Rɛvɛleshɔn 3:19 - Krio Fɔs Oli Baybul

¹⁹ Dɛn pipul we a lɛk na dɛn a kin tɛl se dɛn de du rɔŋ tin ɛn a kin pɔnish dɛn mek dɛn go gɛt sɛns fɔ du wetin rayt. So una kechɔp unasɛf, ɛn lɛf fɔ sin.

Rɛvɛleshɔn 3:19 Referans Kwoze

1 Kɔrint 11:32

Bɔt di Masta de jɔj wi ɛn pɔnish wi naw so dat i nɔ go kɔndɛm wi wit dɛn ɔda pipul na di wɔl.

Rɛvɛleshɔn 2:5

so una mɛmba di we we una bin lɛk mi bifo una tap, ɛn una bigin fɔ lɛk mi bak lɛkɛ aw una bin lɛk mi di fɔs tɛm we una bigin waka wit mi. If una nɔ gri fɔ sɔri fɔ wetin una du so ɛn chenj, a go kam mit una, a go pul una lampolda kɔmɔt di say we i de;

Job 5:17

Na tru se i go fayn fɔ di man we PAPA GƆD de kɔrɛkt, so pɔsin nɔ fɔ vɛks pan PAPA GƆD Ɔlmayti if i de kɔrɛkt am.

2 Kɔrint 7:11

Luk wetin Gɔd du fɔ una we a mek una fil sɔri: i mek una siriɔs pan wetin una de du ɛn una want pruv fɔ tru se una nɔ gilti! Una bin vɛks bad fɔ di tin we una bin du; una bin fred bikɔs na bad tin una bin du, una bin fil bad; una bin want si mi bad bad; una bin rɛdi ɛnitɛm fɔ pɔnish di pɔsin we du bad! Una du ɔl wetin una ebul fɔ mek ɔltin tret. Ɔl dat dɔn sho mi se a nɔ gɛt ɛnitin fɔ blem una fɔ insay ɔl dis.

Jɛrimaya 31:18

A dɔn yɛri Ifrem in kɔmplen, we i de se, ‘Yu dɔn disiplin mi, ɛn yu disiplin mi lɛk kaw pikin we nɔ gɛt trenin; briŋ mi kam bak so dat a go de lɛk aw a bin de, bikɔs na yu na PAPA GƆD we na mi Gɔd.

Jɛrimaya 10:24

Kɔrɛkt mi PAPA GƆD, bɔt mek am smɔl smɔl mek a nɔ fil am nɔto we yu vɛks, if nɔ so yu go jɛs kil mi.

Jɛrimaya 7:28

Ɛn yu go tɛl dɛm se, ‘Na di neshɔn dis we nɔ yɛri PAPA GƆD we na dɛn Gɔ in wɔd, ɛn nɔ gri mek i kɔntrol dɛm; di tru dɔn day; i nɔ de na dɛn mɔt igen

Ayzaya 26:16

PAPA GƆD, nainsay dip trɔbul dɛn bin de we dɛn de fɛn yu, dɛn bin pre to yu wit ɔl dɛn at, we yu bin de kɔrɛkt dɛm.

Prɔvabs 22:15

Pikin dɛn gɛt wan kaynaba abit fɔ de mek traŋayes, bɔt wɛn yu wok dɛn gud, i de mek dɛn soba.

Prɔvabs 15:32

Udat de se in nɔ want lan de du insɛf, bɔt yu tek kɔrɛkshɔn de gɛt mɔ sɛns.

Di Sam Dɛm 69:9

Di lɛk we a lɛk yu os dɔn tɔn bon na mi trot ɛn ɔl di kɔs we dɛn de kɔs yu de tɔn pan mi.

Di Sam Dɛm 39:11

Yu de tɔk pan mɔtalman ɛn pɔnish am fɔ in sin. Lɛkɛ bɔgbɔg, na so yu de pwɛl wetin i gɛt; mɔtalman jɛs tan lɛk briz.

Ditarɔnɔmi 8:5

Dat fɔ mek dɛn no se lɛk aw mɔtalman de tren in pikin, na so PAPA GƆD we na dɛn PAPA GƆD bin de tren dɛn,

Jems 1:12

Pɔsin we nɔ tap fɔ biliv pan Gɔd wɛn trɔbul mit am gɛt blɛsin, bikɔs if i stil tinap traŋa afta trɔbul dɔn mit am, Gɔd go gi am di tru layf we i bin dɔn prɔmis dɛn wan we lɛk am.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Lɛta Fɔ Rom 12:11

Una fɔ wok traŋa wan, una nɔ fɔ les. Una fɔ put ɔl una at pan di wok we una de du fɔ di Masta.

Jɛrimaya 30:11

PAPA GƆD se, bikɔs a de wit yu fɔ sev yu; A go nyakanyaka ɔl di neshɔn dɛm we a skata una, bɔt as fɔ una, a nɔ go nyakanyaka una. A go disiplin una bay aw una de biev, ɛn natin nɔ go mek a nɔ pɔnish una.

Di Sam Dɛm 94:10

PAPA GƆD we ebul pɔnish wanol neshɔn, na ɔdinari mɔtalman i nɔ go ebul pɔnish? Ɔ in we de tich, yu go se i nɔ gɛt sɛns?

Di Sam Dɛm 6:1

E PAPA GƆD! Duya nɔ vɛks ala pan mi, ɛn nɔ pɔnish mi bikɔs yu vɛks.

2 Samiɛl 7:14

I se in go tan lɛk papa to am ɛn tek am fɔ in bɔypikin. I se if i ambɔg am, i go bit am lɛk aw papa de bit in pikin

2 Kɔrint 6:9

i tan lɛkɛ se nɔbɔdi nɔ sabi wi na dis wɔl, bɔt Gɔd sabi wi. Pipul tek wi lɛkɛ pɔsin dɛn we dɔn day, bɔt wi de na dis wɔl, day nɔ de klos wi sɛf. Pan ɔl we dɛn pipul ya de mek wi sɔfa, wi nɔ day;

Jɔn 2:17

Di lanin bɔy dɛn mɛmba wetin Gɔd in Buk se, “O Gɔd, a de day wit di lɛk we a lɛk yu os, i dɔn so grip mi dat i nɔ go lɛf mi igen.”

Prɔvabs 15:10

Udat lɛf fɔ du wetin rayt, dɛn fɔ pɔnish am gud fashin; if i nɔ want tek kɔrɛkshɔn, i fɔ day.

Lɛta Fɔ Galeshya 4:18

Na fayn tin fɔ mek pipul sho se dɛn kia bɔt dɛn kɔmpin, if na gud dɛn want du. Una fɔ de lɛkɛ dat ɔltɛm, ivin we a nɔ de wit una.

Zɛfinaya 3:2

I nɔ de yɛri nɔbɔdi, i nɔ de tek kɔrɛkshɔn. I nɔ abop pan PAPA GƆD, i nɔ de go nia PAPA GƆD.

Jɛrimaya 2:30

PAPA GƆD se, A dɔn pɔnish una pikin dɛm te, dɛn nɔ gri chenj; na unasɛf tek una an kil una prɔfɛt dɛn lɛk layɔn we aŋri bad bad wan.

Matyu 25:7

Di tɛn yɔŋ gyal dɛn wek ɛn rɛdi dɛn lamp.