Rɛvɛleshɔn 2:26 - Krio Fɔs Oli Baybul

²⁶ Dɛn pipul we stil tinap traŋa afta Setan dɔn tray dɛn, ɛn we stil de du dɛn tin we a tɛl dɛn fɔ du, te a kam bak, a go gi dɛn pawa oba ɔl dɛn neshɔn na dis wɔl,

Rɛvɛleshɔn 2:26 Referans Kwoze

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Daniɛl 7:27

Di kindɔm ɛn di pawa ɛn di kindɔm in pawa ɔnda di wanol ɛvin go go to di pipul dɛn we biliv pan PAPA GƆD we ay pas ɔl; dɛn kindɔm go de sote go ɛn ɔl ɔda pawa dɛn go wok fɔ dɛn ɛn go obe dɛn.’

Rɛvɛleshɔn 20:4

Wɛn dat dɔn, a si dɛn chia we kiŋ kin sidɔm fɔ rul, ɛn a si dɛn wan we bin sidɔm pan dɛn. Sɔmbɔdi bin gi dɛn pawa fɔ jɔj ɔda pipul, ɛn igen a si dɛn spirit we kɔmɔt pan dɛn pipul we dɛn bin kil na wɔl bikɔs dɛn bin de tɔk se Jizɔs na dɛn Masta ɛn dɛn bin de tɛl pipul Gɔd in mɛsej. Dɛn pipul ya nɔ bin fɔdɔm bifo di wayl bif fɔ pre to am ɛn dɛn nɔ bin pre to di tin we dɛn mek fɔ tek mɛmba ɛn rɛspɛkt am, ɛn di wayl bif in mak nɔ bin de pan dɛn fɔrɛd ɔ pan dɛn an. Dɛn gɛt layf bak, dɔn dɛn rul wit Krays fɔ wan tawzin ia.

Rɛvɛleshɔn 2:7

“Ɛnibɔdi we gɛt yes, mek i yɛri dɛn wɔd ya we Gɔd in Spirit dɔn tɛl di Kristiɛn dɛn na dɛn difrɛn ples. “Pɔsin we stil tinap traŋa afta Setan dɔn tray am, a go mek i it pan di tin we di tik we de gi layf de bia, da tik de de gro na di gadin we Gɔd mek.

Di Sam Dɛm 2:8

I tɛl am se, i fɔ aks am dɔn in go gi am ɔl di neshɔn dɛn; i go gi am ɔl di neshɔn dɛn na di wɔl fɔ bi in yon.

Rɛvɛleshɔn 22:5

Nɛt nɔ go de na da tɔŋ de; pipul nɔ go nid lamp ɛn di san in layt igen, bikɔs Gɔd we na wi Masta nainsɛf go bi di layt we go layt di tɔŋ. Ɛn di pipul dɛn we de na ɛvin go rul lɛkɛ kiŋ sote go.

Jɔn In Fɔs Lɛta 5:5

Udat go ebul win di wɔl? Na dɛn pipul nɔmɔ we biliv se Jizɔs na Gɔd in Pikin.

Jɔn 6:29

Jizɔs ansa dɛn se, “Di tin we Gɔd want una fɔ du nain dis: una fɔ biliv pan di wan we Gɔd sɛn kam na wɔl.”

Matyu 24:13

Bɔt Gɔd go sev ɛnibɔdi we bia sote i day.

Daniɛl 7:22

ɛn i bin de win dɛn, te di wan we bin dɔn de lɔlɔntɛm kam, ɛn i gi jɔjmɛnt fɔ seka di wan dɛn we biliv pan PAPA GƆD we ay pas ɔl, ɛn di tɛm rich wɛn di wan dɛn we biliv pan PAPA GƆD gɛt di kindɔm.

Rɛvɛleshɔn 2:11

“Ɛnibɔdi we gɛt yes mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Ɛnibɔdi we stil tinap traŋa afta Setan dɔn tray am, di sɛkɛn day nɔ go mit am.

