Rɛvɛleshɔn 3:15 - Krio Fɔs Oli Baybul

¹⁵ A no ɔl wetin una de du. Una tan lɛkɛ it we nɔ kol ɛn we nɔ ɔt we nɔ gɛt tes. A wish una bin de fala mi wit ɔl una at ɔ una bin lɛf fɔ fala mi ɔltogɛda.

Rɛvɛleshɔn 3:15 Referans Kwoze

Lɛta Fɔ Rom 12:11

Una fɔ wok traŋa wan, una nɔ fɔ les. Una fɔ put ɔl una at pan di wok we una de du fɔ di Masta.

Matyu 6:24

“Nɔbɔdi nɔ go bi slev to tu masta di sem tɛm. If i bi so, i go lɛk wan masta, i nɔ go lɛk di ɔda wan. I go wok gud fɔ wan masta, bɔt i nɔ go wok gud fɔ di ɔda wan. Una nɔ go de du Gɔd wok ɛn bi slev to mɔni, di sem tɛm.

1 Kiŋ 18:21

Ilayja go tinap bifo di krawd ɛn tɛl dɛn se dɛn nɔ go de ya, dɛn de yanda; if dɛn fil se na PAPA GƆD na PAPA GƆD, lɛ dɛn wɔship am; bɔt if na Beal na PAPA GƆD, lɛ dɛn wɔship am. Bɔt di pipul dɛn nɔ ansa am wan wɔd.

Rɛvɛleshɔn 2:4

Bɔt na wan tin una de du we a nɔ lɛk, una nɔ lɛk mi lɛkɛ aw una bin lɛk mi fɔstɛm;

Matyu 24:12

Ɛn bikɔs bad go plɛnti mɔ ɛn mɔ, di lɛk we plɛnti pipul gɛt na dɛn at go de lɛs.

Prɔvabs 23:26

Mi pikin, pe atɛnshɔn to wetin a de tɛl yu, tray fɔ de fala mi ɛgzampul.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Lɛta Fɔ Filipay 1:9

A de pre fɔ mek una lɛk Gɔd ɛn una kɔmpin mɔtalman mɔ ɛn mɔ, ɛn mek una no bɔt Gɔd mɔ ɛn mɔ, ɛn sabi mɔ ɛn mɔ wetin gud ɛn wetin bad,

2 Kɔrint 12:20

A de fred se wɛn a rich de a go si se una difrɛn frɔm aw a go lɛk fɔ mek una tan ɛn unasɛf go si se misɛf difrɛn frɔm aw una want mi fɔ tan. A de fred se a go kam mit plaba, wam at, kɔs, kɔnfyushɔn, pipul we de jɛlɔs dɛn kɔmpin, dɛn wan we de koŋosa dɛn kɔmpin, dɛn wan we want ɔltin fɔ dɛnsɛf, ɛn pipul we prawd.

Matyu 10:37

“Ɛnibɔdi we lɛk in papa ɔ mama pas mi, nɔ fit fɔ bi mi lanin bɔy, ɛn ɛnibɔdi we lɛk in pikin dɛn pas mi, nɔ fit fɔ bi mi lanin bɔy.

Ditarɔnɔmi 5:29

I se PAPA GƆD bin se if na da kayn at de dɛn gɛt ɔl di tɛm fɔ rɛspɛkt am ɛn du ɔl wetin i se dɛn fɔ du, ɔltin bin fɔ fayn sote go fɔ dɛn ɛn dɛn pikin dɛn we nɔ bɔn yet.

Rɛvɛleshɔn 3:1

“Rayt dis mɛsej ya sɛn am go to di enjɛl we de gyad di Kristiɛn dɛn na Sadis: “Na dis mɛsej ya di pɔsin we gɛt Gɔd in sɛvin spirit dɛn ɛn we ol dɛn sɛvin sta, sɛn: A no di tin dɛn we una de du, pipul tink se una gɛt layf, bɔt una nɔ gɛt layf, una dɔn day.

Rɛvɛleshɔn 2:2

A no ɔl di tin dɛn we una dɔn du, a no se una dɔn wok traŋa ɛn a no aw una kin bia wɛn waala kam. A no se una nɔ de gri mek bad pipul de wit una; una dɔn luk dɛn pipul we se dɛn na apɔsul ɛn una dɔn si se na lay dɛn de lay.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Ozie 10:2

Dɛn at nɔ de to PAPA GƆD, so naw dɛn fɔ pe fɔ wetin dɛn du. PAPA GƆD go pwɛl pwɛl dɛn ɔlta dɛn ɛn nyamanyama ɔl wetin dɛn bil fɔ wɔship Beal.

1 Kɔrint 16:22

Ɛnibɔdi we nɔ lɛk di Masta, kɔs de pan am. Wi Masta de kam!

Ozie 7:8

Izrɛl de miks wit ɔda pipul we mek dɛn tan lɛk flɔks maŋro.

Rɛvɛleshɔn 3:16

So bikɔs una tan lɛkɛ it we nɔ ɔt ɛn we nɔ kol, a go pit una kɔmɔt na mi mɔt.