Rɛvɛleshɔn 3:3 - Krio Fɔs Oli Baybul

³ So una mɛmba dɛn tin we dɛn dɔn lan una we una bin biliv, ɛn una nɔ lɛf fɔ biliv dɛn wit ɔl una at, una lɛf fɔ du dɛn bad tin we una de du. If una nɔ grap wantɛm ɛn bigin du dɛn tin we a tɛl una, a go kam lɛkɛ tifman kam mit una ɛn una nɔ go no di tɛm we a go kam mit una.

Rɛvɛleshɔn 3:3 Referans Kwoze

Rɛvɛleshɔn 2:5

so una mɛmba di we we una bin lɛk mi bifo una tap, ɛn una bigin fɔ lɛk mi bak lɛkɛ aw una bin lɛk mi di fɔs tɛm we una bigin waka wit mi. If una nɔ gri fɔ sɔri fɔ wetin una du so ɛn chenj, a go kam mit una, a go pul una lampolda kɔmɔt di say we i de;

Pita In Sɛkɛn Lɛta 3:10

Di Masta go kam bak lɛkɛ aw tifman de kam na nɛt. Big nɔys go de da tɛm de ɛn di klawd go lɔs; faya go bɔn ɔl wetin de na di klawd lɛkɛ sta ɛn mun; ɛn dis wɔl ɛn ɔl wetin lib de, go bɔn.

Fɔs Lɛta Fɔ Tɛsalonayka 5:2

bikɔs unasɛf no gud wan se di Masta go kam de we nɔbɔdi nɔ mekɔp, lɛkɛ aw tifman kin kam na nɛt.

Rɛvɛleshɔn 16:15

“Lisin! A de kam tɛm we una nɔ mekɔp, lɛkɛ wɛn tifman de kam! I go bɛtɛ fɔ di pɔsin we nɔ de slip ɛn we wɛr klos, so dat i nɔ go gɛt fɔ waka nekɛd ɛn shem bifo pipul!”

Matyu 25:13

Afta dat, Jizɔs tɔk to di pipul dɛn, i se, “Una fɔ waydawek, bikɔs una nɔ no di de ɔ di awa we Mɔtalman Pikin go kam.

Di Ibru Pipul Dɛn 2:1

Na dat mek, wi fɔ put ɔl wi at pan di tru wɔd we dɛn dɔn tɛl wi, so dat wi nɔ go kɔmɔt na di rayt rod.

Fɔs Lɛta To Timoti 6:20

Duya, Timoti, kip ɔl dɛn tin we a dɔn tɛl yu insay yu at ɛn du dɛn ɔltɛm. Nɔ miks pan dɛn tɔk ɛn dɛn fulish plaba we nɔ gɛt natin fɔ du wit Gɔd, we sɔm pipul de mistek kɔl “sabi”.

Mak 13:36

Una fɔ waydawek, mek i nɔ kam tɛm we una nɔ mekɔp ɛn mit una de slip.

Mak 13:33

Una fɔ waydawek, una fɔ de wach, bikɔs una nɔ no ustɛm dɛn tin ya go bi.

Izikɛl 36:31

Dɛn una go mɛmba una ivul bievyɔ ɛn di tin dɛn we una bin de du we nɔ gud, ɛn una go et unasɛf fɔ una bad bad wikɛdnɛs ɛn di wikɛd tin dɛn we una bin de du we de briŋ etrɛd ɛn bad bad fred fred.

Rɛvɛleshɔn 3:19

Dɛn pipul we a lɛk na dɛn a kin tɛl se dɛn de du rɔŋ tin ɛn a kin pɔnish dɛn mek dɛn go gɛt sɛns fɔ du wetin rayt. So una kechɔp unasɛf, ɛn lɛf fɔ sin.

Pita In Sɛkɛn Lɛta 3:1

Mi padi dɛn we a lɛk, dis na di sɛkɛn tɛm we a de rayt una. Dɛn tu lɛta ya we a dɔn rayt una na fɔ mɛmba una bɔt dɛn tin we a bin dɔn tɛl una, so dat una go ebul tink bɔt dɛn tin we dɛn rayt.

Rɛvɛleshɔn 3:11

A go kam bak, i nɔ go te igen. Una nɔ lɛf fɔ biliv wit ɔl una at dɛn tin we una dɔn lan, so dat nɔbɔdi nɔ go jɔg una blɛsin we una go gɛt bikɔs una dɔn tinap traŋa.

Rɛvɛleshɔn 2:25

pas fɔ se mek una biliv gud dɛn tin we una dɔn lan, te a kam bak.

Pita In Sɛkɛn Lɛta 1:13

A fil se i rayt fɔ mek a de mɛmba una bɔt dɛn tin ya naw we a gɛt layf fɔs, fɔ mek una waydawek.

Sɛkɛn Lɛta To Timoti 1:13

Dɛn tru wɔd we a tɛl yu, yu fɔ put ɔl yu at pan dɛn; na dɛn yu fɔ de fala pan ɛnitin we yu de du, yu nɔ fɔ lɛf fɔ biliv Gɔd lɛkɛ aw yu biliv am naw, ɛn yu nɔ fɔ tap fɔ lɛk yu kɔmpin. Na bikɔs wi gɛt wanwɔd wit Jizɔs Krays mek wi ebul biliv Gɔd ɛn lɛk wi kɔmpin so.

Izikɛl 20:43

Ɛn na de una go mɛmba una bievyɔ dɛm, ɛn ɔl di tin dɛn we una bin de du, we una bin tek fɔ dɔti unasɛf; ɛn una go et unasɛf fɔ ɔl di bad bad tin dɛn we una dɔn du.

Rɛvɛleshɔn 3:2

So una grap, una tray mek di lili layf we una stil gɛt nɔ dɔn ɔltogɛda. A si se di tin dɛn we una de du nɔ tan yet lɛkɛ aw dɛn fɔ tan na Gɔd yay.

Rɛvɛleshɔn 22:7

Jizɔs se, “Lisin, i nɔ go te igen, a go kam bak! Blɛsin de fɔ ɛnibɔdi we go fala dɛn tin we Gɔd tɔk, we gɛt fɔ bi, we rayt na dis buk.”