Rɛvɛleshɔn 3:4 - Krio Fɔs Oli Baybul

⁴ Bɔt te naw sɔm pan una de na Sadis we nɔ dɔti una klos, bɔt una nɔ plɛnti. Dɛn pipul de go waka wit mi, dɛn go wɛr wayt klos bikɔs dɛn fit fɔ wɛr am, bay aw dɛn de du.

Rɛvɛleshɔn 3:4 Referans Kwoze

Rɛvɛleshɔn 7:9

Wɛn dat dɔn, a luk bak, na de a si bɔku bɔku pipul we pɔsin nɔ ebul kɔnt. Dɛn bin kɔmɔt na ɔl dɛn trayb ɛn ɔl dɛn neshɔn na wɔl, dɛn bin de tɔk ɔl dɛn difrɛn difrɛn laŋwej na wɔl, sɔm bin wayt, sɔm bin blak. Dɛn bin tinap bifo di ay chia we kiŋ kin sidɔm, na di say we di Ship insɛf bin de; dɛn bin wɛr wayt ɛn dɛn ɔl bin olpam.

Rɛvɛleshɔn 3:5

Dɛn pipul we go stil tinap traŋa afta Setan dɔn tray dɛn, dɛnsɛf go wɛr wayt klos. Ɛn a nɔ go pul dɛn nem kɔmɔt na di buk we dɛn pipul we gɛt layf, dɛn nem rayt. A go tɔk bifo mi Papa ɛn bifo in enjɛl dɛn se dɛn pipul de na mi yon.

Rɛvɛleshɔn 6:11

Dɛn gi dɛn ɔl wan wan lɔŋ wayt klos fɔ wɛr; dɛn bin tɛl dɛn fɔ wet lili bit mɔ bikɔs dɛn nɔmba nɔ bin fulɔp yet, i bin lɛf dɛn brɔda we bin stil de wok fɔ Gɔd na wɔl ɛn we di pipul dɛn na wɔl bin gɛt fɔ kil lɛkɛ aw dɛn bin kil dɛnsɛf.

Ɛkliziastis 9:8

Yu fɔ drɛs fayn ɔltɛm ɛn rɔb ɔyl na yu ed ɔltɛm.

Rɛvɛleshɔn 19:14

Dɛn soja man na ɛvin bin de fala am, dɛnsɛf bin de rayd wayt ɔs ɛn dɛn bin wɛr klin wayt linin klos.

Rɛvɛleshɔn 4:4

Twɛnti-fo ɔda ay chia we kiŋ kin sidɔm pan bin de rawnd di fɔs ay chia; a si twɛnti-fo bigman dɛn sidɔm pan di chia dɛn; dɛn bin wɛr wayt klos; ɛn dɛn tin we kiŋ kin wɛr we dɛn kɔl krawn, bin de na dɛn ed, na gold dɛn bin tek mek di krawn dɛn.

Rɛvɛleshɔn 3:18

So a de advays una mek una kam to mi kam bay gold, we dɛn dɔn bɔn na faya te i klin so dat una go jɛntri fɔ tru; ɛn a de advays una igen mek una kam bay wayt klos fɔ wɛr, so dat una nɔ go shem bikɔs una de nekɛd, ɛn mek una kam bay mɛrɛsin fɔ rɔb na una yay mek una go si.

Rɛvɛleshɔn 19:8

Dɛn gi am fayn klin wayt linin klos fɔ wɛr.” (Di fayn linin de sho aw Gɔd in pipul dɛn de waka tret.)

Jud In Lɛta 1:23

Una fɔ drɔ sɔm pipul kwik kɔmɔt na di faya ɛn sev dɛn; una fɔ tek tɛm we una de tek sɔri at ɛp sɔm pipul, una nɔ fɔ mek di klos sɛf we dɛn wɛr wɛn dɛn de pan sin tɔch una bɔdi, dat min se una nɔ fɔ go klos ɛnibɔdi we de du bad.

Lyuk 21:36

Una fɔ waydawek ɛn una fɔ de pre ɔltɛm so dat una go gɛt trɛnk fɔ bia ɔl dɛn tin we go bi na dis wɔl ɛn una go ebul fɔ tinap bifo Mɔtalman Pikin.”

