Rɛvɛleshɔn 21:9 - Krio Fɔs Oli Baybul

⁹ Wan pan dɛn sɛvin enjɛl dɛn we bin gɛt dɛn sɛvin kɔp we dɛn sɛvin bad bad tin dɛn we bin gɛt fɔ fɔdɔm pan di wɔl bifo di wɔl dɔn, bin de insay, kam tɔk to mi, i se, “Kam mek a sho yu di Ship in yawo.”

Rɛvɛleshɔn 21:9 Referans Kwoze

Rɛvɛleshɔn 21:2

Dɛn a si Gɔd in tɔŋ, we dɛn kɔl, nyu Jerusɛlɛm, i bin de kɔmɔt to Gɔd na ɛvin kam dɔŋ, dɛn bin dɔn mek am fayn fayn rɛdi, lɛkɛ uman we jɛs mared we dɔn drɛs de wet fɔ go to in man.

Rɛvɛleshɔn 19:7

Lɛ wi gladi ɛn fɔdɔm bifo Gɔd ɛn prez am, bikɔs na big Gɔd! Di tɛm fɔ mek di Ship mared dɔn kam, ɛn in yawo dɔn drɛs de wet am.

Rɛvɛleshɔn 17:1

Wɛn ɔl dat dɔn, wan pan di sɛvin enjɛl dɛn we bin ol wan pan di sɛvin kɔp dɛn, kam tɔk to mi, i se, “Kam, mek a go sho yu aw dɛn go pɔnish da uman we liv fri layf we ɔlman no; di uman na da tɔŋ we dɛn bil klos dɛn plɛnti riva.

Rɛvɛleshɔn 1:1

Insay dis buk dɛn rayt dɛn tin we Jizɔs Krays sho dɛn pipul we de du Gɔd wok. Na Gɔd fɔs sho Jizɔs Krays dɛn tin ya, so dat i kin mek dɛn wan we de du in wok no dɛn tin we mɔs bi. I sɛn in enjɛl go mit Jɔn we bin de wok fɔ am fɔ mek di enjɛl sho Jɔn dɛn tin ya.

Rɛvɛleshɔn 21:17

Di enjɛl mɛnshɔ di wɔl insɛf, lɛkɛ aw mɔtalman de mɛnshɔ, di wɔl bin ay tu ɔndrɛd ɛn sikstin fut.

Rɛvɛleshɔn 22:1

Di enjɛl tek mi igen go sho mi di riva we di wata we de gi layf bin de rɔn, i bin de shayn lɛkɛ glas. I bɔs kɔmɔt na di chia we Gɔd ɛn di Ship we de rul, kin sidɔm.

Rɛvɛleshɔn 22:6

Dɛn di enjɛl se, “Dɛn wɔd ya na tru ɛn pipul fɔ biliv dɛn. Gɔd, wi Masta, we gi di prɔfɛt dɛn pawa fɔ tɔk in mɛsej, nain sɛn in enjɛl fɔ kam sho dɛn wan we de waka wit am dɛn tin we gɛt fɔ bi, i nɔ go te igen.”

Rɛvɛleshɔn 22:17

Gɔd in Spirit ɛn di Ship in yawo se, “Kam!” Mek ɛnibɔdi we yɛri dɛn wɔd ya, insɛf se, “Kam!” Mek ɛnibɔdi we tɔsti, we want drink da wata we de gi layf, kam ɛn drink fri.