Rɛvɛleshɔn 3:7 - Krio Fɔs Oli Baybul

⁷ “Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Rɛvɛleshɔn 3:7 Referans Kwoze

Ayzaya 22:22

A go put di ki fɔ Devid in os nain an; i go opin, ɛn nɔbɔdi nɔ go lɔk; i go lɔk, ɛn nɔbɔdi nɔ go opin.

Matyu 16:19

A go gi yu di ki dɛn fɔ di ples we Gɔd de rul. Ɛni tin we yu nɔ gri fɔ na dis wɔl, Gɔd nɔ go gri fɔ am na ɛvin; ɛnitin we yu gri fɔ na dis wɔl, Gɔd go gri fɔ am na ɛvin.”

Rɛvɛleshɔn 1:18

Na mi gɛt layf naw. A bin dɔn day bɔt a dɔn gɛt layf bak, ɛn a go gɛt layf sote go; na mi gɛt pawa oba day ɛn na mi ol di ki fɔ di say we dɛn spirit we dɔn kɔmɔt na dis wɔl de.

Job 12:14

If i pwɛl sɔntin, nɔbɔdi nɔ ebul mek am bak; ɛn we i lɔk ɛni do, nɔbɔdi nɔ go ebul opin am.

Rɛvɛleshɔn 6:10

Dɛn bin de ala lawd wan se, “Masta, yu we yu pawa pas ɔl pawa, yu we tru ɛn yu we na yu wangren na Gɔd, aw lɔŋ igen wi fɔ wet bifo yu go jɔj dɛn pipul na wɔl ɛn pɔnish dɛn bikɔs dɛn bin kil wi?”

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Lyuk 1:32

I go bi impɔtant pas ɔlman, dɛn i go kɔl am Gɔd we pas ɔl, in Pikin. Gɔd we na wi Masta go mek i rul oba di Izrɛl pipul dɛn lɛkɛ Devid we na wan pan in grampapa papa dɛn.

Mak 1:24

“Jizɔs we kɔmɔt Nazarɛt, us biznɛs yu gɛt wit wi? Yu kam ya fɔ kil wi? A no udat na yu, a no se yu kɔmɔt to Gɔd ɛn yu dɔn gi Gɔd yu layf fɔ tru.”

Ayzaya 41:14

Nɔ fred, yu Jekɔb we na wɔrɔm, una di man dɛn na Izrɛl! PAPA GƆD se, a go ɛp una; di wan we de sev una na di Oli Wan na Izrɛl.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Rɛvɛleshɔn 19:11

Wɛn dat dɔn, na de a si wan domɔt na ɛvin opin, a si wan wayt ɔs tinap de, di pɔsin we bin de rayd am bin nem “Di wan we fit fɔ trɔs ɛn di wan we de tɔk tru”. I de jɔj tret ɔltɛm, ɛn wɛn i de fɛt sɛf na wa, i tret.

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Ayzaya 54:5

Bikɔs yu meka na yu man, we na PAPA GƆD Ɔlmayti nain nem; ɛn na di Oli Wan na Izrɛl na yu Ridima, we dɛn kɔl, di Gɔd fɔ di wanol wɔl.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Apɔsul Dɛn Wok 3:14

Jizɔs na bin man we tret ɛn i bin gi insɛf to Gɔd. Una bin tɔk bad bɔt Jizɔs ɛn una beg Paylet se mek i kil Jizɔs ɛn lɛf wan man we kil pɔsin.

Matyu 24:35

Natin nɔ go de ɔp klawd igen ɛn di wɔl sɛf nɔ go de igen, bɔt mi wɔd dɛn go de sote go wit ɔl dɛn pawa.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Lyuk 4:34

“Jizɔs, we kɔmɔt Nazarɛt, us biznɛs yu gɛt wit wi? Yu kam ya fɔ kil wi? A no udat na yu, a no se yu kɔmɔt to Gɔd ɛn yu dɔn gi Gɔd yu layf fɔ tru.”

Ayzaya 55:5

A de tɛl yu, yu go sɛn kɔl neshɔn dɛn we una nɔ no, ɛn neshɔn dɛn we nɔ bin no, go rɔn kam to yu, Fɔseka PAPA GƆD we na una Gɔd, di Oli Wan na Izrɛl bikɔs I dɔn es una ɔp na wɔl.

