Rɛvɛleshɔn 21:6 - Krio Fɔs Oli Baybul

⁶ I tɔk igen se, “Ɔl dɛn tin ya dɔn bi. Mi na Alfa, dat na di wan we bigin ɔltin, ɛn Omɛga, dat na di wan we go dɔn ɔltin. If ɛnibɔdi tɔsti, mek i kam to mi, a go gi am pan di wata we de bɔs plɛnti plɛnti we de gi layf; ɛn we fri.

Rɛvɛleshɔn 21:6 Referans Kwoze

Jɔn 4:10

Jizɔs se, “If yu bin no wetin Gɔd de gi pipul, ɛn if yu no udat de aks yu fɔ gi am wata fɔ drink, yu bin fɔ aks am ɛn i bin fɔ gi yu da wata we de mek pipul gɛt layf.”

Rɛvɛleshɔn 7:17

bikɔs di Ship we de na di ples we di ay chia we kiŋ kin sidɔm, de, insɛf go de gyad dɛn lɛkɛ pɔsin we de mɛn ship. Nain go kɛr dɛn go na di say we da wata we de bɔs na grɔn we de gi layf, de. Gɔd go mek dɛn nɔ kray igen.”

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Di Sam Dɛm 36:9

Na yu de gi layf ɛn nainsay yu wi de si wi we klia na layf.

Lɛta Fɔ Rom 8:32

Gɔd nɔ kip in Pikin mek i nɔ sɔfa, i sakrifays am fɔ wi ɔl! Gɔd we sakrifays in Pikin fɔ wi ɔl, i nɔ go gi wi ɔltin fri?

Rɛvɛleshɔn 22:17

Gɔd in Spirit ɛn di Ship in yawo se, “Kam!” Mek ɛnibɔdi we yɛri dɛn wɔd ya, insɛf se, “Kam!” Mek ɛnibɔdi we tɔsti, we want drink da wata we de gi layf, kam ɛn drink fri.

Rɛvɛleshɔn 1:8

Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”

Lɛta Fɔ Rom 3:24

Bɔt di lɛk we Gɔd lɛk wi we wi nɔ fit fɔ gɛt dɔn mek ɔltin rayt bitwin Gɔd ɛn mɔtalman, we Jizɔs Krays dɔn bay ɔlman wit in blɔd fɔ mek dɛn fri.

Rɛvɛleshɔn 22:13

Mi na Alfa ɛn Omɛga, di fɔs pɔsin ɛn di las wan; na mi bigin ɔltin ɛn na mi go dɔn ɔltin.”

Rɛvɛleshɔn 16:17

Dɛn di enjɛl we mek sɛvin trowe di tin we de insay in kɔp na di briz, na de lawd vɔys tɔk na di chia we Gɔd sidɔm insay in Os na ɛvin, i se, “Ɔltin dɔn dɔn!”

Ayzaya 12:3

Na wit gladi yu go ɛnjɔy yu nyu layf.

Rɛvɛleshɔn 1:17

Wɛn a si am, a fɔdɔm flat nain fut lɛkɛ pɔsin we dɔn day. I put in raytan pan mi, i se, “Nɔ fred. Na mi na di fɔs pɔsin, na mi go bi di las pɔsin.

1 Kɔrint 2:12

Nɔto di wɔl yon spirit wi gɛt, na Gɔd in yon Spirit wi gɛt; nain go mek wi no wetin Gɔd de gi wi fri.

Jɛrimaya 2:13

bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Rɛvɛleshɔn 10:6

I swɛ bifo Gɔd we de naw ɛn we go de sote go, Gɔd we mek ɛvin ɛn ɔl wetin de insay de. I se, “Tɛm nɔ go wes igen!

Joɛl 3:18

Da de de, di mawnten dɛnsɛf go gɛt wayn bɔku ɛn di il dɛn go gɛt bɔku milk, ɔl di watasay dɛn na Juda go gɛt bɔku wata; ɛn wata sɛf go bɔs insay PAPA GƆD in os fɔ wata di Shitim Vali.

Ozie 14:4

PAPA GƆD se, In go mek di pipul dɛn biliv am; in go lɛk dɛn wit ɔl in at, bikɔs i nɔ vɛks pan dɛn igen

1 Kɔrint 3:12

Sɔm pipul go tek gold ɔ silva ɔ dɛn fayn fayn ston lɛkɛ dayamɔn bil pan dis fawndeshɔn ya; ɔda pipul go tek bod ɔ grin gras ɔ dray gras, bil.

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

1 Kɔrint 3:21

Na dat mek, nɔbɔdi nɔ fɔ bost bɔt wetin in kɔmpin mɔtalman kin du. Ɔltin na una yon:

1 Kɔrint 3:5

Afta ɔl, udat na Apɔlɔs? Udat na Pɔl? Wi na Gɔd in savant dɛn we de tɔk bɔt Gɔd to una mek una biliv pan Jizɔs, na di wok we Gɔd gi Apɔlɔs, ɛn na di wok we Gɔd gi misɛf fɔ du, nain wi de du.

Jɔn 4:11

Di uman se, “Yu nɔ gɛt kitul ɛn di wɛl dip; usay yu go gɛt di wata we go mek pipul gɛt layf?

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin: