Rɛvɛleshɔn 3:18 - Krio Fɔs Oli Baybul

¹⁸ So a de advays una mek una kam to mi kam bay gold, we dɛn dɔn bɔn na faya te i klin so dat una go jɛntri fɔ tru; ɛn a de advays una igen mek una kam bay wayt klos fɔ wɛr, so dat una nɔ go shem bikɔs una de nekɛd, ɛn mek una kam bay mɛrɛsin fɔ rɔb na una yay mek una go si.

Rɛvɛleshɔn 3:18 Referans Kwoze

Rɛvɛleshɔn 16:15

“Lisin! A de kam tɛm we una nɔ mekɔp, lɛkɛ wɛn tifman de kam! I go bɛtɛ fɔ di pɔsin we nɔ de slip ɛn we wɛr klos, so dat i nɔ go gɛt fɔ waka nekɛd ɛn shem bifo pipul!”

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Ayzaya 55:1

E, lɛ ɔlman we tɔsti, kam na di watasay dɛn; ɛn lɛ udat we nɔ gɛt kɔpɔ, kam, bay ɛn it! Kam, bay wayn ɛn milk i lɛk yu nɔ gɛt kɔpɔ ɛn dɛn nɔ gɛt prayz.

Rɛvɛleshɔn 19:8

Dɛn gi am fayn klin wayt linin klos fɔ wɛr.” (Di fayn linin de sho aw Gɔd in pipul dɛn de waka tret.)

Malakay 3:3

I go tan lɛk silvasmit bikɔs i go sidɔm fɔ de mek pipul klin bifo PAPA GƆD. I go mek Livay in bɔypikin dɛn klin lɛkɛ aw dɛn de klin gold ɔ silva te dɛn ebul fɔ de gi di rayt kayn prɛzɛnt ɔ sakrifays to PAPA GƆD.

Rɛvɛleshɔn 7:13

Wan pan di bigman dɛn aks mi se, “Yu no udat na dɛn pipul ya we wɛr wayt? Yu no usay dɛn kɔmɔt?”

Matyu 13:44

“Gɔd in rul tan lɛkɛ we pɔsin fɛn gud gud dia tin we dɛn bɛr na grɔn, ɛn wɛn i fɛn am, i ayd am bak; i bin so gladi dat i go sɛl ɔl in prɔpati ɛn tɔn bak go bay di grɔn we dɛn ayd dis gud gud dia tin.

Daniɛl 12:2

Bɔku pan di wan dɛn we dɔn day go wek. Sɔm go gɛt layf sote go ɛn sɔm go gɛt shem ɛn disgres sote go.

Di Sam Dɛm 32:8

PAPA GƆD se, “A go tich yu ɛn tɛl yu wetin fɔ du mi yay go fala yu, ɛnisay we yu go.”

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Mayka 1:11

Di wan dɛn we tap na Shafir, go pas wit dɛn shem ɛn nekɛdnɛs go dɛn we; di wan dɛn we tap na Zaanan nɔ go mistek kɔmɔt na do; wɛn dɛn go yɛri we di pipul dɛn na Bɛthɛzɛl de kray, dɛn no wantɛm se nɔto ples dat fɔ go ayd.

Di Sam Dɛm 73:24

Yu de sho mi usay a fɔ go dɔn we a fala di rod, yu de gi mi ɔna. Na yu nɔmɔ we de na ɛvin a gɛt.

Rɛvɛleshɔn 3:17

Una de tɔk se una jɛntri, di tin dɛn we una gɛt, dɔn plɛnti, ɛn natin nɔ de we una fɔ gɛt we una nɔ gɛt. Bɔt una nɔ kechɔp se una po, ɛn pipul de sɔri fɔ una, una de nekɛd ɛn una yay blɛn.

Rɛvɛleshɔn 2:9

A no di waala we dɔn mit una, a no se una po, bɔt una nɔ po, una jɛntri. A no igen se, dɛn pipul we de lay, we se dɛn na Ju, de tɔk bad bɔt una. Dɛn nɔto Ju atɔl, na Setan dɛn de fala.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Ayzaya 47:3

Yu nekɛdnɛs go sho, ɛn yu shem go kɔmɔt na do. A go rivɛnj, ɛn a nɔ go lɛf nɔbɔdi.

Prɔvabs 23:23

Nɔ skyad fɔ spɛnd fɔ lɛ yu no di tru ɛn we yu gɛt am, nɔ mek bigful te yu lɔs am, ɛn tray fɔ lan, no wetin rayt frɔm rɔŋ, ɛn ɔndastand wetin yu de du.

2 Kɔrint 5:3

bikɔs wɛn wi de insay wi os we de na ɛvin, wi nɔ go de nekɛd.

Lyuk 12:21

Jizɔs se, “Na so i go bi fɔ dɛn pipul we jɛs de gɛda prɔpati nɔmɔ, bɔt Gɔd no se dɛn nɔ gɛt natin.”

Neum 3:5

PAPA GƆD we pas ɔl ɔda gɔd vɛks pan dɛn. I se in go mɔs pɔnish dɛn. I se in go trip dɛn nekɛd frɔnt di ɔda neshɔn dɛn, dɔn ɔlman go si dɛn disgres wan.

Matyu 25:9

Bɔt di wan dɛn we gɛt sɛns tɛl dɛn se, ‘Nɔ, o, wi ɔyl nɔ du fɔ sheb, una go bay una yon na shap.’

Jɛrimaya 13:26

Na misɛf sɛf go es una skat kɔba una fes, ɛn una go disgres.

Ɛkliziastis 8:2

Du wetin di kiŋ se bikɔs na dat yu bin dɔn prɔmis PAPA GƆD.

Prɔvabs 19:20

If yu de tek advays ɛn rɛdi fɔ lan, wan fayn de yusɛf go gɛt sɛns.

Prɔvabs 1:30

dɔn una nɔ lisin to mi advays ɛn nɔ yɛri we a de kɔrɛkt una,

Prɔvabs 1:25

una nɔ yɛri mi advays, ivin we a kɔrɛkt una, una nɔ tek;

Di Sam Dɛm 107:11

afta we dɛn bin dɔn tɔn dɛn bak pan wetin PAPA GƆD se ɛn nɔ bisin bɔt wetin PAPA GƆD Ɔlmayti de tich.

Di Sam Dɛm 16:7

A go prez PAPA GƆD bikɔs nain de tɛl mi wetin fɔ du; ivin na nɛt, a de tink bɔt wetin i de tɛl mi fɔ du.

Fɔs Lɛta To Timoti 6:18

Dɛn yon jɛntri fɔ bi di plɛnti plɛnti gud wok we dɛn de du, dɛn fɔ fri an ɛn dɛn fɔ lɛk fɔ sheb wetin dɛn gɛt.

Rɛvɛleshɔn 4:4

Twɛnti-fo ɔda ay chia we kiŋ kin sidɔm pan bin de rawnd di fɔs ay chia; a si twɛnti-fo bigman dɛn sidɔm pan di chia dɛn; dɛn bin wɛr wayt klos; ɛn dɛn tin we kiŋ kin wɛr we dɛn kɔl krawn, bin de na dɛn ed, na gold dɛn bin tek mek di krawn dɛn.