Rɛvɛleshɔn 21:3 - Krio Fɔs Oli Baybul

³ A yɛri lawd vɔys we kɔmɔt na di say we di chia we kiŋ kin sidɔm fɔ rul, bin de; i bin de tɔk se, “Gɔd dɔn kam fɔ tap to mɔtalman, i go tap wit dɛn ɛn dɛn go bi in pipul. Gɔd insɛf go de wit dɛn ɔltɛm.

Rɛvɛleshɔn 21:3 Referans Kwoze

Izikɛl 37:27

Mi os we a tap go de wit dɛm; ɛn mi go bi dɛm PAPA GƆD, ɛn dɛn go bi mi pipul.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Jɔn 14:23

Jizɔs ansa am se, “Ɛnibɔdi we lɛk mi go du wetin a lan am fɔ du. Mi Papa go lɛk di pɔsin, ɛn mi ɛn mi Papa go kam to am, ɛn tap wit am.

Zɛkaraya 8:8

ɛn i go mek dɛn kam tap insay Jerusɛlɛm; da tɛm de, in go lɛ dɛn no se dɛn nain pipul ɛn in na dɛn PAPA GƆD. Ɛn i go sho dɛn aw i fethful ɛn de du tin tret wan.

Di Ibru Pipul Dɛn 8:10

Wɛn di tɛm rich, na di agrimɛnt dis we a go mek wit di pipul dɛn na Izrɛl: A go mek dɛn no mi lɔ dɛn ɛn mek dɛn nɔ fɔgɛt dɛn. A go bi dɛn Gɔd, ɛn dɛn go bi mi pipul.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Di Ibru Pipul Dɛn 11:16

Bɔt dɛn bin want ples we bɛtɛ pas dat, dat na di ples we de na ɛvin. So Gɔd nɔ shem wɛn dɛn kɔl am dɛn yon Gɔd, bikɔs i bin dɔn rɛdi ples fɔ dɛn.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Jɛrimaya 32:38

Ɛn dɛn go bi mi pipul ɛn a go bi dɛn Gɔd.

Rɛvɛleshɔn 7:15

Na dat mek, de ɛn nɛt, dɛn tinap bifo di ay chia we Gɔd sidɔm pan, ɛn dɛn de nain os de sav am. Di wan we sidɔm na di ay chia go kɔba dɛn mek natin bad nɔ mit dɛn.

2 Kɔrint 6:18

A go bi una Papa ɛn una go bi mi bɔy pikin ɛn mi gyal pikin dɛn, na so di Masta we gɛt pawa pas ɔl, se.”

Rɛvɛleshɔn 21:7

Ɛnibɔdi we stil tinap traŋa afta Gɔd dɔn tray am go gɛt ɔl dɛn tin ya, ɛn pantap dat, a go bi in Papa ɛn i go bi mi pikin.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Rɛvɛleshɔn 12:10

Dɛn a yɛri lawd vɔys de tɔk na ɛvin se, “Di tɛm we Gɔd go sev in pipul dɛn, dɔn kam! Gɔd dɔn sho in pawa naw lɛkɛ kiŋ! Krays we i sɛn kam na wɔl dɔn sho in pawa! Di wan we bin tinap bifo Gɔd de tɔk de ɛn nɛt se wi kɔmpin Kristiɛn dɛn du bad, dɔn kɔmɔt na ɛvin, dɛn dɔn ib am na do.

Izikɛl 43:7

ɛn i tɛl mi se, “Mɔtalman, na ya mi tron de, ɛn na di ples we mi ɔndafut dɛn de, usay a go tap midul di Izrɛl pipul so te go. Ɛn di Izrɛl pipul nɔ go dɔti mi oli nem igen igen; dɛm o, dɛn kiŋ dɛm o, dɛn rare layf o, ɛn dɛn kiŋ dɛn dedebɔdi dɛm o, nɔ go dɔti mi nem igen

1 Kiŋ 8:27

“Bɔt fɔ tru tru se PAPA GƆD yu go kam tap dɔŋ na di wɔl? Di klawd sɛf te rich ɔp ɔp di skay nɔ ebul ol yu bifo a se dis lili abule we a dɔn bil!

2 Kronikuls 6:18

“Bɔt fɔ tru tru se PAPA GƆD yu go kam tap dɔŋ na di wɔl? Di klawd sɛf te rich ɔp ɔp di skay nɔ ebul ol yu bifo a se dis lili abule we a dɔn bil!

Rɛvɛleshɔn 10:8

Dɛn di vɔys, we a yɛri, we kɔmɔt ɛvin, tɔk to mi bak se, “Go tek di pepa we dɛn kɔl skrol, we dɔn opin, we di enjɛl we tinap pan di dray grɔn ɛn di wata, ol.”

Rɛvɛleshɔn 10:4

Wɛn di tɛnda dɛn bigin tɔk, a bin jɛs want rayt, na de a yɛri vɔys de tɔk na ɛvin se, “Nɔ mek nɔbɔdi no wetin di sɛvin tɛnda dɛn se; nɔ rayt am!”

Ɛksodɔs 25:8

Di pipul dɛn fɔ mek wan spɛshal ples fɔ mi we na de a go de.

Ɛksodɔs 29:45

A go de wit di Izrɛlayt dɛn ɛn na mi go bi dɛn PAPA GƆD.

Izikɛl 48:35

Di distans rawnd di siti go bi nayn kilomita. Ɛn di siti in nem, frɔm naw te go, go bi, PAPA GƆD de de.”

Fɔs Lɛta Fɔ Tɛsalonayka 3:11

A de pre mek Gɔd insɛf we na wi Papa ɛn wi Masta Jizɔs opin di rod fɔ wi fɔ go to una.

Di Ibru Pipul Dɛn 8:2

Fɔstɛm, dɛn ɔda man we bin de mek sakrifays fɔ pipul sin bin de du Gɔd in wok na bafa we mɔtalman bil, bɔt Jizɔs de wok na di ples we Gɔd de, na Gɔd bil da ples de, nɔto mɔtalman.

Rɛvɛleshɔn 22:3

Ɛni tin we Gɔd kɔs nɔ go de na di tɔŋ. Gɔd ɛn di Ship dɛn chia go lib de, ɛn in pipul dɛn go fɔdɔm nain fut fɔ pre to am de.

Di Nɔmba Dɛm 9:16

Na so i bin de de nɔmɔ oba am.