Mak 16:5

Wɛn dɛn de go insay di grev, dɛn si wan yɔŋ man we wɛr lɔŋ wayt klos, i bin sidɔm na di raytan say. Di uman dɛn fred!

Lyuk 20:35

bɔt dɛn pipul we Gɔd si se fit fɔ rayz frɔm dɛn grev go na ɛvin, nɔ de mared.

Matyu 10:11

“Wɛn una go na ɛni tɔŋ ɔ vilej, una fɔ fɛn pɔsin we go gri fɔ mek una tap nain os, ɛn una nɔ fɔ muf go na ɔda os sote una lɛf da ples de.

Rɛvɛleshɔn 11:13

Da sem tɛm de, nain di grɔn trimbul bad bad wan; wan pan ɛvri tɛn say na di tɔŋ pwɛl pata pata, ɛn sɛvin tawzin pipul day. Di ɔda pipul dɛn we nɔ day, fred bad; dɛn bigin prez Gɔd we de rul na ɛvin.

Sɛkɛn Lɛta Fɔ Tɛsalonayka 1:5

Ɔl wetin una de sɔfa sho se Gɔd go jɔj ɔlman lɛkɛ aw i fɔ jɔj dɛn, ɛn bikɔs una de sɔfa, Gɔd go mek una fit fɔ mek i rul una.

Ayzaya 64:6

We ɔl dɔn tan lɛk pɔsin we nɔ klin na Gɔd yay, ɛn ɔl di tin dɛn we wi de du se wi de waka tret na PAPA GƆD in yay, tan lɛk smɛl dɔti klos. Wi ɔl de fed lɛk lif, ɛn wi sin dɛn de kɛr wi go lɛk briz.

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Ayzaya 52:1

Grap o, grap, pik trɛnk, yu Zayɔn; wɛr yu fayn fayn klos dɛn, Yu Jerusɛlɛm, we na di oli siti; bikɔs dɛn nɔ go kam insay to yu igen dɛn wan we nɔ sakɔmsayz ɛn we nɔ klin

Di Sam Dɛm 68:14

Wɛn PAPA GƆD Ɔlmayti skata di kiŋ dɛn na di land, i tan lɛk we dyu fɔdɔm na Mawnt Zalmɔn.

Ɛsta 8:15

Dɛn Mɔdikay kɔmɔt usay di kiŋ de wit in blu ɛn wayt klos lɛkɛ di wan we kiŋ kin wɛr, wit gold krawn ɛn kot we dɛn tek fayn linin ɛn pɔpul matirial mek. Da tɛm de, na so ɔlman insay Susa de ala wit gladi.

Apɔsul Dɛn Wok 1:15

Wande, dɛn wan we biliv pan Jizɔs bin gɛt mitin; na bɔt wan ɔndrɛd ɛn twɛnti pipul bin go di mitin. Pita tinap midul di pipul dɛn

Ayzaya 61:3

fɔ gi dɛn wan dɛn na Zayɔn we dɛn at de blid– fɔ gi dɛn galans instɛd ɔf ashis, gladi gladi ɔyl, instɛd ɔf at we de blid, Prez ova kot instɛd ɔf taya bɔdi; so dat dɛn go kɔl dɛn di kɔtintri fɔ waka tret na PAPA GƆD in yay, di tin we PAPA GƆD plant, mek I go gɛt glori.

Ayzaya 59:6

Pɔsin nɔ go ebul wɛr spaydawɛb fɔ klos ɛn mɔtalman nɔ go ebul kɔba insɛf wit wetin dɛn kin mek. Dɛn wok dɛn na sinful wok ɛn na fɔ du bad de na dɛn an.

Ayzaya 1:9

If PAPA GƆD Ɔlmayti, nɔ bin lɛf tu-tri pan wi we nɔ day, wi bin fɔ dɔn tan lɛk Sɔdɔm, ɛn bi lɛk Gɔmɔra.

1 Kiŋ 19:18

A dɔn kip sɛvin tawzin pipul dɛn na Izrɛl we nɔ wande wɔship Beal ɔ kis in lay lay gɔd.”

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Rɛvɛleshɔn 14:4

Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.

Lɛvitikɔs 13:48

na ɛnisay pan di matirial, ɔ lɛda,