Rɛvɛleshɔn 21:10 - Krio Fɔs Oli Baybul

¹⁰ Gɔd in Spirit kam pan mi, na de di enjɛl tek mi go ɔp wan ay ay il. Wɛn wi rich de, di enjɛl sho mi Gɔd in tɔŋ we dɛn kɔl di nyu Jerusɛlɛm as di tɔŋ de kɔmɔt to Gɔd na ɛvin kam dɔŋ.

Rɛvɛleshɔn 21:10 Referans Kwoze

Rɛvɛleshɔn 21:2

Dɛn a si Gɔd in tɔŋ, we dɛn kɔl, nyu Jerusɛlɛm, i bin de kɔmɔt to Gɔd na ɛvin kam dɔŋ, dɛn bin dɔn mek am fayn fayn rɛdi, lɛkɛ uman we jɛs mared we dɔn drɛs de wet fɔ go to in man.

Izikɛl 11:24

Nain di Spirit es mi ɔp, ɛn insay di vishɔn we PAPA GƆD in Spirit bin de sho mi, i briŋ mi kam Chaldia to di wan dɛn we de ɛgzayl. Dɛn di vishɔn we a bin de si lɔs pan mi.

Rɛvɛleshɔn 17:3

Di Spirit fɔdɔm pan mi, na de di enjɛl kɛr mi go na wan dɛzat. Dɛn a si wan uman sidɔm pan wan rɛd wayl bif we bin gɛt sɛvin ed ɛn tɛn ɔn; ɔlɔbɔt nain bɔdi plɛnti bad nem dɛn we nɔ sho rɛspɛkt fɔ Gɔd, bin rayt.

Rɛvɛleshɔn 1:10

Wan Sɔnde, Gɔd in Spirit kam pan mi, nain a yɛri vɔys de tɔk lawd wan lɛkɛ trɔmpɛt biɛn mi.

Apɔsul Dɛn Wok 8:39

Wɛn dɛn kɔmɔt insay di wata, di Masta in Spirit kɛr Filip go, di bigman we kɔmɔt Itio pia nɔ si Filip igen. Di bigman gladi wɛn i de go nain os.

Izikɛl 11:1

Di Spirit es mi ɔp ɛn briŋ mi kam na di ist get na PAPA GƆD in os; dat na di get we tɔn ist. A si twɛnti fayv man tinap na di domɔt; ɛn a si Jeazanaya we na Ezɔ in bɔypikin, ɛn Pelatia we na Bɛnaya in bɔypikin, we na di pipul dɛn lida dɛm.

Izikɛl 8:3

I bin pul sɔntin na do we tan lɛkɛ an, ɛn es mi ɔp bay wan pan di dada na mi ed; ɛn di spirit kɛr mi go ɔp bitwin ath ɛn ɛvin, ɛn i briŋ mi insay PAPA GƆD in vishɔn dɛm kam na Jerusɛlɛm, usay fɔ pas go insay di get na di insay kɔt we tɔn to di nɔt, ɛn usay di imej we nem Jɛlɔs ɛn we de mek pipul dɛn jɛlɔs, sidɔm.

Rɛvɛleshɔn 4:2

Wantɛm, Gɔd in Spirit kam pan mi; na de a si wan ay chia we kiŋ kin sidɔm pan, a si sɔmbɔdi sidɔm pan am.

Izikɛl 3:14

Di spirit es mi ɔp ɛn tek mi kɔmɔt de, ɛn a go wit bita spirit ɛn wamat, ɛn PAPA GƆD in an bin de pan mi traŋa wan;

1 Kiŋ 18:12

I se in nɔ no usay PAPA GƆD in Spirit go kɛr am go i lɛf am, bikɔs, if in go tɛl Eab se Ilayja dɔn kam, dɔn Eab nɔ ebul fɛn am, Eab go kil am; ɛn i dɔn de wɔship PAPA GƆD frɔm we in smɔl.

2 Kiŋ 2:16

ɛn tɛl am se, na fifti pan dɛn de de, so lɛ i gi dɛn pamishɔn fɔ go fɛn in masta; dɛn se sɔntɛm na PAPA GƆD in spirit dɔn kech am kɛr am go pantap wan mawnten ɔ dɔn ib am na wan vali. Bɔt Ilaɛlsha se nɔ.

Lɛta Fɔ Galeshya 4:26

Bɔt di Jerusɛlɛm we de na ɛvin fri, ɛn da Jerusɛlɛm de tan lɛkɛ wi mama.

Rɛvɛleshɔn 3:12

Ɛnibɔdi we go stil tinap traŋa afta Setan dɔn tray am, a go mek i bi lɛkɛ post we go mek Gɔd in Os tinap, i go tinap de sote go. A go rayt mi Gɔd in nem pan am, ɛn di tɔŋ we i bil, in sɛf yon nem pan am, dat na ‘di Nyu Jerusɛlɛm’, we go kɔmɔt to Gɔd na ɛvin kam dɔŋ. Ɛn a go rayt mi yon nyu nem pan am.

Rɛvɛleshɔn 11:2

Bɔt nɔ mɛnshɔ di sɛkɛn opin ples we de rawnd Gɔd in Os bikɔs da ples de na fɔ dɛn pipul we nɔto Gɔd yon pipul, ɛn dɛn pipul de go mas Gɔd in tɔŋ ɔnda dɛn fut fɔ fɔti-tu mɔnt.