Rɛvɛleshɔn 20:2 - Krio Fɔs Oli Baybul

² I kech di dragɔn, dat na da snek we bin dɔn de frɔm tɛm, dɛn bad spirit dɛn kiŋ, Setan; i tay am fɔ wan tawzin ia.

Rɛvɛleshɔn 20:2 Referans Kwoze

Pita In Sɛkɛn Lɛta 2:4

Gɔd nɔ bin sɔri fɔ dɛn enjɛl we bin sin, i trowe dɛn na ɛl, insay big ol we dak pas nɛt, na de i mek dɛn chen dɛn ɛn kip dɛn te di tɛm we i go jɔj dɛn rich.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Jud In Lɛta 1:6

dɛn enjɛl we bin lɛf fɔ rul na di say we dɛn bin de rul ɛn tɔn dɛn bak pan Gɔd, Gɔd dɔn chen dɛn na dak ples ɔnda dɛn grev te di big de we i go jɔj di wɔl.

Jɔn 12:31

Na di tɛm dis we Gɔd go jɔj mɔtalman, ɛn na di tɛm dis we i go pul di wan we de rul dis wɔl kɔmɔt nain chia.

Ayzaya 27:1

Da tɛm de, PAPA GƆD go tek in pawaful, big ɛn traŋa sɔd pɔnish Lɛviatan, da snek we de rɔnawe, Lɛviatan, da snek we de twis twis, ɛn i go kil di dragɔn we tap na di si.

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

Di Ibru Pipul Dɛn 2:14

We dɛn pikin ya na mɔtalman, na dat mek Jizɔs insɛf kam na wɔl lɛkɛ mɔtalman, so dat di day we i day go pwɛl Setan, we gɛt pawa fɔ kil, ɔltogɛda.

Lɛta Fɔ Rom 16:20

I nɔ go te igen Gɔd we de gi kol at, go pwɛl Setan in pawa ɛn put am ɔnda una. Mek wi Masta Jizɔs Krays sho una aw i gud.

Jɔn 16:11

Ɛn i go mek pipul no se Gɔd go jɔj ɔlman, bikɔs Gɔd dɔn kɔndɛm di dɛbul we de rul di wɔl.

Rɛvɛleshɔn 13:2

Di wayl bif we a si bin fiba lɛpɛt, in fut bin fiba wan bif we dɛn kɔl bia, in fut, ɛn in mɔt bin fiba layɔn mɔt. Di dragɔn gi dis wayl bif ya ɔl di pawa we i bin gɛt oba ɔl dɛn tin we i bin de rul.

Rɛvɛleshɔn 12:17

Fɔseka dat, di dragɔn bin vɛks pan di uman, so i go fɔ go fɛt in ɔda pikin dɛn, dat na ɔl di wan dɛn we de du wetin Gɔd tɛl dɛn fɔ du, ɛn we biliv di tru tin dɛn we Jizɔs sho dɛn ɛn dɛn de fala dɛn.

Rɛvɛleshɔn 12:15

So di dragɔn bigin pul plɛnti wata kɔmɔt nain mɔt we bigin rɔn biɛn di uman fɔ kɛr am go.

Rɛvɛleshɔn 12:13

Wɛn di dragɔn si se dɛn dɔn ib am dɔŋ na wɔl, i bigin rɔnata di uman we bin bɔn di bɔy pikin.

Mak 5:7

I ala big wan se, “Jizɔs, yu we na Gɔd we pas ɔl, in Pikin, wetin yu want du mi? A tek Gɔd beg yu, nɔ mek a sɔfa!”

Matyu 8:29

Dɛn ala se, “Wetin yu kam fɔ du wi, yu we na Gɔd in Pikin? Yu kam ya fɔ mek wi sɔfa bifo di tɛm we Gɔd fɔ pɔnish wi?”

Job 1:7

PAPA GƆD aks Setan se, usay i kɔmɔt. I tɛl PAPA GƆD se in bin jɛs de waka ɔp ɛn dɔŋ de paspas na wɔl.

Rɛvɛleshɔn 13:4

Ɔlman bigin prez di dragɔn bikɔs i bin gi di wayl bif in pawa. Di pipul dɛn prez di wayl bif insɛf, dɛn se, “Udat gɛt pawa lɛkɛ di wayl bif? Udat ebul fɛt am?”

Rɛvɛleshɔn 9:11

Dɛn bin gɛt dɛn edman, dat na da enjɛl we de gyad da ol we nɔ gɛt bɔtɔm. Dɛn Ju pipul de kɔl am Abadɔn, dɛn Grik pipul de kɔl am Apolyɔn (dat min, “Di wan we de kil ɛn pwɛl”.)

Matyu 19:29

Ɛnibɔdi we lɛf os, ɔ brɔda, ɔ sista, ɔ papa, ɔ mama, ɔ pikin dɛn, ɔ prɔpati fɔ bi mi lanin bɔy, Gɔd go mek i gɛt bɔku pas wetin i lɛf ɛn i go gi am layf we go de sote go.

Jɛnɛsis 3:1

Naw di snek bin kɔni pas ɔl di ɔda animal dɛn we PAPA GƆD bin mek. Di snek aks di uman se, “Fɔ tru tru PAPA GƆD tɛl una se, una nɔ fɔ it di frut dɛn pan ɔl di tik dɛn na di fam?”

Ayzaya 24:22

Dɛn go gɛda dɛn togɛda lɛk jelman dɛn na dip wanol; dɛn go lɔk dɛn ɔp na jel, ɛn afta lɔŋ tɛm, dɛn go pɔnish dɛn.

Mak 4:15

Di sid dɛn we fɔdɔm na di rod na pipul we yɛri di Gud Nyuz; as dɛn yɛri am so, Setan kam pul am kɔmɔt na dɛn at.

Rɛvɛleshɔn 12:3

Wɛn dat dɔn, wan ɔda wɔndaful tin bin bi ɔp na di klawd. Wan big big rɛd snek we dɛn kɔl dragɔn bɔs kɔmɔt, i bin gɛt sɛvin ed ɛn tɛn ɔn, ɛn ɔl di sɛvin ed dɛn bin gɛt wan wan krawn pan dɛn.

Rɛvɛleshɔn 12:4

I tek in tel drɔ wan pan ɛvri tri sta kɔmɔt ɔp na di klawd, ib dɛn dɔŋ pan di wɔl. I go tinap bifo di uman we bin fɔ bɔn, so dat i kin it in pikin jɛs i bɔn am so.

Rɛvɛleshɔn 20:7

Wɛn di wan tawzin ia dɔn pas, dɛn go pul Setan kɔmɔt na di say we dɛn bin lɔk am,

Rɛvɛleshɔn 20:10

Dɛn tek Setan we bin de mek pipul ful, trowe am insay da wata we faya de kech ɛn sɔlfa de bɔn; na da sem ples de dɛn bin trowe da wayl bif ɛn da prɔfɛt we nɔ de tɔk tru; na de dɛn go tɔmɛnt, de ɛn nɛt, sote go.

Izikɛl 47:5

Egen, i mɛnshɔ bak fayv ɔndrɛd, ɛn di wata dɔn bi wan riva we a nɔ ebul fɔ pas pan, fɔ di wata bin dɔn rayz i bin dip du naw fɔ swim insay, wan riva we pɔsin nɔ go ebul fɔ waka pas pan.