Rɛvɛleshɔn 15:3

Dɛn bin de siŋ di siŋ we Mozis, we de wok fɔ Gɔd, bin siŋ lɔntɛm. Da siŋ de na di Ship in siŋ; di siŋ se, “Masta, Gɔd we gɛt pawa pas ɔl, yu wok dɛn big ɛn dɛn wɔndaful! Na yu na di kiŋ we de rul oba ɔl dɛn neshɔn, yu de du wetin rayt, yu de tɔk wetin tru ɔltɛm!

Ayzaya 49:7

Na dis PAPA GƆD, we na Izrɛl in Ridima ɛn in Oli Wan se, to di wan we ɔlman dɔn shub na kɔna ɔltogɛda, we di neshɔn dɛn dɔn shub fa, we na di rula dɛn wokman: “kiŋ dɛm go si ɛn tinap; bigman dɛm, ɛn dɛn go lidɔm na grɔn wit dɛn bɛlɛ; bikɔs PAPA GƆD we de waka tret, we na di Oli Wan na Izrɛl, we dɔn pik yu.”

Ayzaya 48:17

Na dis PAPA GƆD se, Yu Ridima, we na di Oli Wan na Izrɛl: “Na mi na PAPA GƆD we na yu Gɔd, we de tich yu aw fɔ prɔfit, we de lid yu na di rod we yu fɔ waka na layf.

Ayzaya 47:4

Wi Ridima – we PAPA GƆD Ɔlmayti nain nem- na di Oli Wan na Izrɛl.

Ayzaya 41:20

so dat mɔtalman go si ɛn no, ɛn kɔnsida ɛn ɔndastand togɛda, se, na PAPA GƆD in an dɔn du dis, na di Oli Wan na Izrɛl, dɔn mek am.

Ayzaya 41:16

una go fana dɛm, ɛn briz go blo dɛn go, ɛn ebi ebi tinada go skata dɛn. Ɛn yu go gladi insay PAPA GƆD; nainsay di Oli Wan na Izrɛl, una go glori.

Ayzaya 6:3

Wande tɔk to di ɔda wan se: “PAPA GƆD Ɔlmayti oli, I oli, I oli; di wanol wɔl ful wit in glori.”

Di Sam Dɛm 145:17

PAPA GƆD nɔ miks pan bɛnbɛn ɛn i gud pan ɔl wetin i de du.

Di Sam Dɛm 89:18

Fɔ tru tru, na PAPA GƆD de kɔba pɔsin. In na wi Kiŋ, di wan we oli we Izrɛl de pre to.

Job 11:10

If PAPA GƆD disayd fɔ arɛst pɔsin, ɛn mek kes fɔ am, udat go ebul tap am?

Rɛvɛleshɔn 21:5

Dɛn di pɔsin we sidɔm na di chia we kiŋ kin sidɔm fɔ rul, se, “Luk, a de mek ɔltin nyu!” Dɛn i se, “Rayt dɛn wɔd ya dɔŋ, bikɔs dɛn na tru ɛn pipul kin biliv dɛn.”

Rɛvɛleshɔn 19:2

I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”

Rɛvɛleshɔn 16:7

Dɛn a yɛri vɔys na di tebul we dɛn de mek sakrifays to Gɔd. Di vɔys de tɔk se, “Masta, Gɔd we gɛt pawa pas ɔl! Yu de jɔj rayt, ɛn yu de tɔk tru ɔltɛm!”

Rɛvɛleshɔn 4:8

Dɛn ɔl fo bin gɛt siks siks wiŋ dɛn; soso yay bin kɔba dɛn ɔlɔbɔt. Ol de ol nɛt dɛn nɔ de tap fɔ siŋ se, “Gɔd na di Masta we gɛt pawa pas ɔl, nain wangren na Gɔd, i nɔ sin wande, i gud pas ɔl. I bin de bifo di wɔl mek, i de naw ɛn i go kam bak.”

Rɛvɛleshɔn 2:1

“Rayt dis mɛsej ya sɛn am go to di enjɛl we de gyad di Kristiɛn dɛn na Ɛfisɔs: “Na dis mɛsej ya di pɔsin we ol dɛn sɛvin sta nain raytan ɛn we de waka midul dɛn sɛvin gold lampolda, sɛn:

Ayzaya 30:11

lɛf fɔ waka na Gɔd rod, go du ɔda tin, lɛ wi nɔ yɛri bɔt Izrɛl in Oli Wan, igen”

Di Sam Dɛm 16:10

bikɔs yu nɔ go mek mi, we na yu pikin day bifo mi tɛm ɛn go ɛl.