Rɛvɛleshɔn 2:7 - Krio Fɔs Oli Baybul

⁷ “Ɛnibɔdi we gɛt yes, mek i yɛri dɛn wɔd ya we Gɔd in Spirit dɔn tɛl di Kristiɛn dɛn na dɛn difrɛn ples. “Pɔsin we stil tinap traŋa afta Setan dɔn tray am, a go mek i it pan di tin we di tik we de gi layf de bia, da tik de de gro na di gadin we Gɔd mek.

Rɛvɛleshɔn 2:7 Referans Kwoze

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Rɛvɛleshɔn 2:11

“Ɛnibɔdi we gɛt yes mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Ɛnibɔdi we stil tinap traŋa afta Setan dɔn tray am, di sɛkɛn day nɔ go mit am.

Matyu 11:15

Udat gɛt yes fɔ yɛri, mek i yɛri!

Rɛvɛleshɔn 13:9

“If ɛnibɔdi gɛt yes fɔ yɛri, mek i yɛri!

Matyu 13:43

Di pipul dɛn we tret na Gɔd in yay go shayn lɛkɛ di san na di say we Gɔd, we na dɛn Papa we de na ɛvin, de rul. Udat gɛt yes fɔ yɛri, mek i yɛri.

Matyu 13:9

Nain Jizɔs se, “Udat gɛt yes fɔ yɛri, mek i yɛri.”

Prɔvabs 11:30

Udat liv raychɔs layf de mek ɔda pipul bɛnifit; ɛn yu gɛt sɛns de mek pipul de rawnd am.

Rɛvɛleshɔn 22:14

Blɛsin go de pan dɛn pipul we de was dɛn klos na di Ship in blɔd fɔ mek dɛn klin. Dɛn go gɛt di rayt fɔ go insay da tɔŋ de ɛn it di tin dɛn we di tik we de gi layf, de bia.

Rɛvɛleshɔn 21:7

Ɛnibɔdi we stil tinap traŋa afta Gɔd dɔn tray am go gɛt ɔl dɛn tin ya, ɛn pantap dat, a go bi in Papa ɛn i go bi mi pikin.

Lyuk 23:43

Jizɔs ansa am se, “A de tɛl yu se, fɔ tru, tide yu go de wit mi na ɛvin.”

Jɛnɛsis 2:9

I mek fayn fayn tik dɛn gro de we gɛt gud frut fɔ it. Wan tik bin de midul di fam we nem “Layf tik.” Dɛn igen, wan ɔda tik bin de de we nem “Sɛns tik.”

Rɛvɛleshɔn 22:17

Gɔd in Spirit ɛn di Ship in yawo se, “Kam!” Mek ɛnibɔdi we yɛri dɛn wɔd ya, insɛf se, “Kam!” Mek ɛnibɔdi we tɔsti, we want drink da wata we de gi layf, kam ɛn drink fri.

Mak 7:15

Una fɔ no se, nɔto wetin pɔsin de it de mek i sin, bɔt na wetin i de du ɛn wetin i de tɔk de mek i sin ɛn mek i nɔ klin na Gɔd yay. [

Rɛvɛleshɔn 22:2

Di riva bin de rɔn midul di trit na di tɔŋ. Di tik we de gi layf bin de gro klos di riva, wan pat na wansay, di ɔda pat na di ɔda say. Na twɛlv tɛm fɔ ia da tik de, de bia; nain lif dɛn de mɛn ɔl dɛn pipul ɔlɔbɔt na wɔl.

1 Kɔrint 2:10

Bɔt Gɔd dɔn mek in Spirit sho wi dis sɛns ya we i nɔ bin dɔn mek wi no yet. Na di Spirit de dig fɔ no ɔltin bɔt Gɔd, ɔl dɛn tin we Gɔd nɔ de sho mɔtalman.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Izikɛl 28:13

yu bin de na Idɛn, PAPA GƆD in gadin. Ɔl kayn prɛshɔs ston na dɛm bin kɔba yu, kanɛlyan, Topaz ɛn Jaspa, krisolayt bɛril ɛn oniks Safaya, Kabɔnkul ɛn Ɛmirald; ɛn yu ɛngrevin dɛm bin wok insay gold’ Dɛn bin rɛdi dɛm di de dɛn bin mek yu

Prɔvabs 13:12

Drɛg fut pan prɔmis de gi brok at, bɔt we yu gɛt wetin yu want yu de gladi.

2 Kɔrint 12:4

Na de i yɛri dɛn tin we mɔtalman nɔ ebul tɔk na dɛn yon laŋwej ɛn we dɛn nɔ fɔ tɔk bɔt.

Izikɛl 31:8

Di sida tik dɛn na PAPA GƆD in gadin nɔ bin ebul fɔ rayval wit am ɛn na so di fa tik dɛn nɔ kyant in tik tik an dɛm. Di plen tik dɛn na bin natin to in smɔl an dɛn; nɔn tik na PAPA GƆD in gadin nɔ bin fayn rich am.

Prɔvabs 15:4

Fayn ansa tan lɛkɛ tik we de gi layf, bɔt bakansa de kil pɔsin in spirit.

Rɛvɛleshɔn 15:2

Dɛn a si sɔntin we fiba big wata we tan lɛkɛ se dɛn tek glas mek am, faya bin de bɔn insay am. Pantap dat, a si dɛn pipul we bin dɔn win di wayl bif, we na nɔmba tinap fɔ in nem, ɛn di tin we pipul bin mek fɔ tek de mɛmba ɛn rɛspɛkt am. Dɛn bin tinap klos di big glas wata ɛn dɛn bin ol ap fɔ tek ple myuzik, we Gɔd bin dɔn gi dɛn.

Rɛvɛleshɔn 14:13

Dɛn a yɛri vɔys na ɛvin de tɔk se, “Rayt wetin a de kam tɛl yu naw: Dɛn pipul we go day fɔseka di Masta, go gladi!” Di Spirit ansa se, “Na tru yu de tɔk, dɛn dɔn dɔn di big wok we dɛn bin de du so, dɛn go blo naw ɛn dɛn go gladi bikɔs dɛn dɔn si wetin di wok we dɛn bin de du, dɔn briŋ.”

Prɔvabs 3:18

Sɛns tan lɛkɛ tik we de gi lɔŋ layf to dɛn wan we gɛt am; i fayn fɔ udat gɛt sɛns.

Mak 4:9

Jizɔs se, “Udat gɛt yes fɔ yɛri, mek i yɛri!”

Lyuk 8:8

Sɔm sid fɔdɔm na gud grɔn, dɛn gro ɛn bia plɛnti plɛnti.” Wɛn Jizɔs dɔn pul dis parebul dɔn, i se, “Udat gɛt yes fɔ yɛri, mek i yɛri.”

Jɔn In Fɔs Lɛta 2:13

Mi papa dɛn, a de rayt una bikɔs una no di wan we bin dɔn de frɔm we di wɔl bigin. Mi yɔŋ man dɛn, a de rayt una bikɔs una dɔn win Setan.

Mak 7:16

Udat gɛt yes fɔ yɛri, mek i yɛri.]”