Rɛvɛleshɔn 20:11 - Krio Fɔs Oli Baybul

¹¹ Wɛn dat pas, na de a si wan big wayt chia we kiŋ kin sidɔm fɔ rul ɛn di pɔsin we sidɔm pan am. Ɛvin ɛn di wɔl jɛs lɔs bifo am; nɔbɔdi nɔ si dɛn igen.

Rɛvɛleshɔn 20:11 Referans Kwoze

Rɛvɛleshɔn 21:1

Wɛn dat dɔn, na de a si wan nyu ɛvin ɛn wan nyu wɔl. Di ɛvin ɛn di wɔl we bin de fɔs bin dɔn lɔs, di wata insɛf bin dɔn dray.

Pita In Sɛkɛn Lɛta 3:7

Bɔt Gɔd in wɔd we bin mek ɔl di wɔl we de naw, kip am fɔ mek i bɔn na faya di de we Gɔd go jɔj dɛn pipul we kin de du dɛn tin we i nɔ lɛk ɛn mek dɛn go na ɛl.

Matyu 25:31

“Di tɛm we Mɔtalman Pikin go kam lɛkɛ Kiŋ wit ɔl Gɔd in enjɛl dɛn, i go sidɔm nain wɔndaful chia fɔ jɔj ɔlman.

Daniɛl 2:35

Dɔn, di ayɛn o, di kle o, di bras, di silva ɛn di gold dɛm ɔl bin skata pyɛt pyɛt ɛn tan lɛk chaf chaf we kin lɛf na grɔn we dɛn de mas mas rɛs, dray sizin; dɔn briz blo dɛm go ɛn natin nɔ lɛf. Bɔt di ston we na im bin nak di imej, tɔn to big big mawnten ɛn ful di wanol wɔl.

Lɛta Fɔ Rom 2:5

Bɔt una traŋayes ɛn una at traŋa, na dat mek Gɔd go pɔnish una mɔ di de we i go sho aw i vɛks pan mɔtalman ɛn we i go jɔj dɛn lɛkɛ aw i fɔ jɔj dɛn.

Matyu 24:35

Natin nɔ go de ɔp klawd igen ɛn di wɔl sɛf nɔ go de igen, bɔt mi wɔd dɛn go de sote go wit ɔl dɛn pawa.

Rɛvɛleshɔn 16:20

Ɔl dɛn ples we de midul wata lɔs, ɔl dɛn ay il dɛnsɛf lɔs.

Rɛvɛleshɔn 6:14

Di klawd lɔs lɛkɛ wɛn dɛn de rol dɛn big big pepa fɔ kip dɛn, ɛn ɔl dɛn ay il wit ɔl dɛn ples we de midul wata muf kɔmɔt na dɛn ples.

Rɛvɛleshɔn 20:2

I kech di dragɔn, dat na da snek we bin dɔn de frɔm tɛm, dɛn bad spirit dɛn kiŋ, Setan; i tay am fɔ wan tawzin ia.

Rɛvɛleshɔn 12:8

bɔt Maykɛl ɛn in enjɛl dɛn win di dragɔn ɛn dɛn nɔ gri mek di dragɔn ɛn in mɛsenja dɛn tap na ɛvin igen.

Di Sam Dɛm 97:2

Nɔbɔdi nɔ de si am; bɔt ɔlman no se wɛn i de rul, i de rul tret wan.

Di Sam Dɛm 89:14

Pipul no yu as udat gud ɛn de rul fia wan yu lɔv ɛn fethfulnɛs na lɛk yu mɛsenja dɛn.

Di Sam Dɛm 47:8

Di say we PAPA GƆD de sidɔm rul, oli, i de rul di wanol wɔl.

Rɛvɛleshɔn 4:2

Wantɛm, Gɔd in Spirit kam pan mi; na de a si wan ay chia we kiŋ kin sidɔm pan, a si sɔmbɔdi sidɔm pan am.

Job 9:6

we mek di wɔl kin shek kɔmɔt nain ples ɛn mek di pila dɛn we i tinap pan, trimbul;

Rɛvɛleshɔn 19:11

Wɛn dat dɔn, na de a si wan domɔt na ɛvin opin, a si wan wayt ɔs tinap de, di pɔsin we bin de rayd am bin nem “Di wan we fit fɔ trɔs ɛn di wan we de tɔk tru”. I de jɔj tret ɔltɛm, ɛn wɛn i de fɛt sɛf na wa, i tret.

Jɛnɛsis 18:25

A no se yu nɔ go du dat. Yu nɔ tan so! Yu nɔ go mek udat du rɔŋ ɛn udat du rayt gɛt di sem pɔnishmɛnt. Yu we na jɔj fɔ di wanol wɔl go jɔj tret wan.”

Di Sam Dɛm 102:26

Dɛn ɔl go dɔn wande, bɔt yu go de sote go. Dɛn go fiba klos we yu go chenj sote yu taya ɛn we yu taya, yu trowe ɔ yu giwe.

Ayzaya 6:1

Di ia we kiŋ Uzaya day, a si PAPA GƆD sidɔm na tron, ay wan ɛn i bin de pantap ɔltin; di lɔŋ pat pan in klos we de drɛg biɛn, fulɔp di wanol tɛmpul.

Daniɛl 7:10

Bɔku faya bin kɔmɔt de kech bifo am; tawzin tawzin pipul bin de wok fɔ am; ɛn tɛn tawzin tayms tɛn tawzin bin de advays am; di kot bin de ɔn ɛn di buk dɛn bin opin.

Matyu 11:22

A de tɛl una fɔ tru se, di de we Gɔd go jɔj ɔlman na wɔl, i go sɔri fɔ Taya ɛn Saydɔn pas una.

Rɛvɛleshɔn 21:5

Dɛn di pɔsin we sidɔm na di chia we kiŋ kin sidɔm fɔ rul, se, “Luk, a de mek ɔltin nyu!” Dɛn i se, “Rayt dɛn wɔd ya dɔŋ, bikɔs dɛn na tru ɛn pipul kin biliv dɛn.”