Rɛvɛleshɔn 3:17 - Krio Fɔs Oli Baybul

¹⁷ Una de tɔk se una jɛntri, di tin dɛn we una gɛt, dɔn plɛnti, ɛn natin nɔ de we una fɔ gɛt we una nɔ gɛt. Bɔt una nɔ kechɔp se una po, ɛn pipul de sɔri fɔ una, una de nekɛd ɛn una yay blɛn.

Rɛvɛleshɔn 3:17 Referans Kwoze

Prɔvabs 13:7

Sɔm man de mek gɛt-gɛt, bɔt in nɔ gɛt dondo, na de sɔm we de mek nɔ gɛt, gɛt os ɛn lɔt.

Ozie 12:8

Ifrem in de blɔf se dat dɔn mek i jɛntri bɔt ɔl wetin i dɔn gɛda fɔ insɛf nɔ du fɔ pe fɔ di bad nem we i dɔn gɛt.

Rɛvɛleshɔn 2:9

A no di waala we dɔn mit una, a no se una po, bɔt una nɔ po, una jɛntri. A no igen se, dɛn pipul we de lay, we se dɛn na Ju, de tɔk bad bɔt una. Dɛn nɔto Ju atɔl, na Setan dɛn de fala.

Lɛta Fɔ Rom 7:24

A sɔri fɔ misɛf! Udat go pul dis bɔdi, we de mek a day, kɔmɔt pan mi?

Lyuk 1:53

I dɔn gi dɛn po pipul plɛnti tin we go mek dɛn satisfay, bɔt i dɔn sɛn dɛn jɛntri wan go, i nɔ gi dɛn natin.

Matyu 9:12

Jizɔs yɛri wetin dɛn tɔk, so i ansa dɛn se, “Nɔto dɛn pipul we wɛl fɔ go to dɔkta, na dɛn pipul we sik.

Rɛvɛleshɔn 16:15

“Lisin! A de kam tɛm we una nɔ mekɔp, lɛkɛ wɛn tifman de kam! I go bɛtɛ fɔ di pɔsin we nɔ de slip ɛn we wɛr klos, so dat i nɔ go gɛt fɔ waka nekɛd ɛn shem bifo pipul!”

Lɛta Fɔ Rom 12:3

Ɛn fɔseka wetin Gɔd dɔn gi mi bikɔs i gud, a de tɛl una ɔl se: Una nɔ tink se una bɛtɛ pas aw una tan, bɔt una fɔ tink lɛkɛ aw soba pipul de tink bɔt dɛnsɛf, ɛn una ɔl fɔ jɔj unasɛf bay aw Gɔd mek una ebul biliv am.

Jɛnɛsis 3:7

We dɛn dɔn it am dɔn, dɛn yay opin ɛn kechɔp se dɛn bin nekɛd; so dɛn so klos wit fig lif fɔ kɔba dɛnsɛf.

Pita In Sɛkɛn Lɛta 1:9

Bɔt if ɛnibɔdi de we nɔ de du dɛn tin ya, da pɔsin de tan lɛkɛ blɛnyay man ɛn i dɔn fɔgɛt se Krays bin dɔn pul sin kɔmɔt nain layf fɔ mek in layf klin.

Matyu 5:3

“Dɛn wan we abop pan Gɔd, gɛt blɛsin, bikɔs Gɔd de rul dɛn!

Lyuk 6:24

“Bɔt waala go kam pan una we jɛntri naw, una dɔn gɛt ɔl di tin dɛn we dɔn mek una gladi!

Zɛkaraya 11:5

Di wan dɛn we de bay dɛn fɔ kil dɛn nɔ gɛt pɔnishmɛnt fɔ dat; dɔn di wan dɛn we de sɛl dɛn de blɛs PAPA GƆD fɔ we dɛn dɔn mek bɔku mɔni bikɔs di wan dɛn we de mɛn dɛn nɔ de sɔri fɔ dɛnsɛf.

Ɛksodɔs 32:35

PAPA GƆD pɔnish di pipul dɛn bikɔs dɛn mek Erɔn mek gold kaw lay lay gɔd fɔ dɛn.

Lɛta Fɔ Rom 11:25

Mi kɔmpin Kristiɛn dɛn, wan tru tin de we a want mek una no, we na sikrit. I go mek una nɔ tink se una gɛt sɛns tumɔs. Na di sikrit dis: Nɔto fɔɛva di pipul dɛn na Izrɛl nɔ go gri fɔ biliv, na sote di tɛm nɔmɔ we ɔl dɛn pipul we nɔto Ju we Gɔd dɔn mak, go kam ɔnda in rul.

Lɛta Fɔ Rom 11:20

Dat na tru! Gɔd brok dɛn kɔmɔt bikɔs dɛn nɔ bin biliv, ɛn i lɛf una na di ples we dɛn bin de, bikɔs una biliv. Bɔt una nɔ fɔ prawd bikɔs una dɔn tek di ples we dɛn bin de, una fɔ fred Gɔd.

Jɛrimaya 2:31

So una, dis jɛnareshɔn, du wetin PAPA GƆD se, A dɔn tan lɛk dray ɛn ɛmti ples to Izrɛl, ɔ land we dak bad bad wan? Wɛl wetindu mi pipul dɛn de se, ‘wi dɔn fri, wi nɔ go kam to yu igen?

Ayzaya 42:19

Udat blɛn, pas mi wokman, ɔ dɛf lɛk mi mɛsenja we a sɛn? Udat blɛn lɛk di wan we de wit mi wit ɔl in at, ɔ blɛn lɛk PAPA GƆD in wokman?

Prɔvabs 30:9

if a jɛntri tumɔs a go fɔgɛt bɔt yu ɛn bigin aks udat na PAPA GƆD if a po da bad po we go mek a tif a go gi yu bad nem.

Rɛvɛleshɔn 3:16

So bikɔs una tan lɛkɛ it we nɔ ɔt ɛn we nɔ kol, a go pit una kɔmɔt na mi mɔt.