Rɛvɛleshɔn 22:6 - Krio Fɔs Oli Baybul

⁶ Dɛn di enjɛl se, “Dɛn wɔd ya na tru ɛn pipul fɔ biliv dɛn. Gɔd, wi Masta, we gi di prɔfɛt dɛn pawa fɔ tɔk in mɛsej, nain sɛn in enjɛl fɔ kam sho dɛn wan we de waka wit am dɛn tin we gɛt fɔ bi, i nɔ go te igen.”

Rɛvɛleshɔn 22:6 Referans Kwoze

Rɛvɛleshɔn 1:1

Insay dis buk dɛn rayt dɛn tin we Jizɔs Krays sho dɛn pipul we de du Gɔd wok. Na Gɔd fɔs sho Jizɔs Krays dɛn tin ya, so dat i kin mek dɛn wan we de du in wok no dɛn tin we mɔs bi. I sɛn in enjɛl go mit Jɔn we bin de wok fɔ am fɔ mek di enjɛl sho Jɔn dɛn tin ya.

Rɛvɛleshɔn 21:5

Dɛn di pɔsin we sidɔm na di chia we kiŋ kin sidɔm fɔ rul, se, “Luk, a de mek ɔltin nyu!” Dɛn i se, “Rayt dɛn wɔd ya dɔŋ, bikɔs dɛn na tru ɛn pipul kin biliv dɛn.”

Rɛvɛleshɔn 19:9

Di enjɛl tɔk to mi, i se, “Rayt dis tin ya: Blɛsin de pan dɛn wan we dɛn kɔl fɔ go it na di Ship in mared.” I tɛl mi se, “Dɛn wɔd ya na di tru wɔd dɛn we Gɔd tɔk.”

Pita In Sɛkɛn Lɛta 1:21

bikɔs nɔto di prɔfɛt dɛnsɛf bin jɛs sidɔm tink ɛn tɔk wetin dɛn want, bɔt na Gɔd in Spirit bin tɛl dɛn di wɔd dɛn we Gɔd want dɛn fɔ tɔk.

Apɔsul Dɛn Wok 3:18

Bɔt na so Gɔd mek ɔl wetin i bin mek dɛn prɔfɛt tɔk lɔntɛm bɔt di Mɛsaya, kam bi tru.

Lyuk 1:70

Gɔd in prɔfɛt dɛn bin dɔn tɔk lɔntɛm se

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Pita In Sɛkɛn Lɛta 3:2

A want mek una mɛmba dɛn tin we Gɔd in prɔfɛt dɛn bin dɔn tɔk lɔntɛm se go bi, bifo dɛn bi, ɛn dɛn tin we wi Masta we sev wi mek in apɔsul dɛn tɛl wi fɔ du.

Di Ibru Pipul Dɛn 12:9

Wɛn wi papa dɛn na dis wɔl pɔnish wi fɔ di bad we wi du, wi kin rɛspɛkt dɛn. So i go bɛtɛ fawe if wi put wisɛf ɔnda wi Papa we de na ɛvin, so dat wi go gɛt tru layf.

Lɛta Fɔ Rom 1:2

Gɔd bin dɔn prɔmis fɔ sɛn dis Gud Nyuz ya lɔntɛm ɛn i bin dɔn mek in prɔfɛt dɛn tɛl pipul se in go sɛn am; di Gud Nyuz rayt na Gɔd in Buk.

Rɛvɛleshɔn 22:7

Jizɔs se, “Lisin, i nɔ go te igen, a go kam bak! Blɛsin de fɔ ɛnibɔdi we go fala dɛn tin we Gɔd tɔk, we gɛt fɔ bi, we rayt na dis buk.”

1 Kɔrint 14:32

Pɔsin we Gɔd gi di pawa fɔ tɔk in mɛsej fɔ ebul kɔntrol wetin i de tɔk,

Matyu 13:41

Mɔtalman Pikin go sɛn in enjɛl dɛn fɔ pul dɛn pipul we de mek pipul sin ɛn dɛn wan we de du bad, kɔmɔt to dɛn pipul we Gɔd de rul.

