Rɛvɛleshɔn 20:10 - Krio Fɔs Oli Baybul

¹⁰ Dɛn tek Setan we bin de mek pipul ful, trowe am insay da wata we faya de kech ɛn sɔlfa de bɔn; na da sem ples de dɛn bin trowe da wayl bif ɛn da prɔfɛt we nɔ de tɔk tru; na de dɛn go tɔmɛnt, de ɛn nɛt, sote go.

Rɛvɛleshɔn 20:10 Referans Kwoze

Matyu 25:41

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Matyu 25:46

Dɛn Jizɔs se, “A go mek dɛn pipul ya go say we dɛn go pɔnish sote go, bɔt di wan dɛn we du wetin Gɔd want dɛn fɔ du go go na di say we dɛn go gɛt layf sote go.”

Rɛvɛleshɔn 20:8

ɛn wɛn i kɔmɔt de, i go go mek ɔl dɛn neshɔn ɔlɔbɔt na wɔl, ful. Di neshɔn dɛn na bin Gɔg ɛn Magɔg. Setan go gɛda dɛn ɔl fɔ fɛt; dɛn go plɛnti lɛkɛ sansan.

Rɛvɛleshɔn 16:13

Dɛn a si tri spirit dɛn we kɔmɔt to Setan, dɛn bin fiba ɔkpɔlɔ. Dɛn bin kɔmɔt na di dragɔn in mɔt, di wayl bif in mɔt, ɛn da man we de mek pipul ful se in de tɔk Gɔd in mɛsej, in sɛf yon mɔt.

Daniɛl 7:11

Nain a luk insay de bikɔs ɔf di big wɔd dɛn we di ɔn bin de tɔk. Ɛn as a bin de luk, dɛn kil di bist; dɛn nyakanyaka in bɔdi ɛn mek dɛn go bɔn am wit faya.

Matyu 7:15

“Una tek tɛm wit dɛn prɔfɛt we nɔ de tɔk tru; wɛn una luk dɛn, dɛn tan lɛkɛ ship, bɔt insay dɛn at, dɛn tan lɛkɛ wulf we wayl bad bad.

Rɛvɛleshɔn 9:17

A si di ɔs dɛn ɛn di pipul dɛn we bin de rayd dɛn, klia wan: dɛn chɛst bin kɔba wit tin lɛkɛ ayɛn klos we pipul de wɛr na wa, di ayɛn bin rɛd lɛkɛ faya, blu lɛkɛ si wata, ɛn yala lɛkɛ sɔlfa. Di ɔs dɛn ed bin fiba layɔn ed, ɛn faya wit smok ɛn ɔt sɔlfa bin de kɔmɔt na dɛn mɔt.

Mak 9:44

Da say we wɔrɔm we nɔ de day go it dɛn ɛn faya we nɔ de ɔt go bɔn dɛn.]