Rɛvɛleshɔn 22:1 - Krio Fɔs Oli Baybul

¹ Di enjɛl tek mi igen go sho mi di riva we di wata we de gi layf bin de rɔn, i bin de shayn lɛkɛ glas. I bɔs kɔmɔt na di chia we Gɔd ɛn di Ship we de rul, kin sidɔm.

Rɛvɛleshɔn 22:1 Referans Kwoze

Rɛvɛleshɔn 7:17

bikɔs di Ship we de na di ples we di ay chia we kiŋ kin sidɔm, de, insɛf go de gyad dɛn lɛkɛ pɔsin we de mɛn ship. Nain go kɛr dɛn go na di say we da wata we de bɔs na grɔn we de gi layf, de. Gɔd go mek dɛn nɔ kray igen.”

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Rɛvɛleshɔn 21:6

I tɔk igen se, “Ɔl dɛn tin ya dɔn bi. Mi na Alfa, dat na di wan we bigin ɔltin, ɛn Omɛga, dat na di wan we go dɔn ɔltin. If ɛnibɔdi tɔsti, mek i kam to mi, a go gi am pan di wata we de bɔs plɛnti plɛnti we de gi layf; ɛn we fri.

Zɛkaraya 14:8

Da de de, na wata we de gi layf nɔmɔ go de flo na Jerusɛlɛm, af go de go na di ist si, af de go na di wɛst si. Na so i go de bi ren sizin ɛn dray sizin.

Di Sam Dɛm 46:4

Wan riva de we de mek PAPA GƆD in pipul we de nain siti, gladi, di siti we PAPA GƆD we pas ɔl ɔda gɔd dɛn de.

Rɛvɛleshɔn 22:17

Gɔd in Spirit ɛn di Ship in yawo se, “Kam!” Mek ɛnibɔdi we yɛri dɛn wɔd ya, insɛf se, “Kam!” Mek ɛnibɔdi we tɔsti, we want drink da wata we de gi layf, kam ɛn drink fri.

Jɛrimaya 17:13

E PAPA GƆD we Izrɛl abop pan, ɔl udat fɔsek yu go shem; dɛn wan dɛm we tɔn bak pan yu, dɛn go rayt bɔt dɛm na wɔl, bikɔs dɛn fɔsek PAPA GƆD we na di fawnten we de gi wata we de gi layf.

Jɛrimaya 2:13

bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Ayzaya 41:18

A go opin riva dɛn na dɛn dray mawnten, ɛn wata go bɔs ɔnda grɔn, shut ɔp midul dɛn vali; A go tɔn di dray ɛn ɛmti ples to watasay, ɛn wata go de bɔs ɔnda grɔn na di dray land.

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Apɔsul Dɛn Wok 2:33

Gɔd dɔn mek Jizɔs rayz frɔm di grev ɛn mek i sidɔm nain raytan. Papa Gɔd dɔn gi Jizɔs in Spirit we i bin prɔmis ɛn ɔl wetin una de si ɛn wetin una de yɛri, na Jizɔs de mek dɛn bi.

Rɛvɛleshɔn 21:11

Gɔd in brayt layt bin de shayn insay de; di tɔŋ bin de shayn lɛkɛ wan fayn fayn ston we dɛn kɔl jaspa, ɛn i bin de shayn lɛkɛ glas.

Jɔn 15:26

“Wɛn di wan we de ɛp pipul fɔ du wetin Gɔd want, kam, dat na di Spirit we kɔmɔt to mi Papa, i go mek pipul no di tru tin bɔt Gɔd. A go mek mi Papa sɛn am kam to una ɛn i go tɛl una bɔt mi.

Rɛvɛleshɔn 5:13

Dɛn a yɛri ɔl dɛn tin we gɛt layf na ɛvin, na dis wɔl ɛn na di wɔl we de ɔnda dis wɔl, ɛn ɔltin we de na wata, dɛn ɔl de siŋ se, “Wi fɔ prez ɛn rɛspɛkt di wan we sidɔm pan di ay chia we kiŋ kin sidɔm pan ɛn di Ship, wi fɔ sho se dɛn wɔndaful ɛn dɛn gɛt pawa we go de sote go!”

Ayzaya 48:18

A wish yu bin de obe mi lɔ dɛn! Datɛnde yu kolat bin fɔ tan lɛk riva, ɛn di waka we yu de waka tret na mi yay, go tan lɛk swɛlin na si;

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.

Ayzaya 66:12

Bikɔs na di PAPA GƆD se; “A de tɛl una, a go mek prɔspɛriti go to am lɛk riva, ɛn di neshɔn dɛn jɛntri go to am lɛk riva we de ova flo; ɛn una go sɔk, ɛn i go tot una nain fut ɛn mek una dans nain ni.

Rɛvɛleshɔn 1:1

Insay dis buk dɛn rayt dɛn tin we Jizɔs Krays sho dɛn pipul we de du Gɔd wok. Na Gɔd fɔs sho Jizɔs Krays dɛn tin ya, so dat i kin mek dɛn wan we de du in wok no dɛn tin we mɔs bi. I sɛn in enjɛl go mit Jɔn we bin de wok fɔ am fɔ mek di enjɛl sho Jɔn dɛn tin ya.

Rɛvɛleshɔn 21:9

Wan pan dɛn sɛvin enjɛl dɛn we bin gɛt dɛn sɛvin kɔp we dɛn sɛvin bad bad tin dɛn we bin gɛt fɔ fɔdɔm pan di wɔl bifo di wɔl dɔn, bin de insay, kam tɔk to mi, i se, “Kam mek a sho yu di Ship in yawo.”

Rɛvɛleshɔn 22:6

Dɛn di enjɛl se, “Dɛn wɔd ya na tru ɛn pipul fɔ biliv dɛn. Gɔd, wi Masta, we gi di prɔfɛt dɛn pawa fɔ tɔk in mɛsej, nain sɛn in enjɛl fɔ kam sho dɛn wan we de waka wit am dɛn tin we gɛt fɔ bi, i nɔ go te igen.”

Jɔn 13:32

Ɛn if i mek pipul si aw i wɔndaful, Gɔd insɛf go sho pipul aw Mɔtalman Pikin wɔndaful, ɛn Gɔd de kam du dat naw.