Jɛnɛsis 41:32

I se di kiŋ drim di sem tin tu tɛm bikɔs na tin we PAPA GƆD dɔn disayd fɔ du, ɛn i go bi jisnɔ.

Lyuk 16:16

“Pipul bin de tɔk bɔt di Lɔ we Gɔd gi Mozis ɛn wetin dɛn prɔfɛt bin rayt sote di tɛm we Jɔn we bin de baptayz pipul, kam. Frɔm da tɛm de te naw dɛn de tɔk di Gud Nyuz bɔt Gɔd in rul ɛn ɔlman de fɛt fɔ go insay di ples we Gɔd de rul.

Daniɛl 6:22

Mi PAPA GƆD sɛn in eŋɛl kan lɔk di layɔn dɛn mɔt, ɛn dɛn nɔ du mi natin bikɔs bifo PAPA GƆD, a nɔ bin du natin bad; ɛn a nɔ bin du ɛnitin bad to yu.”

Daniɛl 3:28

Nain Nɛbyukadnɛza se, “Lɛ blɛsin de pan Shedrak, Mishak ɛn Abɛdnigo dɛn Gɔd we sɛn in eŋɛl ɛn fri in wokman dɛm we biliv am; dɛn na di man dɛm we nɔ bin obe di kiŋ in wɔd, ɛn bin rɛdi fɔ day bifo dɛn go wok fɔ ɛn wɔship ɛni ɔda gɔd, we nɔto dɛn yon Gɔd.

Sɛkɛn Lɛta Fɔ Tɛsalonayka 1:7

ɛn i go mek una we de sɔfa naw nɔ sɔfa igen, ɛn wisɛf nɔ go sɔfa igen. Gɔd go du dat di tɛm we Masta Jizɔs go kɔmɔt na ɛvin kam ɛn in enjɛl dɛn we gɛt pawa go fala am kam,

1 Kɔrint 7:29

Mi Kristiɛn brɔda dɛn, mek a ɛksplen wetin a min: plɛnti tɛm nɔ lɛf igen, ɛn frɔm naw sote go, maredman dɛn fɔ de lɛkɛ se dɛn nɔ mared;

Apɔsul Dɛn Wok 12:11

Pita kechɔp se i nɔ bin de drim ɛn ɔl wetin bi na tru tin. I se, “A no naw se na tru tin dis we bi! Na di Masta sɛn in enjɛl fɔ kam pul mi kɔmɔt na Ɛrɔd in an ɛn fɔ mek di Ju pipul dɛn nɔ ebul du ɔl dɛn bad tin we dɛn bin want du mi.”

Rɛvɛleshɔn 4:1

Wɛn dat dɔn dɔn a si ɔda tin; a si do opin na ɛvin: a yɛri di vɔys bak we bin sawnd lɛkɛ trɔmpɛt de tɔk to mi. Di vɔys se, “Kam ɔp ya, so dat a kin sho yu dɛn tin we mɔs apin bambay.”

Rɛvɛleshɔn 21:9

Wan pan dɛn sɛvin enjɛl dɛn we bin gɛt dɛn sɛvin kɔp we dɛn sɛvin bad bad tin dɛn we bin gɛt fɔ fɔdɔm pan di wɔl bifo di wɔl dɔn, bin de insay, kam tɔk to mi, i se, “Kam mek a sho yu di Ship in yawo.”

Rɛvɛleshɔn 22:1

Di enjɛl tek mi igen go sho mi di riva we di wata we de gi layf bin de rɔn, i bin de shayn lɛkɛ glas. I bɔs kɔmɔt na di chia we Gɔd ɛn di Ship we de rul, kin sidɔm.

Rɛvɛleshɔn 22:16

“Mi, Jizɔs dɔn sɛn mi enjɛl go tɛl una dɛn tin ya fɔ mek una tɛl dɛn Kristiɛn na dɛn chɔch. Mi na wan pan Devid in grampikin pikin dɛm ɛn mi na di mɔnin sta we de shayn brayt.”