Rɛvɛleshɔn 2:23 - Krio Fɔs Oli Baybul

²³ A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du.

Rɛvɛleshɔn 2:23 Referans Kwoze

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Di Sam Dɛm 7:9

E PAPA GƆD we de du tin tret wan, yu we no wetin de na wi at ɛn aw wi de fil. Tap bad pipul fɔ kɛriɔn dɛn wikɛdnɛs ɛn mek bɛtɛ fala udat de du gud.

Lɛta Fɔ Rom 8:27

Gɔd, we no wetin mɔtalman want nain at, no wetin di Spirit min, bikɔs di Spirit de beg Gɔd fɔ in pipul dɛn ɛn i de tɔk wetin Gɔd insɛf want.

Apɔsul Dɛn Wok 1:24

Dɛn pre se, “Masta, yu we sabi ɔlman at, duya, sho wi pan dɛn tu man ya, di pɔsin we yu dɔn pik

Pita In Fɔs Lɛta 1:17

Wɛn una de pre ɛn una se, “Papa,” una de kɔl Gɔd, we de jɔj ɔlman di sem we, bay di wok we ɔlman de du, so ɔl di tɛm we lɛf fɔ una na dis wɔl, una fɔ ɔna am, pan ɔl wetin una de du.

Jɛrimaya 11:20

Bɔt, duya PAPA GƆD Ɔlmayti, yu we de jɔj rayt, yu we de tɛst di at ɛn di maynd, rivɛnj fɔ mi, bikɔs na to yu a lɛf mi kes.

Jɛrimaya 17:10

“Mi PAPA GƆD, sach mɔtalman maynd ɛn tɛst mɔtalman at, fɔ pe ɔlman bay wetin i du, di pe we i fɔ gɛt fɔ di kayn wok we i wok.”

Jɛrimaya 20:12

E PAPA GƆD Ɔlmayti, we de tray dɛn wan dɛm we de waka tret na yu yay, yu we de si pipul dɛn at ɛn dɛn maynd, rivɛnj pan dɛm, bikɔs na to yu a lɛf mi kes.

Di Sam Dɛm 62:12

In lɔv fɔ wi nɔ go ɛva chenj. PAPA GƆD yu go mɔs gi ɔlman di pe we i fɔ gɛt.

Di Sam Dɛm 44:21

PAPA GƆD bin fɔ no. I no wetin de na wi at.

2 Kronikuls 6:30

duya ansa dɛn prea na yu os na ɛvin. Fɔgiv dɛn ɛn ɛp dɛn. Na yu waŋren nɔmɔ no wetin de na mɔtalman at. Dil wit ɔlman akɔdin to

1 Samiɛl 16:7

Bɔt PAPA GƆD tɛl Samiɛl se mek i nɔ luk in fayn ɔ in ayt bikɔs i nɔ pik am sins nɔto so PAPA GƆD in de wok. I se mɔtalman de luk wetin in de si bɔt PAPA GƆD in de luk insay pɔsin in at.

Rɛvɛleshɔn 20:12

Dɛn a si dɛn pipul we bin dɔn day, dɛn bigman ɛn dɛn ɔdinari pipul, dɛn ɔl tinap bifo di chia. Sɔmbɔdi opin sɔm buk dɛn, dɔn i opin wan ɔda buk we dɛn pipul we gɛt layf sote go dɛn nem bin rayt. Ɔl wetin dɛn pipul we bin dɔn day bin du bifo dɛn day, bin rayt insay di fɔs buk dɛn, ɛn nain Gɔd tek jɔj dɛn.

Di Ibru Pipul Dɛn 4:13

Natin nɔ de we Gɔd mek we i nɔ de si; natin nɔ de we ayd, we Gɔd nɔ de si; Gɔd de si ɔltin, ɛn na bifo am wi ɔl gɛt fɔ tinap bambay ɛn tɔk ɔl wetin wi bin du na wɔl.

2 Kɔrint 5:10

Wi ɔl gɛt fɔ tinap bifo Krays fɔ mek i jɔj wi. Ɔlman go gɛt wetin i wok fɔ wɛn i bin de na dis layf, if na gud i wok fɔ, i go gɛt gud; if na bad igen, i go gɛt bad.

Di Sam Dɛm 26:2

PAPA GƆD, tɛst mi ɛn tray mi luk insay mi at gud gud lɛ yu no wetin de na mi maynd;

1 Kronikuls 29:17

Mi Gɔd, a no se yu de tɛst mɔtalman maynd kin gladi wit udat de waka tret; na wit klin at a dɔn gi yu ɔl dɛn tin ya, wit ɔl mi at ɛn wit gladi.

1 Kronikuls 28:9

“Ɛn yu, Sɔlɔmɔn mi bɔypikin, sabi yu Papa in Gɔd, ɛn sav am wit ɔl yu at ɛn sol; bikɔs PAPA GƆD de luk ɔl man at ɛn i no ɔlman plan ɛn wetin i de tink bɔt. If yu luk fɔ am, yu go ebul fɛn am; bɔt if yu tɔn yu bak pan am, i go trowe yu sote go.

