Rɛvɛleshɔn 22:3 - Krio Fɔs Oli Baybul

³ Ɛni tin we Gɔd kɔs nɔ go de na di tɔŋ. Gɔd ɛn di Ship dɛn chia go lib de, ɛn in pipul dɛn go fɔdɔm nain fut fɔ pre to am de.

Rɛvɛleshɔn 22:3 Referans Kwoze

Matyu 25:21

In masta se, ‘Yu du wɛl, yu na gud bɔy we tru to in masta; yu dɔn du wɛl pan smɔl wok we a gi yu fɔ du, naw a go gi yu plɛnti big wok fɔ du. Kam ɛnjɔy wit yu masta!’

Jɔn 12:26

Ɛnibɔdi we want wok fɔ mi, fɔ du wetin a tɛl am fɔ du, so dat i go de wit mi ɛni say we a de. Pantap dat mi Papa go mek ɛnibɔdi we de wok fɔ mi gɛt ɔna.

Jɔn 14:3

Ɛn afta a dɔn rɛdi di ples fɔ una, a go kam bak fɔ kam tek una go na di ples we a de, so dat unasɛf go lib de.

Zɛkaraya 14:11

Pipul dɛn go tap de ɛn nɔbɔdi nɔ go swɛ dɛn. Jerusɛlɛm go bi ples we sef fɔ de.

Izikɛl 37:27

Mi os we a tap go de wit dɛm; ɛn mi go bi dɛm PAPA GƆD, ɛn dɛn go bi mi pipul.

Di Sam Dɛm 17:15

Dɛn lɛ mi we nɔ gilti pan natin, gladi we a wek bikɔs a de usay yu want ɔltɛm, we na nia yu.

Di Sam Dɛm 16:11

Yu dɔn sho mi aw fɔ gɛt layf we go de sote go; yu dɔn mek mi at kol, bikɔs yu de wit mi. Na yu mek a go ɛnjɔy layf sote go.

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Matyu 25:41

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.

Jɔn 17:24

“Papa! Yu dɔn gi mi dɛn, ɛn a want mek dɛn de wit mi na di say we a go de, so dat dɛn go si aw a wɔndaful fɔ tru. Yu mek a wɔndaful so, bikɔs yu bin dɔn lɛk mi bifo yu mek di wɔl.

Ditarɔnɔmi 27:26

“ ‘Ɛnibɔdi we nɔ du ɔl wetin PAPA GƆD in lɔ dɛn se, lɛ PAPA GƆD mek bad bad tin mit am. “Ɔlman fɔ ansa se, ‘Emɛn!’

Izikɛl 48:35

Di distans rawnd di siti go bi nayn kilomita. Ɛn di siti in nem, frɔm naw te go, go bi, PAPA GƆD de de.”

Ayzaya 51:11

Ɛn PAPA GƆD in pipul we i dɔn fri go tɔn bak kam, ɛn kam na Zayɔn de siŋ; ɛn gladi we de sote go, go de na dɛn ed; dɛn go gɛt jɔy ɛn gladi gladi, ɛn sɔri ɛn pini go rɔnawe go.

Rɛvɛleshɔn 7:9

Wɛn dat dɔn, a luk bak, na de a si bɔku bɔku pipul we pɔsin nɔ ebul kɔnt. Dɛn bin kɔmɔt na ɔl dɛn trayb ɛn ɔl dɛn neshɔn na wɔl, dɛn bin de tɔk ɔl dɛn difrɛn difrɛn laŋwej na wɔl, sɔm bin wayt, sɔm bin blak. Dɛn bin tinap bifo di ay chia we kiŋ kin sidɔm, na di say we di Ship insɛf bin de; dɛn bin wɛr wayt ɛn dɛn ɔl bin olpam.

Rɛvɛleshɔn 7:10

Dɛn ɔl bin de ala lawd wan se, “Na Gɔd we sidɔm na di ay chia ɛn di Ship dɔn sev wi!”

Jɔn 13:32

Ɛn if i mek pipul si aw i wɔndaful, Gɔd insɛf go sho pipul aw Mɔtalman Pikin wɔndaful, ɛn Gɔd de kam du dat naw.