Rɛvɛleshɔn 21:21 - Krio Fɔs Oli Baybul

²¹ Na dɛn fayn fayn tin we tan lɛkɛ bid we dɛn kɔl pal dɛn tek mek di twɛlv get dɛn na di tɔŋ, na gold dɛn tek mek di trit, ɛn di gold de shayn lɛkɛ glas.

Rɛvɛleshɔn 21:21 Referans Kwoze

Rɛvɛleshɔn 21:18

Na fayn fayn ston we dɛn kɔl jaspa dɛn bin tek mek di wɔl, ɛn na piɔ gold we bin de shayn lɛkɛ glas dɛn bin tek mek di tɔŋ insɛf.

Rɛvɛleshɔn 17:4

Di uman bin wɛr rɛd klos we dia, ɛn i bin drɛs fayn wit plɛnti gold tin, dɛn shayn shayn ston ɛn fayn fayn bid. I bin ol wan gold kɔp nain an, we bin ful wit dɛn dɔti dɔti dɔti tin we in fri layf briŋ.

Rɛvɛleshɔn 22:2

Di riva bin de rɔn midul di trit na di tɔŋ. Di tik we de gi layf bin de gro klos di riva, wan pat na wansay, di ɔda pat na di ɔda say. Na twɛlv tɛm fɔ ia da tik de, de bia; nain lif dɛn de mɛn ɔl dɛn pipul ɔlɔbɔt na wɔl.

Rɛvɛleshɔn 18:16

“Eya, oya! Da tɔŋ de we bin gɛt pawa, dɔn pwɛl, i bin tan lɛkɛ uman we drɛs wit fayn fayn linin, mov ɛn rɛd klos ɛn we kin tek gold ɛn dɛn shayn shayn ston ɛn fayn fayn bid drɛs insɛf!

1 Kiŋ 6:20

Dis rum lɔŋ tati fut wayd tati fut ɛn ay tati fut i kɔba ɔlsay wit piɔ gold. Na sida bɔd i yuz fɔ mek di ɔlta ɛn kɔba insɛf wit piɔ gold.

Rɛvɛleshɔn 4:6

Bifo di sem ay chia a si sɔntin lɛkɛ wata we tan lɛkɛ se dɛn tek glas mek am. Ɔlɔbɔt klos di chia, frɔnt, bak ɛn sayd, fo tin we gɛt layf bin tinap, dɛn bin gɛt yay ɔlɔbɔt na dɛn bɔdi; bifo ɛn biɛn.

Rɛvɛleshɔn 21:15

Di enjɛl we bin de tɔk to mi bin ol wan gold tik we dɛn de tek mɛnshɔ; nain i go tek mɛnshɔ di tɔŋ, di domɔt dɛn ɛn di wɔl.