Rɛvɛleshɔn 21:5 - Krio Fɔs Oli Baybul

⁵ Dɛn di pɔsin we sidɔm na di chia we kiŋ kin sidɔm fɔ rul, se, “Luk, a de mek ɔltin nyu!” Dɛn i se, “Rayt dɛn wɔd ya dɔŋ, bikɔs dɛn na tru ɛn pipul kin biliv dɛn.”

Rɛvɛleshɔn 21:5 Referans Kwoze

2 Kɔrint 5:17

Ɛnibɔdi we gɛt wanwɔd wit Krays, dɔn bi nyu pɔsin, di layf we i bin liv fɔstɛm dɔn dɔn, na nyu layf i liv naw.

Ayzaya 42:9

A de tɛl yu, di fɔstɛm tin dɛm dɔn bi, ɛn na nyu tin dɛn a de tɛl una bɔt; Bifo dɛn apin a de tɛl una bɔt dɛm.”

Ayzaya 43:19

A de tɛl una, a de du nyu tin; i de bɔs naw, una nɔ no bɔt am? A go mek rod na di ɛmti ɛn dray ples we natin nɔ de, ɛn riva dɛn na ɛmti ples we pipul nɔ go ebul tap.

Rɛvɛleshɔn 19:9

Di enjɛl tɔk to mi, i se, “Rayt dis tin ya: Blɛsin de pan dɛn wan we dɛn kɔl fɔ go it na di Ship in mared.” I tɛl mi se, “Dɛn wɔd ya na di tru wɔd dɛn we Gɔd tɔk.”

Rɛvɛleshɔn 22:6

Dɛn di enjɛl se, “Dɛn wɔd ya na tru ɛn pipul fɔ biliv dɛn. Gɔd, wi Masta, we gi di prɔfɛt dɛn pawa fɔ tɔk in mɛsej, nain sɛn in enjɛl fɔ kam sho dɛn wan we de waka wit am dɛn tin we gɛt fɔ bi, i nɔ go te igen.”

Rɛvɛleshɔn 20:11

Wɛn dat pas, na de a si wan big wayt chia we kiŋ kin sidɔm fɔ rul ɛn di pɔsin we sidɔm pan am. Ɛvin ɛn di wɔl jɛs lɔs bifo am; nɔbɔdi nɔ si dɛn igen.

Rɛvɛleshɔn 4:2

Wantɛm, Gɔd in Spirit kam pan mi; na de a si wan ay chia we kiŋ kin sidɔm pan, a si sɔmbɔdi sidɔm pan am.

Rɛvɛleshɔn 4:9

Wɛn dɛn fo tin ya we gɛt layf de prez di wan we go de sote go, we sidɔm pan di ay chia we kiŋ kin sidɔm, wɛn dɛn de sho am di rɛspɛkt we dɛn gɛt fɔ am ɛn tɛl am tɛnki,

Rɛvɛleshɔn 1:19

Rayt ɔl dɛn tin ya we yu dɔn si na buk dɛn tin we de bi naw ɛn dɛn tin we go bi bambay.

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Rɛvɛleshɔn 5:1

A si di Pɔsin we sidɔm na di fɔs ay chia we kiŋ kin sidɔm, i ol wan big big pepa we rol, nain raytan. Plɛnti tin bin rayt pan am, frɔnt ɛn bak, ɛn dɛn bin fasin am sɛvin say na di ɛj.

Di Ibru Pipul Dɛn 12:27

Wɛn Gɔd tɔk se, “wan tɛm mɔ,” dat sho wi se i go mek ɔl dɛn tin we i mek, we nɔ tinap traŋa, nɔ de igen, so dat dɛn tin we nɔbɔdi nɔ ebul shek go de sote go.

Rɛvɛleshɔn 22:19

Ɛn if ɛnibɔdi pul wan wɔd kɔmɔt pan dɛn wan ya, Gɔd nɔ go mek i gɛt pan dɛn tin we de bia na di tik we de gi layf, ɛn i nɔ go mek di pɔsin kam insay in tɔŋ, we dɛn rayt bɔt na dis buk.

Lyuk 5:38

Dɛn fɔ put nyu wayn insay nyu bɔtul.