Rɛvɛleshɔn 21:14 - Krio Fɔs Oli Baybul

¹⁴ Na twɛlv ston dɛn bin tek bil di wɔl in fawndeshɔn. Na pan dɛn ston de di Ship in twɛlv apɔsul dɛn nem bin rayt.

Rɛvɛleshɔn 21:14 Referans Kwoze

Di Ibru Pipul Dɛn 11:10

Ebraam bin de wet na di bafa fɔ go na di tɔŋ we Gɔd bin dɔn plan ɛn bil, we tinap traŋa, ɛn we nɔ go fɔdɔm.

Lɛta Fɔ Ɛfisɔs 2:20

Na dɛn tin we dɛn apɔsul ɛn dɛn prɔfɛt bin tɛl una, ɛn di layf we dɛn bin liv, na dat na di fawndeshɔn we una layf sidɔm pan. Jizɔs Krays na di fɔs ston we dɛn bil pan.

Ayzaya 54:11

E, yu we de sɔfa, we tinada dɔn blo, ɛn nɔbɔdi nɔ koks yu, lisin to mi, a go sɛt yu ston dɛn insay saf silva wayt ayɛn, ɛn le yu fawndeshɔn dɛm wit safaya.

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Jud In Lɛta 1:17

Mi padi dɛn, una fɔ mɛmba wetin wi Masta Jizɔs Krays in apɔsul dɛn bin dɔn tɛl una.

Lɛta Fɔ Ɛfisɔs 3:5

Gɔd nɔ bin tɛl wi lɔntɛm pipul dɛn dis sikrit ya, bɔt naw Gɔd dɔn mek in Spirit sho di apɔsul ɛn di prɔfɛt dɛn dis sikrit.

Matyu 16:18

Ɛn Pita, a de tɛl yu se: yu na rɔk, ɛn na pan dis rɔk ya a go bil mi chɔch, ɛn day sɛf nɔ go ebul am.

Lɛta Fɔ Ɛfisɔs 4:11

Nain bin mek wi sabi fɔ du difrɛn difrɛn wok. Sɔm pan di wok dɛn we i gi wi fɔ du na dɛn dɛn wan ya: I mek sɔm pan wi bi apɔsul; sɔm bi prɔfɛt; sɔm bi ivanjɛlist, dat na dɛn pipul we de tɛl ɔda pipul di Gud Nyuz bɔt Jizɔs Krays; sɔm bi pastɔ; ɛn sɔm bi ticha.

Lɛta Fɔ Galeshya 2:9

Jems, Pita ɛn Jɔn, we dɛn se na bin bakbon na di chɔch bin no se Gɔd gi mi dis wok ya fɔ du, dɛn shek mi ɛn Banabas an fɔ sho se wi ɔl dɔn bi wan we wi de wok fɔ Gɔd. Dɛn tɛl mi ɛn Banabas se, wi tu fɔ go wok to dɛn pipul we nɔto Ju, ɛn dɛn tri fɔ go wok to dɛn pipul we na Ju.

Apɔsul Dɛn Wok 1:26

Dɛn Ju pipul gɛt we fɔ no wetin Gɔd want, so di ilɛvin apɔsul dɛn trowe sɔntin na grɔn fɔ pik di wan pɔsin. Na Matayas nem kɔmɔt so dɛn mek i bi wan pan di apɔsul dɛn.

Rɛvɛleshɔn 21:13

Ɛvri wan pan di fo say dɛn na di tɔŋ bin gɛt tri domɔt: tri na di say we san de kɔmɔt, tri na di say we san de go dɔŋ, tri na di raytan say, tri na di lɛfan say if yu de luk to di say we san de kɔmɔt.