Rɛvɛleshɔn 3:1 - Krio Fɔs Oli Baybul

¹ “Rayt dis mɛsej ya sɛn am go to di enjɛl we de gyad di Kristiɛn dɛn na Sadis: “Na dis mɛsej ya di pɔsin we gɛt Gɔd in sɛvin spirit dɛn ɛn we ol dɛn sɛvin sta, sɛn: A no di tin dɛn we una de du, pipul tink se una gɛt layf, bɔt una nɔ gɛt layf, una dɔn day.

Rɛvɛleshɔn 3:1 Referans Kwoze

Fɔs Lɛta To Timoti 5:6

Bɔt uman we in man dɔn day we jɛs liv fɔ ɛnjɔy layf, na uman we dɔn day pan ɔl we i gɛt layf.

Jems 2:26

Lɛkɛ aw pɔsin kin day wɛn in spirit nɔ de insay am igen, semwe so, pɔsin we se in biliv Gɔd ɛn i nɔ de du dɛn tin we sho se i biliv am, nɔ biliv Gɔd at ɔl.

Rɛvɛleshɔn 1:4

Na mi Jɔn de rayt to una we de na dɛn sɛvin chɔch na Eshya. Mek Gɔd we de naw, ɛn we bin de bifo dis wɔl mek, ɛn we go kam bak na dis wɔl, sho una aw i gud ɛn gi una kol at; semwe so, mek Gɔd in sɛvin spirit dɛn, we tinap bifo am di say we i sidɔm de rul, du una gud ɛn gi una kol at;

Lɛta Fɔ Kɔlɔse 2:13

Tɛm bin de we i bin tan lɛkɛ se una bin dɔn day, bikɔs una bin de pan sin ɛn una bin tan lɛkɛ dɛn pipul we nɔto Ju we nɔ gɛt di Lɔ we Gɔd gi Mozis. Bɔt naw we una dɔn gɛt wanwɔd wit Krays, Gɔd dɔn gi una di tru layf. Gɔd dɔn padin ɔl wi sin dɛn.

Jud In Lɛta 1:12

Wɛn una ɔl we biliv pan Krays gɛda wan ples fɔ it, bay aw dɛn pipul ya kin de it, yu kin si se dɛn nɔ gɛt shem ɛn dɛn nɔ de mɛmba ɔda pipul, dat mek dɛn tan lɛkɛ dɔti pan klin klos; dɛn tan lɛkɛ klawd we kin dak lɛkɛ se ren want kam, bɔt briz kin blo am go; ɛn igen, dɛn tan lɛkɛ dɛn tik we nɔ de bia di tɛm we dɛn fɔ bia, we sho se dɛn dɔn day ɛn wɛn pɔsin dɔn rut dɛn, dɛn day ɔltogɛda.

Rɛvɛleshɔn 2:19

A no di tin dɛn we una de du, a no se una lɛk pipul ɛn una nɔ lɛf fɔ biliv pan mi, una de wok wit ɔl una at ɛn una de bia insay di waala we de mit una. Ɛn a no se dɛn tin we una de du naw bɛtɛ pas di tin dɛn we una bin de du fɔstɛm.

Lyuk 15:24

Dis mi pikin ya bin dɔn day, bɔt i dɔn gɛt layf bak. I bin lɔs, bɔt a dɔn fɛn am.’ Dɛn bigin siŋ ɛn dans.

Rɛvɛleshɔn 1:16

I bin ol sɛvin sta dɛn nain raytan; sɔd we shap tu say bin kɔmɔt nain mɔt; in fes bin de shayn lɛkɛ aw san de shayn twɛlv oklɔk santɛm.

Lyuk 15:32

Aw wi nɔ fɔ ɛnjɔy wisɛf ɛn gladi, dis yu brɔda bin dɔn day, bɔt i dɔn gɛt layf bak; i bin lɔs, bɔt wi dɔn fɛn am.’”

Lɛta Fɔ Ɛfisɔs 2:1

Fɔs tɛm Gɔd bin de luk una lɛkɛ pipul we dɔn day, bikɔs una nɔ bin gri fɔ du wetin i tɛl una fɔ du.

