Rɛvɛleshɔn 3:14 - Krio Fɔs Oli Baybul

¹⁴ “Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Rɛvɛleshɔn 3:14 Referans Kwoze

Lɛta Fɔ Kɔlɔse 1:15

Krays we pipul dɔn si, nain mek wi no aw Gɔd, we wi nɔ de si, tan. Nain fɔs bin de bifo Gɔd mek ɛnitin we de na di wɔl.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Lɛta Fɔ Kɔlɔse 1:18

Krays na di ed pan di bɔdi, we na di chɔch; nain de gi di bɔdi layf. Krays na Gɔd in fɔs Pikin we Gɔd mek rayz frɔm di grev, so dat in wangren go de oba ɔltin ɛn ɔlman.

2 Kɔrint 1:20

bikɔs in na di ansa, “Yɛs,” fɔ ɔl dɛn prɔmis we Gɔd dɔn prɔmis wi. Na dat mek wɛn wi se “Emɛn,” na bay Jizɔs Krays wi de tɔk so, fɔ mek Gɔd gɛt di prez.

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Rɛvɛleshɔn 22:13

Mi na Alfa ɛn Omɛga, di fɔs pɔsin ɛn di las wan; na mi bigin ɔltin ɛn na mi go dɔn ɔltin.”

Rɛvɛleshɔn 19:11

Wɛn dat dɔn, na de a si wan domɔt na ɛvin opin, a si wan wayt ɔs tinap de, di pɔsin we bin de rayd am bin nem “Di wan we fit fɔ trɔs ɛn di wan we de tɔk tru”. I de jɔj tret ɔltɛm, ɛn wɛn i de fɛt sɛf na wa, i tret.

Jɛrimaya 42:5

Nain dɛn tɛl Jɛrimaya se, “Mek PAPA GƆD bi di witnɛs we nɔ de lay ɛn de waka tret fɔ tɔk agens wi if wi nɔ du ɔl wetin PAPA GƆD we na yu Gɔd, sɛn se wi fɔ du.

Ayzaya 65:16

So dat ɛnibɔdi we blɛs insɛf na di land go tek di Gɔd we de waka tret, blɛs insɛf ɛn ɛnibɔdi we de swɛ na di land go swɛ to di Gɔd we de waka tret; bikɔs a dɔn fɔgɛt di trɔbul dɛn we dɔn pas ɛn dɛn dɔn ayd pan mi.

Prɔvabs 8:22

“We PAPA GƆD bigin du in wok, na mi fɔs i mek bifo i mek ɛnitin na mi fɔs i mek.

Rɛvɛleshɔn 22:6

Dɛn di enjɛl se, “Dɛn wɔd ya na tru ɛn pipul fɔ biliv dɛn. Gɔd, wi Masta, we gi di prɔfɛt dɛn pawa fɔ tɔk in mɛsej, nain sɛn in enjɛl fɔ kam sho dɛn wan we de waka wit am dɛn tin we gɛt fɔ bi, i nɔ go te igen.”

Rɛvɛleshɔn 21:6

I tɔk igen se, “Ɔl dɛn tin ya dɔn bi. Mi na Alfa, dat na di wan we bigin ɔltin, ɛn Omɛga, dat na di wan we go dɔn ɔltin. If ɛnibɔdi tɔsti, mek i kam to mi, a go gi am pan di wata we de bɔs plɛnti plɛnti we de gi layf; ɛn we fri.

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Rɛvɛleshɔn 2:1

“Rayt dis mɛsej ya sɛn am go to di enjɛl we de gyad di Kristiɛn dɛn na Ɛfisɔs: “Na dis mɛsej ya di pɔsin we ol dɛn sɛvin sta nain raytan ɛn we de waka midul dɛn sɛvin gold lampolda, sɛn:

Lɛta Fɔ Kɔlɔse 4:16

Wɛn una dɔn rid dis lɛta ya dɔn, una mek dɛn rid am to di chɔch mɛmba dɛn na Laodisya. Unasɛf fɔ rid di lɛta we a bin dɔn rayt ɛn sɛn to di chɔch mɛmba dɛn na Laodisya.

Lɛta Fɔ Kɔlɔse 2:1

A want mek una no aw a wok traŋa fɔ una ɛn fɔ dɛn Kristiɛn na Laodisya ɛn fɔ ɔl dɛn ɔda pipul we nɔ no mi yet bikɔs dɛn nɔ mit mi yet.

Ayzaya 55:4

A dɔn mek am witnɛs to di difrɛn difrɛn pipul dɛn, ɛn di lida ɛn kɔmanda fɔ di pipul dɛm.

Jɛnɛsis 49:3

“Rubɛn, yu na mi fɔs-bɔy-pikin, yu sho se mi na man ɛn a bɔn yu we a yɔŋ. Yu pas yu kɔmpin dɛn bay yu pozishɔn ɛn pawa.

Ditarɔnɔmi 21:17

I fɔ trit di uman we i nɔ lɛk, in yon fɔs-bɔy-pikin as di big wan, so i fɔ sheb in prɔpati tri pat, ɛn gi am tu pat, bikɔs nain fɔs mek ɔlman no se in papa ebul bɔn bɔypikin. Nain gɛt di fɔs-bɔy-pikin pawa.

Prɔvabs 14:5

Tru witnɛs pan kes nɔ de lay, bɔt di wan we nɔ de tɔk tru na layman.

Jɔn 1:3

Tru di Wɔd, Gɔd mek ɔltin; natin nɔ de na wɔl we Gɔd mek we in an nɔ de pan.

Jɔn 8:14

Jizɔs ansa dɛn se, “Nɔbɔdi nɔ de fɔ bak mi we a de tɔk bɔt misɛf, bɔt na tru a de tɔk bikɔs a no usay a kɔmɔt ɛn usay a de go. Una nɔ no usay a kɔmɔt ɛn una nɔ no usay a de go.