Rɛvɛleshɔn 21:18 - Krio Fɔs Oli Baybul

¹⁸ Na fayn fayn ston we dɛn kɔl jaspa dɛn bin tek mek di wɔl, ɛn na piɔ gold we bin de shayn lɛkɛ glas dɛn bin tek mek di tɔŋ insɛf.

Rɛvɛleshɔn 21:18 Referans Kwoze

Rɛvɛleshɔn 21:11

Gɔd in brayt layt bin de shayn insay de; di tɔŋ bin de shayn lɛkɛ wan fayn fayn ston we dɛn kɔl jaspa, ɛn i bin de shayn lɛkɛ glas.

Rɛvɛleshɔn 21:21

Na dɛn fayn fayn tin we tan lɛkɛ bid we dɛn kɔl pal dɛn tek mek di twɛlv get dɛn na di tɔŋ, na gold dɛn tek mek di trit, ɛn di gold de shayn lɛkɛ glas.

Rɛvɛleshɔn 21:19

Na twɛlv difrɛn kayn fayn fayn ston dɛn put pan di twɛlv fawndeshɔn ston dɛn fɔ mek di wɔl we bin tinap rawnd di tɔŋ, fayn. Di fɔs ston na bin grin ɛn i bin de shayn, dɛn kɔl am jaspa; di sɛkɛn ston na bin blu, dɛn kɔl am safaya; di ston we mek tri bin gɛt ɔl kayn kɔla, dɛn kɔl am aget; di ston we mek fo na bin brayt grin, dɛn kɔl am ɛmirald;

Rɛvɛleshɔn 4:6

Bifo di sem ay chia a si sɔntin lɛkɛ wata we tan lɛkɛ se dɛn tek glas mek am. Ɔlɔbɔt klos di chia, frɔnt, bak ɛn sayd, fo tin we gɛt layf bin tinap, dɛn bin gɛt yay ɔlɔbɔt na dɛn bɔdi; bifo ɛn biɛn.

1 Kiŋ 6:30

I kɔba ɔl di rum dɛn grɔn wit gold.

2 Kronikuls 3:6

I dɛkɔret di os wit difrɛn difrɛn valyuebul ston dɛn. Di gold na Pavaim gold.