Rɛvɛleshɔn 20:8 - Krio Fɔs Oli Baybul

⁸ ɛn wɛn i kɔmɔt de, i go go mek ɔl dɛn neshɔn ɔlɔbɔt na wɔl, ful. Di neshɔn dɛn na bin Gɔg ɛn Magɔg. Setan go gɛda dɛn ɔl fɔ fɛt; dɛn go plɛnti lɛkɛ sansan.

Rɛvɛleshɔn 20:8 Referans Kwoze

Rɛvɛleshɔn 16:14

Dɛn spirit ya kɔmɔt to Setan ɛn dɛn de du plɛnti tin we kin mek pipul wɔnda. Dɛn de go mit ɔl dɛn wan we de rul na di wɔl, ɛn kɔl dɛn fɔ kam gɛda ɛn rɛdi fɔ di wa we go bi da big de we Gɔd, we gɛt pawa pas ɔl, go sho in pawa.

Izikɛl 38:1

PAPA GƆD in wɔd bin kam to mi se:

Rɛvɛleshɔn 20:10

Dɛn tek Setan we bin de mek pipul ful, trowe am insay da wata we faya de kech ɛn sɔlfa de bɔn; na da sem ples de dɛn bin trowe da wayl bif ɛn da prɔfɛt we nɔ de tɔk tru; na de dɛn go tɔmɛnt, de ɛn nɛt, sote go.

Rɛvɛleshɔn 20:3

Dɛn di enjɛl tek am trowe am insay di ol we nɔ gɛt bɔtɔm, i lɔk am ɛn put waks we sil di lɔk, so dat i nɔ go kɔmɔt, ɛn i nɔ go mek dɛn pipul ɔlɔbɔt na wɔl ful igen, te di wan tawzin ia dɔn pas. Afta dat, dɛn fɔ lus am lili bit fɔs.

Di Ibru Pipul Dɛn 11:12

Da tɛm de, Ebraam bin dɔn ol, ɛn pan ɔl we i bin lɛf smɔl fɔ mek i day, Gɔd gi am grampikin pikin dɛm we plɛnti lɛkɛ di sta dɛn na klawd, ɛn lɛkɛ sansan na bich we pɔsin nɔ ebul kɔnt.

Jɛrimaya 33:22

Lɛkɛ aw pɔsin nɔ go ebul kɔnt di tin dɛn we de ɔp di klawd, ɛn lɛk aw pɔsin nɔ go ebul kɔnt di sansan na di si, na so a go mɔltiplay Devid we na mi wokman, in disɛndant dɛm, ɛn di Lɛvitikal man we de mek sakrifays fɔ pipul sin dɛn we de minista to mi, dɛn disɛndant dɛn.”

Ayzaya 10:22

Ɔl we una pipul dɛn we na Izrɛl, plɛnti lɛk sansan na si, na di wan dɛn we go lɛf pan dɛn go kam bak. I dɔn bi lɔ se dɛn fɔ nyakanyaka dɛm ɛn pasmak ɛvidɛns de se na so i fɔ bi.

1 Samiɛl 13:5

Di Filistin dɛnsɛf gɛda fɔ fɛt Izrɛl, wit tati tawzin ɔs ɛn karej, siks tawzin man fɔ rayd di ɔs ɛn karej, tu fɔ wan, ɛn bɔku bɔku sojaman dɛn we tan lɛk sansan we yu nɔ go ebul kɔnt. Dɛn go ɔp na Mikmash we de na di ist we yu kɔmɔt Bɛthavɛn. Na de dɛn kamp.

Di Jɔj Dɛm 7:12

Da tɛn de, di Midianayt dɛn ɛn di Amalekayt dɛn ɛn ɔl di pipul dɛn na di Ist, bin skata ɔlɔbɔt bɔku bɔku wan na di vali lɛk lokɔs; dɛn kamɛl dɛn bin so bɔku dat pɔsin nɔ go ebul kɔnt dɛn. Dɛn bin bɔku lɛk sansan na san bich.

1 Kiŋ 4:20

Di pipul dɛn na Juda ɛn Izrɛl bin bɔku lɛkɛ sansan na bich; dɛn bin gɛt ɔltin fɔ it ɛn drink ɛn ɔlman bin gladi.

Izikɛl 7:2

“Yu mɔtalman, na dis Papa Gɔd we na Gɔd de se to Izrɛl: Di tɛm dɔn dɔn! Di tɛm dɔn dɔn fɔ di fo kɔna dɛn na di land.

Izikɛl 38:2

“Mɔtalman, tɔn yu fes to Gɔg, Magɔg in kntri, ɛn we na di chif kiŋ fɔ Mishɛk ɛn Tubal,

Izikɛl 39:1

Ɛn yu mɔtalman, prɔfisay pan Gɔg, ɛn se, na dis PAPA GƆD se: una lisin, a de agens yu, O Gɔg, Mishɛk ɛn Tubal dɛn chif kiŋ;

Izikɛl 39:6

A go sɛn faya pan Magɔg ɛn pan dɛn wan we tap sef wan na di kɔntri dɛn na di kos; ɛn dɛn go no se na mi na di PAPA GƆD

Rɛvɛleshɔn 7:1

Wɛn dat dɔn, a si fo enjɛl dɛn tinap na di fo kɔna dɛn na di wɔl. We dɛn tinap de, dɛn bin de tap di briz we bin want fɔ blo kɔmɔt na di fo kɔna dɛn na di wɔl, mek dɛn nɔ blo pan di dray grɔn ɔ pan di wata ɔ pan dɛn tik.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

2 Kronikuls 18:21

in go kɔnvins am. So PAPA GƆD aks am aw i go du am. So i ansa se in go go dɔŋ ɛn put laylay mɛsej na di prɔfɛt dɛn mɔt. So PAPA GƆD tɛl am se yɛs, dat go kɔnvins am, so lɛ i go.