Rɛvɛleshɔn 20:9 - Krio Fɔs Oli Baybul

⁹ Dɛn go ɔlɔbɔt na wɔl go tinap rawnd di say we Gɔd in pipul dɛn bin de mit, dat na da tɔŋ we Gɔd lɛk. Bɔt faya kɔmɔt ɔp na ɛvin kam dɔŋ kam bɔn dɛn.

Rɛvɛleshɔn 20:9 Referans Kwoze

Izikɛl 38:16

Yu go kam ɔp agens mi Izrɛl pipul, lɛk klawd we de kɔba di kɔntri. Pan di de dɛn we gɛt fɔ kam biɛɛn, a go briŋ yu kan agens mi kɔntri, so dat di neshɔn. Dɛn go no mi, wɛn pan yu, O Gɔg, a go pruv mi olinɛs bifo dɛn yay.

Izikɛl 39:6

A go sɛn faya pan Magɔg ɛn pan dɛn wan we tap sef wan na di kɔntri dɛn na di kos; ɛn dɛn go no se na mi na di PAPA GƆD

Izikɛl 38:22

A go kɛriawt jɔjmɛnt insay an wit bad bad sik we de kil, ɛn blɔd we go de flo, ɛn a go sɛn lɛk ren, pan am, ɛn pan in bɔku krawd dɛn ɛn di bɔku difrɛn difrɛn pipul we de wit am, ebi ebi ren, wit elston, faya ɛn sɔlfa.

Izikɛl 38:9

Yu go go bifo, de go lɛk wan big big tinada wit ren, yu go bi lɛk wan klawd we de kɔba di kɔntri, yu ɛn ɔl yu krawd dɛm, ɛn di bɔku pipul wit yu.

Sɛkɛn Lɛta Fɔ Tɛsalonayka 1:8

faya we de kech go de fɔ pɔnish dɛn pipul we nɔ gri mek Gɔd kam na dɛn layf ɛn dɛn pipul we nɔ gri tek wetin di Gud Nyuz bɔt wi Masta Jizɔs tɛl dɛn.

Di Sam Dɛm 106:18

PAPA GƆD sɛn faya kam dɔŋ we bɔn dɛn ɛn bɔn ɔl di bad wan dɛn.

Di Sam Dɛm 97:3

Faya de de bifo am fɔ klia di we ɛn bɔn ɔl in ɛnimi dɛn kɔmɔt na rod.

Rɛvɛleshɔn 13:13

I du plɛnti tin we mek pipul wɔnda, i mek faya kɔmɔt na ɛvin kam dɔŋ pan di wɔl bifo ɔl di pipul dɛn.

Rɛvɛleshɔn 11:5

If ɛnibɔdi tray fɔ du dɛn tu pipul ya ɛni bad tin, faya go kɔmɔt na dɛn mɔt ɛn bɔn di pɔsin ɛn kil am; na so ɛnibɔdi we go tray fɔ du dɛn tu bad, go day.

Lyuk 17:29

Bɔt di de we Lɔt kɔmɔt na Sɔdɔm, Gɔd mek faya ɛn ston we de bɔn lɛkɛ faya fɔdɔm pan Sɔdɔm lɛkɛ ren ɛn kil ɔl di pipul dɛn we bin lib de.

Lyuk 9:54

Wɛn in lanin bɔy dɛn, dat na Jems ɛn Jɔn, si se di pipul dɛn na Sameria nɔ gri fɔ mek Jizɔs tap de, dɛn go mit Jizɔs ɛn aks am se, “Masta, yu want fɔ lɛ wi mek Gɔd sɛn faya kɔmɔt ɛvin kam dɔŋ kam bɔn dɛn pipul ya [lɛkɛ aw Ilayja bin du?]”

Ayzaya 37:36

Da sem nɛt de, PAPA GƆD in enjɛl go na di Asirian dɛn kamp ɛn kil wan ɔndrɛd ɛn eti-fayv tawzin man dɛm. Wɛn pipul dɛn wek na mɔnin, na soso dedebɔdi dɛn si.

Di Nɔmba Dɛm 16:35

PAPA GƆD sɛn faya we bɔn di tu ɔndrɛd ɛn fifti man we bin de bɔn insɛns to PAPA GƆD ɛn dɛn day.

Di Nɔmba Dɛm 11:1

Di pipul dɛn bigin grɔmbul to PAPA GƆD bɔt di adship we dɛn de gɛt ɛn dat mek i vɛks pan dɛn bad. PAPA GƆD sɛn faya ɛn bɔn di kamp in ɛj.

Di Ibru Pipul Dɛn 13:13

So, una lɛ wi kɔmɔt insay di tɔŋ ɛn fala Jizɔs, ɛn bia di shem sɛf we i sɔfa na di krɔs.

Abakɔk 1:6

I se in go mek di Babilonian dɛn we rɔf lɛk wetin, tek ova bɔku siti dɛn we nɔto dɛn yon.

Mayka 2:13

I se PAPA GƆD we mek we dɛn kech dɛn kɛr go, nain sem wan go mek we fɔ dɛn fɔ kɔmɔt de. PAPA GƆD, nain go bi dɛn kiŋ ɛn nain go lid dɛn fɔ go na dɛn land bak.

Ayzaya 30:33

Bikɔs ples fɔ bɔn pɔsin bin dɔn rɛdi lɔlɔntɛm. Yɛs, dɛn bin dɔn rɛdi am fɔ di kiŋ. Di say we dɛn mek fɔ bɔn pɔsin, bin dip ɛn wayd, wit faya ɛn wud abɔmpa. Wɛn PAPA GƆD blo wit in mɔt, i go tan lɛk brim ston riva, ɛn nain go layt di faya.

2 Kiŋ 6:15

Wɛn Ilaɛlsha in wokman grap ali mɔnin go na do, na bɔku bɔku sojaman dɛn i si se dɔn sɔrawnd di siti; so i aks in masta se wetin dɛn fɔ du.

Jɛnɛsis 19:24

Da sem tɛm de nain PAPA GƆD mek big, big faya ɛn sɔlfa kɔmɔt na ɛvin ɛn bɔn Sɔdɔm ɛn Gomɔra.

Lyuk 21:20

“Bɔt di tɛm we una go si soja man dɛn gɛda rawnd Jerusɛlɛm, una fɔ no se di tɛm we da tɔŋ de go pwɛl dɔn de rich.

Lyuk 19:43

Tɛm de kam we dɛn wan we nɔ lɛk una go bil ston wɔl rawnd una tɔŋ, ɛn tinap rawnd am so dat una nɔ go gɛt ples fɔ pas kɔmɔt.

Ditarɔnɔmi 23:14

I tɛl dɛn se di kamp nɔ fɔ gɛt natin we go mek i nɔ klin na PAPA GƆD in yay, bikɔs PAPA GƆD we na dɛn PAPA GƆD go de wit dɛn ɔltɛm, fɔ de sev dɛn ɛn fɔ mek dɛn ebul fɔ de bit dɛn ɛnimi dɛn. So dɛn nɔ fɔ mek i si ɛnitin we go mek i vɛks kɔmɔt biɛn dɛn.

Di Sam Dɛm 87:2

I lɛk ɔl usay Jekɔb in jɛnareshɔn dɛn bin de, bɔt i lɛk Jerusɛlɛm pas dɛn ɔl.

Job 38:18

Yu no aw di wɔl big lɛk? Tɛl mi if yu no.