Rɛvɛleshɔn 21:12 - Krio Fɔs Oli Baybul

¹² Wan ay ay wɔl bin de rawnd am, ɛn i bin gɛt twɛlv domɔt. Twɛlv enjɛl dɛn bin de gyad di twɛlv domɔt dɛn. Di nem fɔ ɔl di twɛlv trayb dɛn na Izrɛl bin rayt pan di domɔt dɛn.

Rɛvɛleshɔn 21:12 Referans Kwoze

Rɛvɛleshɔn 21:25

Di domɔt dɛn na di tɔŋ go opin ɔltɛm, tɛm nɔ go de we dɛn go lɔk, bikɔs nɛt nɔ go de na da tɔŋ de.

Ayzaya 54:12

A go bil yu tawa dɛm wit rubi ston, ɛn yu get dɛm wit ston dɛn we brayt lɛk faya, ɛn ɔl yu wɔl dɛm wit dia dia ston.

Di Sam Dɛm 122:7

Lɛ ɔl rawnd Jerusɛlɛm wit di bigman dɛn os gɛt sikyɔriti.”

Ayzaya 60:18

Dɛn nɔ go yɛri bɔt fɛt fɛt na yu land igen, wahala ɛn distrɔkshɔn nɔ go de insay yu bɔda dɛn igen; yu go kɔl yu wɔl dɛn, Salveshɔn, ɛn kɔl yu get dɛn, prez.

Di Sam Dɛm 51:18

Mek Zayɔn bi wetin i bin bi bak; lɛ Jerusɛlɛm gɛt di sem kayn wɔl we i bin gɛt fɔ protɛkt am frɔm in ɛnimi dɛn.

Nɛimaya 12:27

We di tɛm rich fɔ dɛdiket di wɔl, dɛn go fɛn ɔl di Livayt dɛn, pul dɛn usay dɛn tap ɛn briŋ dɛn kam na Jerusɛlɛm. Dɛn gɛt fɔ sɛlibret ɛn fɔ mek di gladi soba, dɛn gɛt fɔ yuz ɔlkayn tin we de mek myuzik as dɛn go de siŋ dɛn siŋ we na fɔ prez ɛn tɛl PAPA GƆD tɛnki.

Apɔsul Dɛn Wok 26:7

Dɛn twɛlv trayb na di Ju neshɔn bin abop se dis tin ya we Gɔd bin prɔmis wi grampapa papa dɛn, go bi. Dɛn bin de pre to Gɔd de ɛn nɛt. Kiŋ Agripa, na bikɔs misɛf biliv dis sem tin mek dɛn de tɔk bad bɔt mi.

Ɛzra 9:9

We wi na bin slev, yu nɔ bin fɔgɛt wi da tɛm de. Yu mek di kiŋ dɛn na Pashia trit wi fayn. Yu gi wi nyu zil fɔ bil yu os ɛn fɔ mek ɔl wetin bin dɔn pwɛl bak. Yu gi wi wɔl rawnd Juda ɛn Jerusɛlɛm fɔ protɛkt wi.

Di Ibru Pipul Dɛn 1:14

Udat na di enjɛl dɛn? Dɛn na spirit ɛn dɛn na Gɔd in mɛsenja dɛn; na dɛn Gɔd de sɛn fɔ ɛp dɛn pipul we Gɔd go sev.

Lyuk 16:22

“Tɛm kam we di po man day ɛn enjɛl kam kɛr am go put am klos Ebraam na ɛvin. Di jɛntri man insɛf day, dɛn bɛr am.

Lyuk 15:10

Semwe so, Gɔd in enjɛl dɛn go gladi bikɔs wan pɔsin we bin de pan sin sɔri fɔ di bad we i du ɛn tɔn to Gɔd.”

Matyu 18:10

“Una fɔ mek shɔ se una nɔ luk se ɛni wan pan dɛn lili wan ya nɔ bɛtɛ. A de tɛl una se, dɛn lili wan ya, dɛn yon enjɛl dɛn we de na ɛvin de luk mi Papa in fes ɔltɛm! [

Ɛksodɔs 28:21

Na twɛlv ston dɛn fɔ de pan am, dɛn ɔl fɔ rɛprizɛnt wan pan Izrɛl in bɔypikin dɛn, ɛn dɛn fɔ tan lɛkɛ stamp we gɛt ɔlman in nem pan am.

Rɛvɛleshɔn 21:13

Ɛvri wan pan di fo say dɛn na di tɔŋ bin gɛt tri domɔt: tri na di say we san de kɔmɔt, tri na di say we san de go dɔŋ, tri na di raytan say, tri na di lɛfan say if yu de luk to di say we san de kɔmɔt.

Rɛvɛleshɔn 21:15

Di enjɛl we bin de tɔk to mi bin ol wan gold tik we dɛn de tek mɛnshɔ; nain i go tek mɛnshɔ di tɔŋ, di domɔt dɛn ɛn di wɔl.

Rɛvɛleshɔn 22:14

Blɛsin go de pan dɛn pipul we de was dɛn klos na di Ship in blɔd fɔ mek dɛn klin. Dɛn go gɛt di rayt fɔ go insay da tɔŋ de ɛn it di tin dɛn we di tik we de gi layf, de bia.

2 Kronikuls 9:19

Na twɛlv layɔn bin de de; di stɛp dɛn ɔl gɛt tu tu layɔn; wan na lɛft an wan na raytan. Dɛn nɔ mek dis kayn chia ya wande fɔ ɛni ɔda kiŋ.