Rɛvɛleshɔn 2:27 - Krio Fɔs Oli Baybul

²⁷ jɛs lɛkɛ we mi Papa dɔn gi misɛf pawa oba dɛn. Dɛn go tek lɔŋ ayɛn lɛkɛ di wan we chif de ol, rul oba dɛn neshɔn ya ɛn dɛn go skata dɛn pispis lɛkɛ kɔntri pɔt we pɔsin ib dɔŋ.

Rɛvɛleshɔn 2:27 Referans Kwoze

Rɛvɛleshɔn 12:5

I nɔ tu te, di uman bɔn wan bɔy pikin, we go rul oba ɔl dɛn neshɔn wit staf we dɛn tek ayɛn mek. Bɔt sɔmbɔdi jɔg di pikin rɔn kɛr am go to Gɔd we sidɔm na di ay chia we kiŋ kin sidɔm fɔ rul.

Rɛvɛleshɔn 19:15

I bin ol wan sɔd nain mɔt, we i go tek fɛt ɛn win ɔl dɛn neshɔn we nɔ de fala am. Na ayɛn staf i go tek rul dɛn, ɛn i go mas mas dɛn greps na di say we dɛn de mas dɛn fɔ pul dɛn wata, we go sho se Gɔd, we gɛt pawa pas ɔl, vɛks bad bad wan.

Ayzaya 30:14

ɛn go brok go lɛk kle pɔt, we kin fɔdɔm brok pis pis somɔch dat, wan big pis sɛf nɔ de pan di broko wan dɛm, we yu go tek pul faya kɔmɔt na faya ples, ɔ tek wata na wata pɔt”

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

Jɔn 17:24

“Papa! Yu dɔn gi mi dɛn, ɛn a want mek dɛn de wit mi na di say we a go de, so dat dɛn go si aw a wɔndaful fɔ tru. Yu mek a wɔndaful so, bikɔs yu bin dɔn lɛk mi bifo yu mek di wɔl.

Lyuk 22:29

Lɛkɛ aw mi Papa dɔn gi mi pawa fɔ rul, na so misɛf gi una pawa fɔ rul.

Jɛrimaya 19:11

ɛn yu go tɛl dɛm se, ‘Na dis PAPA GƆD Ɔlmayti se: Na so a go brok dɛn pipul ya ɛn dis siti, lɛkɛ we pɔsin de brok di tin we pɔta mek wit kle, so dat dɛn nɔ go ebul pach am igen. Pipul dɛn go de bɛr na Tɔfɛt, bikɔs nɔn ɔda say nɔ go de fɔ bɛr.’

Di Sam Dɛm 49:14

Dɛn ɔl gɛt fɔ day, dɔn dɛn go bɛr dɛn. Wans dɛn bɛr dɛn, dɛn go rɔtin; ɛn nainsay dɛn grev dɛn os we dɛn bin dɔn bil fayn fayn wan go de.

Daniɛl 7:22

ɛn i bin de win dɛn, te di wan we bin dɔn de lɔlɔntɛm kam, ɛn i gi jɔjmɛnt fɔ seka di wan dɛn we biliv pan PAPA GƆD we ay pas ɔl, ɛn di tɛm rich wɛn di wan dɛn we biliv pan PAPA GƆD gɛt di kindɔm.

Daniɛl 7:18

Bɔt di oli wan dɛm we biliv pan PAPA GƆD we ay pas ɔl, go gɛt di kindɔm sote go.