Gɔd! Yu fit fɔ mek wi fɔdɔm na yu fut, ɛn prez yu, ɛn sho se yu gɛt pawa, bikɔs na yu mek ɔltin ɛn yu mek dɛn ɛn gi dɛn layf bikɔs na dat yu want.”

Rɛvɛleshɔn 4:11 Referans Kwoze

Rɛvɛleshɔn 5:12

Dɛn bigin siŋ lawd wan se, “Di Ship we dɛn bin kil, fit fɔ mek wi sho se i gɛt pawa, i jɛntri, i gɛt sɛns, i gɛt trɛnk, i gɛt ɔna, i wɔndaful, ɛn wi fɔ prez am.”

Ayzaya 40:28

Yu nɔ no yet? Yu nɔ dɔn yɛri? PAPA GƆD na di Gɔd we de sote go, na im mek di wanol wɔl. I nɔ de wik, i nɔ de taya pɔsin nɔ de ebul fɛnɔt fɔ no aw I de tink.

Prɔvabs 16:4

PAPA GƆD gɛt in rizin we mek i mek ɔltin, ivin di wan we bad, i go mek i alaki.

Rɛvɛleshɔn 10:6

I swɛ bifo Gɔd we de naw ɛn we go de sote go, Gɔd we mek ɛvin ɛn ɔl wetin de insay de. I se, “Tɛm nɔ go wes igen!

Rɛvɛleshɔn 14:7

I tɔk lawd wan se, “Una fred Gɔd, ɛn prez am bikɔs i wɔndaful! Di tɛm dɔn kam fɔ mek i jɔj mɔtalman. Una fɔdɔm bifo am ɛn prez am, nain mek ɛvin, nain mek di dray grɔn, di big wata we de rawnd di dray grɔn ɛn dɛn wata we de bɔs na grɔn!”

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Di Ibru Pipul Dɛn 1:10

Gɔd tɔk igen se, “Masta, da tɛm we natin nɔ bin de yet, na yusɛf mek di wɔl ɛn na yu yon an yu tek mek ɔltin we de na di klawd.

Jɛnɛsis 1:1

Wɛn PAPA GƆD bigin mek di wanol wɔl

Lɛta Fɔ Rom 11:36

Na Gɔd mek ɔltin, nain de mek ɔltin wok lɛkɛ aw dɛn fɔ wok, ɛn na fɔ am ɔltin de. Mek ɔlman prez Gɔd sote go! Emɛn.

Lɛta Fɔ Ɛfisɔs 3:9

Ɛn Gɔd dɔn pik mi ɛn gi mi di chans fɔ tɛl ɔlman bɔt di tin we i dɔn mekɔp fɔ du we i nɔ mek wi no yet, we go bi. Gɔd we mek ɔl di wɔl nɔ bin mek wi no di tin we i mekɔp fɔ du ɔl dis tɛm ya we dɔn pas,

Apɔsul Dɛn Wok 14:15

“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.

Jɛrimaya 32:17

‘E PAPA GƆD we na mi Gɔd! Na yu mek ɔp di klawd ɛn di wɔl wit yu big big pawa ɛn wit yu an we yu opin wayd! Natin nɔ traŋa fɔ yu fɔ du,

Di Sam Dɛm 18:3

A de pre to PAPA GƆD bikɔs i fit fɔ prez, ɛn i de sev mi frɔm mi ɛnimi dɛn an.

Nɛimaya 9:5

Di Livayt dɛn we na Jɛshwa, Kadmiɛl, Bani, Ashabnia, Sherɛbaya, Odaya, Shibanaya ɛn Pɛtaya se mek ɔlman tinap ɛn prez PAPA GƆD, di GƆD we go de sote go. Dɛn se, “Mek wi blɛs PAPA GƆD in nem. Di nem we pas ɔl ɔda nem we wi kin prez.

Apɔsul Dɛn Wok 17:24

Gɔd we mek di wɔl ɛn ɔltin we lib de, na di Masta fɔ ɛvin ɛn dis wɔl, ɛn i nɔ tap na os we mɔtalman bil fɔ pre to am.

2 Samiɛl 22:4

A pre to PAPA GƆD bikɔs i fit fɔ prez ɛn i pul mi na mi ɛnimi dɛn an.

Rɛvɛleshɔn 5:2

Dɛn a si wan enjɛl we gɛt pawa, i de tɔk lawd wan se, “Udat fit fɔ pul di tin dɛn we dɛn tek fasin dis pepa ya so dat i kin opin am?”

Job 36:3

A go sho una aw a sabi plɛnti plɛnti tin, ɛn pruv to una se PAPA GƆD we mek mi, nɔ bɛn bɛn.

Di Sam Dɛm 68:34

Tɔk bɔt PAPA GƆD in pawa wi i gɛt as kiŋ oba Izrɛl ɛn aw di skay sɛf de sho aw i wɔndaful.

Di Ibru Pipul Dɛn 1:2

Bɔt dis tɛm we di wɔl de dɔn, nain Pikin i sɛn fɔ tɛl wi in wɔd. Na bay dis Pikin ya, i mek ɔl di wɔl, ɛn nain i pik fɔ gɛt ɔltin we i gɛt.

Jɛrimaya 10:11

Na dis yu go tɛl dɛm: “Dɛn gɔd dɛm we nɔto dɛn mek ɔp di klawd ɛn dɔŋ di grɔn, go alaki na grɔn ɛn ɔnda di klawd.”

Ayzaya 40:26

Es yu yay ɔp ɛn si: udat mek dɛn wan ya? In we de pul di san mun ɛn sta dɛn, ɛn kɔnt dɛn, de kɔl dɛn ɔl bay nem; bikɔs i gɛt trɛnk bad bad wan, ɛn gɛt pawa bad bad wan nɔn pan dɛn nɔ lɔs.

Ditarɔnɔmi 32:4

Na PAPA GƆD de fɛt fɔ dɛn ɛn i nɔ de mek mistek, I nɔ bɛn-bɛn pan ɛnitin we i de du. Na fethful Gɔd, ɛn i nɔ de lay Natin we i de du nɔ gɛt wan bɛn bɛn.

Ɛksodɔs 20:11

Na siks de PAPA GƆD tek fɔ mek ɛvin ɛn ath, di si ɛn ɔl wetin de insay de, bɔt i blo di de we mek sɛvin. So PAPA GƆD insɛf blɛs da de de, ɛn mek am oli.

Rɛvɛleshɔn 1:6

ɛn i dɔn mek wi kam ɔnda Gɔd in rul ɛn bi pipul we de mek sakrifays to Gɔd we nain Papa. Jizɔs Krays gɛt ɔna ɛn pawa sote go. Emɛn.

Rɛvɛleshɔn 19:1

Wɛn dat dɔn, a yɛri lɛkɛ plɛnti pipul na ɛvin de siŋ lawd wan se, “Aliluya, una lɛ wi prez Gɔd, nain dɔn sev wi. I wɔndaful pas ɔl, ɛn i gɛt pawa pas ɔl!