Rɛvɛleshɔn 22:12 - Krio Fɔs Oli Baybul

¹² Jizɔs se, “Lisin, di tɛm we a go kam nɔ fa igen. A go kam fɔ gi ɔlman di pe we dɛn wok fɔ.

Rɛvɛleshɔn 22:12 Referans Kwoze

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Ayzaya 62:11

“A de tɛl yu, PAPA GƆD dɔn anawns to di las kɔna na wɔl: Tɛl Zayɔn in gyal pikin dɛn se “Biliv mi, una salveshɔn de kam; biliv mi, in riwɔd de wit am, ɛn in pe de bifo am.

Ayzaya 40:10

Una luk, Papa Gɔd we na Gɔd de kam wit pawa, ɛn nain an de rul fɔ am; luk, di pe we i de pe pɔsin fɔ di gud we i du, de wit am, ɛn di kɔmpɛnset we i de kɔmpɛnset, de wit am.

1 Kɔrint 3:14

If di tin we pɔsin tek bil pan di fawndeshɔn nɔ bɔn na di faya, di pɔsin go gɛt gud pe fɔ in wok.

1 Kɔrint 3:8

Nɔbɔdi nɔ bɛtɛ pas in kɔmpin, di wan we plant ɔ di wan we wata; ɔlman go gɛt di pe fɔ di wok we i du.

Rɛvɛleshɔn 22:7

Jizɔs se, “Lisin, i nɔ go te igen, a go kam bak! Blɛsin de fɔ ɛnibɔdi we go fala dɛn tin we Gɔd tɔk, we gɛt fɔ bi, we rayt na dis buk.”

Lɛta Fɔ Rom 14:12

So ɔlman go gɛt fɔ ansa fɔ insɛf to Gɔd fɔ wetin i du na wɔl.

Rɛvɛleshɔn 11:18

Dɛn pipul we nɔto yu yon pipul bin vɛks bad pan yu, bɔt di tɛm fɔ mek yu sho se yu vɛks pan dɛn, dɔn rich; na di tɛm dis we yu go jɔj dɛn wan we dɔn day. Na di tɛm dis fɔ gi ɔl dɛn pipul we na yu yon dɛn pe, dat na dɛn prɔfɛt we de wok fɔ yu ɛn ɔl dɛn wan we rɛspɛkt yu, dɛn wan we gɛt pawa ɛn dɛn wan we nɔ gɛt pawa. Di tɛm dɔn rich fɔ kil dɛn wan we bin de pwɛl di wɔl!”

Rɛvɛleshɔn 20:12

Dɛn a si dɛn pipul we bin dɔn day, dɛn bigman ɛn dɛn ɔdinari pipul, dɛn ɔl tinap bifo di chia. Sɔmbɔdi opin sɔm buk dɛn, dɔn i opin wan ɔda buk we dɛn pipul we gɛt layf sote go dɛn nem bin rayt. Ɔl wetin dɛn pipul we bin dɔn day bin du bifo dɛn day, bin rayt insay di fɔs buk dɛn, ɛn nain Gɔd tek jɔj dɛn.

Rɛvɛleshɔn 22:20

Di pɔsin we de sho se dɛn tin ya na tru, de se, “Fɔ tru, di tɛm nɔ fa igen. A go kam bak!” Emɛn. Masta Jizɔs, kam!

Zɛfinaya 1:14

Di big big de we PAPA GƆD de kam dɔn kam nia ɛn i de kam jisnɔ. Di sawnd we go kam wit am nɔ go fayn fɔ yɛri. Bigman dɛn ɔl go de kray bita bita wan.

Job 34:11

Bikɔs na bay di wok we mɔtalman du PAPA GƆD de pe am, ɛn na bay mɔtalman in we, PAPA GƆD go trit am.

Di Sam Dɛm 28:4

Na lɛf dɛn fɔ go fri. Mek di bad we dɛn de du fala dɛn; pe dɛn fɔ di bad tin dɛn we dɛn dɔn du ɛn lɛ dɛn gɛt wetin dɛn wok fɔ.

Jɛrimaya 17:10

“Mi PAPA GƆD, sach mɔtalman maynd ɛn tɛst mɔtalman at, fɔ pe ɔlman bay wetin i du, di pe we i fɔ gɛt fɔ di kayn wok we i wok.”

Rɛvɛleshɔn 2:23

A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du.

Rɛvɛleshɔn 3:11

A go kam bak, i nɔ go te igen. Una nɔ lɛf fɔ biliv wit ɔl una at dɛn tin we una dɔn lan, so dat nɔbɔdi nɔ go jɔg una blɛsin we una go gɛt bikɔs una dɔn tinap traŋa.