Rɛvɛleshɔn 22:16 - Krio Fɔs Oli Baybul

¹⁶ “Mi, Jizɔs dɔn sɛn mi enjɛl go tɛl una dɛn tin ya fɔ mek una tɛl dɛn Kristiɛn na dɛn chɔch. Mi na wan pan Devid in grampikin pikin dɛm ɛn mi na di mɔnin sta we de shayn brayt.”

Rɛvɛleshɔn 22:16 Referans Kwoze

Rɛvɛleshɔn 5:5

Wɛn wan pan di bigman dɛn si se a de kray, i se, “Lɛf fɔ kray; luk, da pɔsin we dɛn kɔl di Layɔn we kɔmɔt na Juda trayb, di wan we na wan pan Devid in grampikin pikin dɛm, dɔn win ɔlsay. I kin pul di tin dɛn we dɛn tek fasin di pepa sɛvin say ɛn opin am.”

Pita In Sɛkɛn Lɛta 1:19

Dat mek wi biliv mɔ ɛn mɔ ɔl wetin dɛn prɔfɛt bin dɔn tɔk. I go gud if una tek dɛn wɔd ya lɛkɛ se dɛn na layt we de shayn na dak ples, ɛn mek da layt de shayn insay una at we bin dak, sote di big de kam, ɛn sote di mɔnin sta kam shayn insay una at.

Ayzaya 11:1

Smɔl plant go bɔs kɔmɔt na Jɛsi in af tik we lɛf na grɔn, ɛn branch go gro kɔmɔt nain rut.

Rɛvɛleshɔn 1:4

Na mi Jɔn de rayt to una we de na dɛn sɛvin chɔch na Eshya. Mek Gɔd we de naw, ɛn we bin de bifo dis wɔl mek, ɛn we go kam bak na dis wɔl, sho una aw i gud ɛn gi una kol at; semwe so, mek Gɔd in sɛvin spirit dɛn, we tinap bifo am di say we i sidɔm de rul, du una gud ɛn gi una kol at;

Rɛvɛleshɔn 22:20

Di pɔsin we de sho se dɛn tin ya na tru, de se, “Fɔ tru, di tɛm nɔ fa igen. A go kam bak!” Emɛn. Masta Jizɔs, kam!

Matyu 22:42

i se, “Wetin una tink bɔt di Mɛsaya? Udat grampikin pikin in bi?” Dɛn se, “Na Devid in grampikin pikin.”

Rɛvɛleshɔn 22:6

Dɛn di enjɛl se, “Dɛn wɔd ya na tru ɛn pipul fɔ biliv dɛn. Gɔd, wi Masta, we gi di prɔfɛt dɛn pawa fɔ tɔk in mɛsej, nain sɛn in enjɛl fɔ kam sho dɛn wan we de waka wit am dɛn tin we gɛt fɔ bi, i nɔ go te igen.”

Rɛvɛleshɔn 1:1

Insay dis buk dɛn rayt dɛn tin we Jizɔs Krays sho dɛn pipul we de du Gɔd wok. Na Gɔd fɔs sho Jizɔs Krays dɛn tin ya, so dat i kin mek dɛn wan we de du in wok no dɛn tin we mɔs bi. I sɛn in enjɛl go mit Jɔn we bin de wok fɔ am fɔ mek di enjɛl sho Jɔn dɛn tin ya.

Matyu 2:2

Dɛn bigin aks pipul se, “Usay da pikin we bɔn fɔ kam bi dɛn Ju pipul dɛn kiŋ, de? Wi dɔn si in sta na di ist ɛn wi kam fɔ pre to am.”

Zɛkaraya 6:12

I se fɔ tɛl am se in PAPA GƆD se, sɔmbɔdi gɛt fɔ kam, we dɛn go kɔl Branch. I se nain go bi di wan we go kam bil PAPA GƆD in os.

Di Nɔmba Dɛm 24:17

A de si am, bɔt nɔto naw: a de luk am, bɔt i de fa. Wan sta go kɔmɔt na Izrɛl in jɛnareshɔn ɛn i go bi kiŋ na Izrɛl. I go bit di Moabayt lida dɛn ɛn brok dɛn wan we de kak dɛn fɛda dɔŋ.

Rɛvɛleshɔn 3:22

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.”

Rɛvɛleshɔn 3:13

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.

Rɛvɛleshɔn 3:6

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.

Lɛta Fɔ Rom 9:5

Dɛn fɔs Ju pipul we bin de klos Gɔd na dɛn grampapa papa dɛn, ɛn wɛn Krays na bin mɔtalman, na bin Ju. Mek wi prez Gɔd, we de rul di wɔl, sote go! Emɛn.

Rɛvɛleshɔn 22:11

Lɛ di pɔsin we de du bad nɔ lɛf fɔ du bad igen o, mek ɛnibɔdi we de du dɛn dɔti tin nɔ lɛf fɔ du dɛn igen o, mek ɛnibɔdi we de du rayt nɔ lɛf fɔ du rayt, ɛn mek di pɔsin we de waka wit Gɔd nɔ lɛf fɔ waka wit Gɔd.”

Rɛvɛleshɔn 22:1

Di enjɛl tek mi igen go sho mi di riva we di wata we de gi layf bin de rɔn, i bin de shayn lɛkɛ glas. I bɔs kɔmɔt na di chia we Gɔd ɛn di Ship we de rul, kin sidɔm.

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Lyuk 1:78

Gɔd dɔn sɔri fɔ wi; i go mek di ali mɔnin san kam pan wi.

Rɛvɛleshɔn 2:7

“Ɛnibɔdi we gɛt yes, mek i yɛri dɛn wɔd ya we Gɔd in Spirit dɔn tɛl di Kristiɛn dɛn na dɛn difrɛn ples. “Pɔsin we stil tinap traŋa afta Setan dɔn tray am, a go mek i it pan di tin we di tik we de gi layf de bia, da tik de de gro na di gadin we Gɔd mek.

Matyu 22:45

If Devid kɔl am ‘Masta,’ aw di Mɛsaya go bi Devid in grampikin pikin?”

Matyu 1:1

Na Jizɔs Krays in fambul dɛn, frɔm Ebraam in tɛm dɛn wan ya: Jizɔs Krays na wan pan Devid in grampikin pikin dɛm, ɛn Devid na wan pan Ebraam in grampikin pikin dɛm.

Rɛvɛleshɔn 2:11

“Ɛnibɔdi we gɛt yes mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Ɛnibɔdi we stil tinap traŋa afta Setan dɔn tray am, di sɛkɛn day nɔ go mit am.

Ayzaya 14:12

“Luk we yu dɔn fɔdɔm kɔmɔt na ɛvin, Yu De tɛm sta, Doklin bɔypikin! Luk we yu fɔdam kan dɔŋ na grɔn, yu we bin nyama nyama di neshɔn dɛm!

Lɛta Fɔ Rom 15:12

Ayzaya tɔk igen se, “Wan pɔsin we go kɔmɔt na Jɛsi in fambul layn, go kam; Gɔd go mek i rul dɛn pipul we nɔto Ju, ɛn dɛn go abop pan am.”

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Lyuk 20:44

If Devid kɔl am Masta, aw i go bi wan pan in granpikin pikin dɛn?”