Rɛvɛleshɔn 2:11

“Ɛnibɔdi we gɛt yes mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Ɛnibɔdi we stil tinap traŋa afta Setan dɔn tray am, di sɛkɛn day nɔ go mit am.

Rɛvɛleshɔn 2:7

“Ɛnibɔdi we gɛt yes, mek i yɛri dɛn wɔd ya we Gɔd in Spirit dɔn tɛl di Kristiɛn dɛn na dɛn difrɛn ples. “Pɔsin we stil tinap traŋa afta Setan dɔn tray am, a go mek i it pan di tin we di tik we de gi layf de bia, da tik de de gro na di gadin we Gɔd mek.

Lɛta Fɔ Rom 14:12

So ɔlman go gɛt fɔ ansa fɔ insɛf to Gɔd fɔ wetin i du na wɔl.

Jɔn 21:17

Jizɔs aks Pita di tɔd tɛm se, “Saymɔn, yu we na Jɔn in pikin, yu lɛk mi?” Pita in at pwɛl bikɔs Jizɔs aks am tri tɛm se if i lɛk am, so i ansa di Masta se, “Masta, yu no ɔltin, yu no se a lɛk yu!” Jizɔs se, “Mɛn mi ship dɛn.

Ditarɔnɔmi 19:20

Mozis tɛl di Izrɛlayt dɛn se we ɔlman go yɛri se na so mit da pɔsin de, dɛn go fred fɔ lay pan pɔsin.

Ditarɔnɔmi 17:13

I se we ɔlman go yɛri se dɛn ston pɔsin te i day fɔ dɛn tin dɛn de, dɛn go fred fɔ du dɛn kayn tin dɛn de.

Ditarɔnɔmi 13:11

We dɛn ston wan pɔsin, ɔlman go fred we dɛn yɛri, so nɔbɔdi na Izrɛl nɔ go gɛt maynd fɔ du da kayn tin de igen

Rɛvɛleshɔn 6:8

A tɔn luk bak, na de a si wan ɔs we in kɔla mek i fiba lɛkɛ se i want day. Di pɔsin we bin de rayd am bin nem Day, ɛn wan pɔsin we nem Ɛl bin de fala am. Dɛn gi dɛn pawa oba wan pat na di wɔl if yu sheb di wɔl fo say, so dat dɛn kin kil pipul na wa, ɔ mek dɛn day wit aŋri, ɔ sik ɛn day, ɔ mek dɛn wayl bif na wɔl sɛf kil dɛn.

Ditarɔnɔmi 21:21

As dɛn tɔk dat so, ɔl di man dɛn we de na di siti fɔ ston am te i day. I se, dat go mek dɛn go de pul di bad tin dɛn kɔmɔt na Izrɛl, bikɔs, we pipul dɛn yɛri se dɛn kayn tin dɛn de apin, dɛn go de fred fɔ du bad.

Lɛta Fɔ Galeshya 6:5

Ɔlman gɛt fɔ ansa to Gɔd fɔ wetin i du.

Zɛfinaya 1:11

I se dɛn wan dɛn we tap na di ɔda pat na di siti fɔ kray we dɛn yɛri bɔt dat, bikɔs nɔn biznɛsman nɔ go de igen Ɔl di biznɛsman dɛn go dɔn day.

Di Sam Dɛm 139:1

PAPA GƆD, yu de si insay mi at ɛn yu no ɔltin bɔt mi.

Lyuk 16:15

Bɔt Jizɔs tɛl dɛn se, “Una de mek pipul fil se una nɔ de du bad, bɔt Gɔd no wetin de na una at. Di tin we mɔtalman luk se impɔtant, nain Gɔd nɔ lɛk at ɔl.

Rɛvɛleshɔn 20:13

Ɔl dɛn wan we bin dɔn day na wata kɔmɔt na di wata kam ɔp; ɔl dɛn wan we bin dɔn day we bin de na grev, rayz; di wan we bin sidɔm na di chia we kiŋ kin sidɔm, jɔj dɛn ɔl bay di wok we dɛn bin du na wɔl.

Rɛvɛleshɔn 22:12

Jizɔs se, “Lisin, di tɛm we a go kam nɔ fa igen. A go kam fɔ gi ɔlman di pe we dɛn wok fɔ.

1 Kronikuls 17:18

Wetin mɔ mi Devid go se fɔ di ɔna we yu dɔn ɔna yu wokman? Bikɔs yu no yu wokman,

Job 24:23

I de kɔba dɛn ɛn sɔpɔt dɛn, ɛn de si ɔl wetin dɛn de du.

Jɔn 4:16

Jizɔs se, “Go kɔl di man we mared yu kam.”