Rɛvɛleshɔn 20:1 - Krio Fɔs Oli Baybul

¹ Wɛn dat dɔn, a si wan enjɛl de kɔmɔt na ɛvin kam dɔŋ. I bin ol di ki fɔ tek opin di ol we nɔ gɛt bɔtɔm, ɛn i bin ol wan ebi chen.

Rɛvɛleshɔn 20:1 Referans Kwoze

Rɛvɛleshɔn 1:18

Na mi gɛt layf naw. A bin dɔn day bɔt a dɔn gɛt layf bak, ɛn a go gɛt layf sote go; na mi gɛt pawa oba day ɛn na mi ol di ki fɔ di say we dɛn spirit we dɔn kɔmɔt na dis wɔl de.

Pita In Sɛkɛn Lɛta 2:4

Gɔd nɔ bin sɔri fɔ dɛn enjɛl we bin sin, i trowe dɛn na ɛl, insay big ol we dak pas nɛt, na de i mek dɛn chen dɛn ɛn kip dɛn te di tɛm we i go jɔj dɛn rich.

Jud In Lɛta 1:6

dɛn enjɛl we bin lɛf fɔ rul na di say we dɛn bin de rul ɛn tɔn dɛn bak pan Gɔd, Gɔd dɔn chen dɛn na dak ples ɔnda dɛn grev te di big de we i go jɔj di wɔl.

Rɛvɛleshɔn 18:1

Wɛn dat dɔn, a si wan ɔda enjɛl kɔmɔt na ɛvin kam dɔŋ na wɔl, i bin gɛt wɔndaful pawa. Di layt we bin de shayn pan am, layt ɔl dɛn ples na wɔl.

Rɛvɛleshɔn 10:1

Wɛn dat dɔn, na de a si wan ɔda enjɛl we gɛt pawa kɔmɔt na ɛvin kam dɔŋ. Klawd bin kɔba am lɛkɛ klos, rembo bin de rawnd in ed; in fes bin de shayn lɛkɛ di san, ɛn in fut dɛn bin fiba faya we tinap tret tret wan lɛkɛ post.

Lyuk 8:31

Di dɛbul dɛn beg Jizɔs fɔ mek i nɔ drɛb dɛn go na di Big Ol.

Rɛvɛleshɔn 20:3

Dɛn di enjɛl tek am trowe am insay di ol we nɔ gɛt bɔtɔm, i lɔk am ɛn put waks we sil di lɔk, so dat i nɔ go kɔmɔt, ɛn i nɔ go mek dɛn pipul ɔlɔbɔt na wɔl ful igen, te di wan tawzin ia dɔn pas. Afta dat, dɛn fɔ lus am lili bit fɔs.