Rɛvɛleshɔn 2:25 - Krio Fɔs Oli Baybul

²⁵ pas fɔ se mek una biliv gud dɛn tin we una dɔn lan, te a kam bak.

Rɛvɛleshɔn 2:25 Referans Kwoze

Rɛvɛleshɔn 3:11

A go kam bak, i nɔ go te igen. Una nɔ lɛf fɔ biliv wit ɔl una at dɛn tin we una dɔn lan, so dat nɔbɔdi nɔ go jɔg una blɛsin we una go gɛt bikɔs una dɔn tinap traŋa.

Rɛvɛleshɔn 22:7

Jizɔs se, “Lisin, i nɔ go te igen, a go kam bak! Blɛsin de fɔ ɛnibɔdi we go fala dɛn tin we Gɔd tɔk, we gɛt fɔ bi, we rayt na dis buk.”

Rɛvɛleshɔn 3:3

So una mɛmba dɛn tin we dɛn dɔn lan una we una bin biliv, ɛn una nɔ lɛf fɔ biliv dɛn wit ɔl una at, una lɛf fɔ du dɛn bad tin we una de du. If una nɔ grap wantɛm ɛn bigin du dɛn tin we a tɛl una, a go kam lɛkɛ tifman kam mit una ɛn una nɔ go no di tɛm we a go kam mit una.

Di Ibru Pipul Dɛn 10:23

Una lɛ wi tinap traŋa, ɛn lɛ wi abop se wi go gɛt dɛn tin we wi biliv se Gɔd go gi wi. Una lɛ wi nɔ dawt bikɔs Gɔd dɔn prɔmis se in go du dɛn tin de, ɛn i go du wetin i se, fɔ tru.

Rɛvɛleshɔn 22:20

Di pɔsin we de sho se dɛn tin ya na tru, de se, “Fɔ tru, di tɛm nɔ fa igen. A go kam bak!” Emɛn. Masta Jizɔs, kam!

Fɔs Lɛta Fɔ Tɛsalonayka 5:21

Una fɔ tray ɔl di mɛsej dɛn fɔ no uswan na Gɔd yon. Una fɔ tek di wan we gud.

Lɛta Fɔ Rom 12:9

If una se una lɛk pipul una fɔ lɛk dɛn wit ɔl una at. Una nɔ fɔ lɛk ɛnitin we bad, una fɔ lɛk ɛnitin we gud ɛn kip am na una at.

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Di Ibru Pipul Dɛn 4:14

Wi fɔ stil biliv di Gud Nyuz we wi bin dɔn biliv, bikɔs pɔsin de we na di edman we de mek sakrifays fɔ pipul sin, nain dɔn go na di ples we Gɔd de. Na Jizɔs, we na Gɔd in Pikin, na di edman.

Di Ibru Pipul Dɛn 3:6

Bɔt Krays na di Pikin we de luk Gɔd, we na di Papa, in Os, ɛn i bin du in wok lɛkɛ aw Gɔd want am fɔ du. Wi we na Gɔd yon pipul, go bi Gɔd in Os, if wi gɛt kɔrej ɔltɛm ɛn put wi at pan ɔl wetin Gɔd prɔmis se in go du fɔ wi.

Jɔn 14:3

Ɛn afta a dɔn rɛdi di ples fɔ una, a go kam bak fɔ kam tek una go na di ples we a de, so dat unasɛf go lib de.

Pita In Sɛkɛn Lɛta 3:10

Di Masta go kam bak lɛkɛ aw tifman de kam na nɛt. Big nɔys go de da tɛm de ɛn di klawd go lɔs; faya go bɔn ɔl wetin de na di klawd lɛkɛ sta ɛn mun; ɛn dis wɔl ɛn ɔl wetin lib de, go bɔn.

1 Kɔrint 11:26

Sote di Masta kam bak, ɛnitɛm una de it dis bred ɛn drink dis wayn, una de mek pipul no se di Masta day fɔ mɔtalman.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

Apɔsul Dɛn Wok 11:28

Wan pan dɛn prɔfɛt ya bin nem Agabɔs. Gɔd in Spirit bin tɛl am fɔ tɔk bɔt di bad aŋri we bin gɛt fɔ kam na wɔl. Dis bad aŋri bin kam da tɛm we Klɔdiɔs bin de rul na Rom.