Rɛvɛleshɔn 2:13

A no usay una de, una de na di say we Setan de rul. A no se wande una nɔ dinay se mi na una Masta. Di tɛm sɛf we dɛn kil Anti pas we bin biliv pan mi wit ɔl in at bikɔs i tɔk opin wan se in biliv pan mi, pan ɔl we dɛn kil am da say de we una de, ɛn we Setan insɛf de, dat nɔ mek una dinay se unasɛf biliv pan mi.

Rɛvɛleshɔn 1:20

A de kam tɛl yu wetin dɛn sɛvin sta ya we a ol na mi raytan ɛn dɛn sɛvin gold lampolda, min; di sɛvin sta dɛn na di sɛvin enjɛl dɛn we de gyad dɛn sɛvin chɔch. Di sɛvin lampolda dɛn na di sɛvin chɔch dɛnsɛf.”

Rɛvɛleshɔn 4:5

Laytin bin de flash, tɛnda bin de rol, plɛnti nɔys bin de na di say we di fɔs ay chia bin de, di sɛvin lamp dɛn bin layt frɔnt di chia, dɛn lamp ya na Gɔd in sɛvin spirit dɛn.

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Jɔn 1:33

A nɔ bin no yet se nain na di Pɔsin we a de wet, bɔt Gɔd we sɛn mi fɔ baptayz pipul wit wata bin dɔn tɛl mi bɔt am. I bin se, ‘Yu go si di Spirit kam dɔŋ pan wan pɔsin ɛn de wit am; na di pɔsin dat we go baptayz pipul wit Gɔd in Spirit.’”

Jɔn 1:16

Bikɔs i lɛk wi bad, i dɔn blɛs wi ɔl ɛn i de blɛs wi mɔ ɛn mɔ

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.

Pita In Fɔs Lɛta 1:11

Wɛn Krays in Spirit we bin de insay dɛn bin tɔk bɔt aw Krays bin gɛt fɔ sɔfa ɛn di wɔndaful tin dɛn we bin gɛt fɔ apin afta dat, di prɔfɛt dɛn bin tray fɔ no ustɛm dɛn tin de go bi ɛn aw dɛn go bi.

Apɔsul Dɛn Wok 2:33

Gɔd dɔn mek Jizɔs rayz frɔm di grev ɛn mek i sidɔm nain raytan. Papa Gɔd dɔn gi Jizɔs in Spirit we i bin prɔmis ɛn ɔl wetin una de si ɛn wetin una de yɛri, na Jizɔs de mek dɛn bi.

Jɔn 20:22

Dɔn i blo pan dɛn ɛn se, “Una mek Gɔd in Spirit kam insay una.

Jɔn 3:34

Di wan we Gɔd dɔn sɛn de tɛl pipul di mɛsej we Gɔd gi am, bikɔs Gɔd mek ɔl di pawa we in Spirit gɛt de wit am.

Rɛvɛleshɔn 2:9

A no di waala we dɔn mit una, a no se una po, bɔt una nɔ po, una jɛntri. A no igen se, dɛn pipul we de lay, we se dɛn na Ju, de tɔk bad bɔt una. Dɛn nɔto Ju atɔl, na Setan dɛn de fala.

Rɛvɛleshɔn 2:2

A no ɔl di tin dɛn we una dɔn du, a no se una dɔn wok traŋa ɛn a no aw una kin bia wɛn waala kam. A no se una nɔ de gri mek bad pipul de wit una; una dɔn luk dɛn pipul we se dɛn na apɔsul ɛn una dɔn si se na lay dɛn de lay.

Rɛvɛleshɔn 3:2

So una grap, una tray mek di lili layf we una stil gɛt nɔ dɔn ɔltogɛda. A si se di tin dɛn we una de du nɔ tan yet lɛkɛ aw dɛn fɔ tan na Gɔd yay.

Rɛvɛleshɔn 3:8

A no di tin dɛn we una de du. Una lisin, a dɔn opin do fɔ una we nɔbɔdi nɔ ebul lɔk. A no se pan ɔl we una nɔ gɛt plɛnti trɛnk una dɔn du wetin a tɛl una fɔ du, wande una nɔ dinay se una de waka wit mi.

Rɛvɛleshɔn 3:15

A no ɔl wetin una de du. Una tan lɛkɛ it we nɔ kol ɛn we nɔ ɔt we nɔ gɛt tes. A wish una bin de fala mi wit ɔl una at ɔ una bin lɛf fɔ fala mi ɔltogɛda.