Rɛvɛleshɔn 22:10 - Krio Fɔs Oli Baybul

¹⁰ I tɛl mi igen se, “Yu nɔ fɔ kip dɛn wɔd ya we Gɔd tɔk, we rayt na dis buk to yusɛf mek pipul nɔ no dɛn, bikɔs di tɛm we dɛn go bi nɔ fa igen.

Rɛvɛleshɔn 22:10 Referans Kwoze

Daniɛl 8:26

Di vishɔn we yu si ivin ɛn mɔnin we yu dɔn no di minin naw, na tru tru tin; bɔt kip di vishɔn sikrit bikɔs i nɔ go bi jis nɔ.”

Rɛvɛleshɔn 1:3

Blɛsin de fɔ ɛnibɔdi we go rid di wɔd dɛn we de na dis buk, we Gɔd insɛf tɔk, ɛn we gɛt fɔ kam bi. Semwe so, blɛsin de fɔ ɔlman we yɛri dɛn wɔd ya ɛn fala wetin dɛn se, bikɔs di tɛm we dɛn tin ya fɔ bi, nɔ fa igen.

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Rɛvɛleshɔn 10:4

Wɛn di tɛnda dɛn bigin tɔk, a bin jɛs want rayt, na de a yɛri vɔys de tɔk na ɛvin se, “Nɔ mek nɔbɔdi no wetin di sɛvin tɛnda dɛn se; nɔ rayt am!”

Matyu 10:27

Ɛni tin we a tɛl una na kɔna, una fɔ tɔk am usay ɔlman de, ɛn ɛnitin we a tɔk saful, una fɔ tɔk am lawd wan mek ɔlman yɛri.

Daniɛl 12:9

Nain i se, “Daniɛl, go usay yu de go, bikɔs dɛn dɔn kɔba ɛn lɔk tayt ɔl wetin dɛn se, te di tɛm kam we di wɔl go dɔn.

Daniɛl 12:4

Bɔt yu Daniɛl, nɔ tɔk natin ɛn lɔk di buk, te di tɛm we di ɛnd go kam. Bɔku go de rɔn ɔp ɛn dɔŋ ɛn pipul go gɛt plɛnti sɛns.

Izikɛl 12:23

So tɛl dɛn se, “Na dis PAPA GƆD we na Gɔd se: A go mek dɛn tap dis parebul ya, ɛn dɛn nɔ go yuz am as parebul igen na Izrɛl!’ Bɔt tɛl dɛn se, di tɛm dɔn kam nia ɛn ɔl di vishɔn fɔ bi.

Lɛta Fɔ Rom 13:12

Nɛt dɔn de pas, de tɛm dɔn kam klos. Una lɛ wi lɛf fɔ du dɛn bad tin we dɛn wikɛd pipul we de na dak de du, bɔt lɛ wi tek dɛn tin we wi de tek fɛt, wi we de na di layt bikɔs wi no di tru we, ɛn lɛ wi rɛdi fɔ di fɛt.

Rɛvɛleshɔn 22:16

“Mi, Jizɔs dɔn sɛn mi enjɛl go tɛl una dɛn tin ya fɔ mek una tɛl dɛn Kristiɛn na dɛn chɔch. Mi na wan pan Devid in grampikin pikin dɛm ɛn mi na di mɔnin sta we de shayn brayt.”

Rɛvɛleshɔn 5:1

A si di Pɔsin we sidɔm na di fɔs ay chia we kiŋ kin sidɔm, i ol wan big big pepa we rol, nain raytan. Plɛnti tin bin rayt pan am, frɔnt ɛn bak, ɛn dɛn bin fasin am sɛvin say na di ɛj.

Sɛkɛn Lɛta Fɔ Tɛsalonayka 2:3

Mek nɔbɔdi nɔ mek una ful. Di de we di Masta go kam bak nɔ go kam sote di tɛm we plɛnti pipul go tɔn dɛn bak pan Gɔd ɛn sote di wan we de fɛt Gɔd sho insɛf, in we Gɔd go pwɛl ɔltogɛda na ɛl.

Ayzaya 13:6

Kray o! PAPA GƆD in de dɔn de rich, di de we go kam lɛk we di Ɔlmayti de distrɔy!

Ayzaya 8:16

Tay ɛn kip di mɛsej, ɛn tich mi lanin bɔy dɛn fɔ kip tayt wan na dɛn at.

Rɛvɛleshɔn 22:20

Di pɔsin we de sho se dɛn tin ya na tru, de se, “Fɔ tru, di tɛm nɔ fa igen. A go kam bak!” Emɛn. Masta Jizɔs, kam!

Lɛta Fɔ Rom 13:11

Una fɔ du wetin a tɛl una fɔ du naw bikɔs una no se di tɛm we una fɔ wek, dɔn kam, bikɔs di de we Gɔd go sev wi dɔn kam klos naw pas di tɛm we wi bin fɔs biliv pan Jizɔs Krays.

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Rɛvɛleshɔn 22:7

Jizɔs se, “Lisin, i nɔ go te igen, a go kam bak! Blɛsin de fɔ ɛnibɔdi we go fala dɛn tin we Gɔd tɔk, we gɛt fɔ bi, we rayt na dis buk.”

Rɛvɛleshɔn 22:9

Bɔt i se, “Nɔ du dat! Misɛf de wok fɔ Gɔd lɛkɛ aw yu de wok fɔ am, ɛn lɛkɛ yu kɔmpin dɛn we na prɔfɛt ɛn ɔl dɛn wan we de du dɛn tin we rayt na dis buk. Na Gɔd in fut yu fɔ fɔdɔm fɔ prez am!”

Rɛvɛleshɔn 22:18

A de wɔn una, if ɛnibɔdi we yɛri dɛn wɔd ya we Gɔd mek pɔsin rayt na dis buk, ad sɔntin mɔ to dɛn, Gɔd go mek dɛn bad bad tin we dɛn rayt bɔt na dis buk, bi to di pɔsin fɔ pɔnish am mɔ ɛn mɔ.