Rɛvɛleshɔn 3:12

Ɛnibɔdi we go stil tinap traŋa afta Setan dɔn tray am, a go mek i bi lɛkɛ post we go mek Gɔd in Os tinap, i go tinap de sote go. A go rayt mi Gɔd in nem pan am, ɛn di tɔŋ we i bil, in sɛf yon nem pan am, dat na ‘di Nyu Jerusɛlɛm’, we go kɔmɔt to Gɔd na ɛvin kam dɔŋ. Ɛn a go rayt mi yon nyu nem pan am.

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Jɔn In Fɔs Lɛta 3:23

Na di tin dis we Gɔd tɛl wi fɔ du: Wi fɔ biliv pan in Pikin, Jizɔs Krays, ɛn wi fɔ lɛk wi kɔmpin mɔtalman, lɛkɛ aw Krays dɔn tɛl wi fɔ du.

Jems 2:20

Una we nɔ de gri fɔ ɔndastand! If una biliv Gɔd, bɔt una nɔ de du dɛn tin we sho se una biliv Gɔd, di biliv we una se una biliv Gɔd, nɔ min natin.

Lɛta Fɔ Rom 8:37

Bɔt insay ɔl dɛn tin ya, we de bi to wi, di wan we lɛk wi de mek wi ebul win ɔltɛm.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Daniɛl 7:18

Bɔt di oli wan dɛm we biliv pan PAPA GƆD we ay pas ɔl, go gɛt di kindɔm sote go.

Rɛvɛleshɔn 21:7

Ɛnibɔdi we stil tinap traŋa afta Gɔd dɔn tray am go gɛt ɔl dɛn tin ya, ɛn pantap dat, a go bi in Papa ɛn i go bi mi pikin.

Di Ibru Pipul Dɛn 3:6

Bɔt Krays na di Pikin we de luk Gɔd, we na di Papa, in Os, ɛn i bin du in wok lɛkɛ aw Gɔd want am fɔ du. Wi we na Gɔd yon pipul, go bi Gɔd in Os, if wi gɛt kɔrej ɔltɛm ɛn put wi at pan ɔl wetin Gɔd prɔmis se in go du fɔ wi.

Matyu 19:28

Jizɔs se, “A de tɛl una se, nɛks wɔl wɛn Mɔtalman Pikin go sidɔm nain chia fɔ rul di wɔl wit in wɔndaful pawa na ɛvin, una twɛlv we dɔn de wit mi, go sidɔm pan twɛlv chia fɔ rul di twɛlv neshɔn dɛn we de na Izrɛl.

Di Sam Dɛm 49:14

Dɛn ɔl gɛt fɔ day, dɔn dɛn go bɛr dɛn. Wans dɛn bɛr dɛn, dɛn go rɔtin; ɛn nainsay dɛn grev dɛn os we dɛn bin dɔn bil fayn fayn wan go de.

Rɛvɛleshɔn 3:5

Dɛn pipul we go stil tinap traŋa afta Setan dɔn tray dɛn, dɛnsɛf go wɛr wayt klos. Ɛn a nɔ go pul dɛn nem kɔmɔt na di buk we dɛn pipul we gɛt layf, dɛn nem rayt. A go tɔk bifo mi Papa ɛn bifo in enjɛl dɛn se dɛn pipul de na mi yon.

Jɔn In Fɔs Lɛta 2:19

Dɛn pipul de nɔto bin wi yon pipul dɛn, na dat mek dɛn lɛf wi go; bikɔs if dɛn na bin wi yon pipul, dɛn bin fɔ de wit wi. Bɔt dɛn lɛf wi so dat ɔlman go no se dɛn nɔn nɔto bin wi yon pipul.

Fɔs Lɛta Fɔ Tɛsalonayka 3:5

Na dat mek a sɛn Timoti fɔ fɛnɔt if una stil biliv pan Krays. A nɔ bin ebul bia igen we a nɔ yɛri ɛnitin frɔm una. A bin de wɔri se sɔntɛm Setan dɔn gɛt una ɛn ɔl wi lebɔ dɔn go fɔ natin.

Di Sam Dɛm 2:9

PAPA GƆD tɛl am se, i go mek i ol dɛn wit traŋa an ɛn nyamanyama dɛn lɛkɛ we kle pɔt skata.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.