Rɛvɛleshɔn 22:11 - Krio Fɔs Oli Baybul

¹¹ Lɛ di pɔsin we de du bad nɔ lɛf fɔ du bad igen o, mek ɛnibɔdi we de du dɛn dɔti tin nɔ lɛf fɔ du dɛn igen o, mek ɛnibɔdi we de du rayt nɔ lɛf fɔ du rayt, ɛn mek di pɔsin we de waka wit Gɔd nɔ lɛf fɔ waka wit Gɔd.”

Rɛvɛleshɔn 22:11 Referans Kwoze

Daniɛl 12:10

Bɔku go mek dɛnsɛf klin na PAPA GƆD yay, ɛn mek dɛnsɛf wayt ɛn luk gud; bɔt di wikɛd pipul dɛn go du mɔ wikɛd tin dɛn; ɛn nɔn pan di wikɛd pipul dɛn nɔ go ɔndastand, bɔt di wan dɛn we gɛt sɛns go ɔndastand.

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Izikɛl 3:27

Bɔt we a tɔk to yu, a go opin yu mɔt ɛn yu go tɛl dɛn se, ‘Na dis PAPA GƆD we na GƆD se’; udat gɛt yes fɔ yɛri, mek i yɛri; ɛn udat we nɔ wan yɛri, mek i nɔ yɛri; bikɔs dɛn ɔl na pipul dɛn we dɔn tɔn bak gi mi.

Sɛkɛn Lɛta To Timoti 3:13

Wikɛd pipul ɛn dɛn wan we de mek pipul ful go de wɔs mɔ ɛn mɔ, dɛn go de mek plɛnti mɔ pipul ful ɛn dɛn go de mek dɛnsɛf ful.

Matyu 15:14

Una lɛf dɛn; dɛn na blɛnyay pipul we de tray fɔ lid ɔda blɛnyay pipul, ɛn if blɛnyay pɔsin lid in kɔmpin, dɛn ɔl tu go fɔdɔm na ol.”

Matyu 5:6

“Dɛn wan we want fɔ du ɔl wetin Gɔd want pas ɛni ɔda tin, gɛt blɛsin, bikɔs Gɔd go mek dɛn ebul du dat!

Job 17:9

Di wan dɛn we de waka tret wit PAPA GƆD, stil de du dat, ɛn di wan dɛn we nɔ de du bad, de gud mɔ ɛvride.

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.

Matyu 25:10

So di fayv ful yɔŋ gyal dɛn go fɔ bay dɛn ɔyl na shap; wɛn dɛn de go na di shap, nain di ɔkɔ kam mit di fayv yɔŋ gyal dɛn we bin dɔn rɛdi, i tek dɛn go insay di ples we di mared pati bin de bi, dɔn dɛn lɔk di do.

Prɔvabs 14:32

Udat de du bad jɛs de alaki insɛf, bɔt yu de du gud nain gud de fala am.

Lɛta Fɔ Ɛfisɔs 5:27

Krays du ɔl dat, so dat wɛn i go mek di chɔch tinap bifo am, di chɔch go klin, i nɔ go gɛt bɔt pan am.

Matyu 21:19

I si wan fig tik, klos di rod, so i go to di tik, bɔt i nɔ mit natin pan am pas lif. Nain i tɛl di tik se, “Yu nɔ go bia natin igen!” Nain di fig tik day wantɛm.

Di Sam Dɛm 81:12

So misɛf mek dɛn traŋayes fɔ du wetin dɛn want fɔ du.

Jɔn 8:21

Jizɔs bin stil de tɔk to di pipul dɛn. I se, “A go go, una go luk fɔ mi, bɔt una go day wit ɔl una sin. Una nɔ go go na di ples we a de go.”

Rɛvɛleshɔn 16:21

Big big ays ren bigin fɔdɔm pan mɔtalman frɔm ɛvin. Wan wan pan di ays ren bin we lɛkɛ wan ɔndrɛd pawn so. Di pipul dɛn bigin kɔs Gɔd bikɔs i mek dɛn big big ays ren ya fɔdɔm pan dɛn, we mek dɛn sɔfa bad bad wan.

Ɛkliziastis 11:3

We di klawd dak, ren kin kam. Ɛnisay we tik fɔdɔm, na de i de lidɔm.

Rɛvɛleshɔn 22:3

Ɛni tin we Gɔd kɔs nɔ go de na di tɔŋ. Gɔd ɛn di Ship dɛn chia go lib de, ɛn in pipul dɛn go fɔdɔm nain fut fɔ pre to am de.

Lɛta Fɔ Kɔlɔse 1:22

Bɔt we Gɔd in Pikin kam day na di krɔs, dat dɔn mek una bi Gɔd in padi dɛn, so dat di tɛm we una go tinap bifo am una nɔ go gɛt fɔlt, i nɔ go blem una fɔ ɛnitin.

Matyu 5:45

so dat una go bi una Papa, we de na ɛvin, in pikin dɛn. Una Papa de mek di san shayn pan dɛn bad pipul ɛn pan dɛn gud wan. I de mek ren kam pan dɛn pipul we gud ɛn dɛn wan we bad.