Rɛvɛleshɔn 20:3 - Krio Fɔs Oli Baybul

³ Dɛn di enjɛl tek am trowe am insay di ol we nɔ gɛt bɔtɔm, i lɔk am ɛn put waks we sil di lɔk, so dat i nɔ go kɔmɔt, ɛn i nɔ go mek dɛn pipul ɔlɔbɔt na wɔl ful igen, te di wan tawzin ia dɔn pas. Afta dat, dɛn fɔ lus am lili bit fɔs.

Rɛvɛleshɔn 20:3 Referans Kwoze

Rɛvɛleshɔn 20:1

Wɛn dat dɔn, a si wan enjɛl de kɔmɔt na ɛvin kam dɔŋ. I bin ol di ki fɔ tek opin di ol we nɔ gɛt bɔtɔm, ɛn i bin ol wan ebi chen.

Rɛvɛleshɔn 17:8

Di wayl bif we yu si bin gɛt layf fɔstɛm, bɔt i nɔ gɛt layf igen, i nɔ go te igen i go kɔmɔt na di ol we nɔ gɛt bɔtɔm, dɛn i go go na ples we dɛn go go kil am. Dɛn pipul we de na wɔl, we dɛn nem nɔ bin dɔn rayt bifo Gɔd mek di wɔl, na di buk we dɛn rayt dɛn pipul we gɛt layf sote go dɛn nem, dɛn ɔl go wɔnda wɛn dɛn de luk di wayl bif. I bin gɛt layf fɔstɛm, dɛn i day, bɔt i go kam bak.

Daniɛl 6:17

Nain dɛn tek wan ston ɛn kɔba di ples we dɛn layɔn dɛn de in domɔt. Nain di kiŋ stamp am wit in stamp we de nain riŋ ɛn wit di bigman dɛnsɛf yon stamp so dat natin nɔ go chenj pan Daniɛl in kes.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Matyu 27:66

So dɛn tek sɔntin fasin di ston tayt na di grev domɔt, dɔn dɛn lɛf soja man dɛn fɔ gyad am.

2 Kɔrint 11:3

A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

Pita In Sɛkɛn Lɛta 3:8

Mi padi dɛn we a lɛk, una fɔ mɛmba se, wande, na Gɔd in yay, tan lɛkɛ wan tawzin ia ɛn wan tawzin ia tan lɛkɛ wande.

Di Sam Dɛm 90:4

Fɔ yu, wan tawzin ia na lɛk wande ɔ lɛk we wachman tif slip na nɛt.

Rɛvɛleshɔn 17:2

Ɔl dɛn wan we de rul na wɔl bin liv fri layf wit dis uman ya we ɔlman no, ɛn ɔl di pipul dɛn na wɔl bin drɔnk wit di wayn we i gi dɛn fɔ drink, dat na di fri layf we dɛn bin liv wit am.”

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Mak 4:15

Di sid dɛn we fɔdɔm na di rod na pipul we yɛri di Gud Nyuz; as dɛn yɛri am so, Setan kam pul am kɔmɔt na dɛn at.

Lyuk 8:31

Di dɛbul dɛn beg Jizɔs fɔ mek i nɔ drɛb dɛn go na di Big Ol.