Rɛvɛleshɔn 2:20 - Krio Fɔs Oli Baybul

²⁰ Bɔt na wan tin a de blem una fɔ, una de gri mek da uman we dɛn kɔl Jɛzibɛl sidɔm wit una. I de se na Gɔd in pawa in de tek tɔk di wɔd dɛn we i de tɔk, bɔt na lay i de lay gi mi pipul dɛn; i de mek dɛn ful ɛn dat go mek dɛn wan we dɔn mared, liv fri layf; ɛn mek pipul it it we dɛn bin dɔn gi dɛn tin we mɔtalman de pre to.

Rɛvɛleshɔn 2:20 Referans Kwoze

Rɛvɛleshɔn 2:14

Bɔt sɔm tin dɛn de we a blem una fɔ, sɔm pan una de du dɛn tin we Belam bin tɛl pipul fɔ du; na Belam bin sho Belak aw fɔ trap di Izrɛl pipul dɛn mek dɛn sin. I bin mek dɛn it it we dɛn bin dɔn gi dɛn tin we mɔtalman mek fɔ pre to, ɛn i mek dɛn wan we bin dɔn mared, liv fri layf.

1 Kiŋ 16:31

Di bad tin dɛn we Nebat in bɔypikin we na Jɛroboam bin du na smɔl tin fɔ am; in bit in rɛkɔd ɛn mared Jezibɛl, dat na kiŋ Ɛthbeal na Saydɔn in gyal pikin, ɛn bigin fɔ fala am fɔ de wɔship Beal.

Apɔsul Dɛn Wok 15:29

una nɔ fɔ it ɛni bif we dɛn dɔn sakrifays to dɛn yon gɔd, una nɔ fɔ it bif we gɛt blɔd pan am, una nɔ fɔ it blɔd, ɛn una nɔ fɔ liv fri layf. I go gud if una nɔ du dɛn tin ya we wi dɔn rayt to una. Una mekes, o!”

2 Kiŋ 9:7

I se Jeu fɔ kil ɔl udat de nain masta Eab in os fɔ we Jɛzibɛl kil dɛn prɔfɛt dɛn ɛn PAPA GƆD in ɔda savant dɛn.

Apɔsul Dɛn Wok 15:20

Bɔt una lɛ wi rayt tɛl dɛn se dɛn nɔ fɔ it ɛnitin we pipul dɔn sakrifays to dɛn gɔd, dɛn nɔ fɔ liv fri layf, dɛn nɔ fɔ it bif we gɛt blɔd pan am, ɛn dɛn nɔ fɔ it blɔd.

Rɛvɛleshɔn 2:4

Bɔt na wan tin una de du we a nɔ lɛk, una nɔ lɛk mi lɛkɛ aw una bin lɛk mi fɔstɛm;

Ɛksodɔs 34:15

Una nɔ tay bagin wit di pipul dɛn na di kɔntri, bikɔs wɛn dɛn de wɔship dɛn pegan gɔd dɛn ɛn de mek sakrifays to dɛn, dɛn go invayt una fɔ jɔyn dɛn, dɔn dɛn go gi una di it ɛn unasɛf go it;

1 Kɔrint 10:28

Bɔt if sɔmbɔdi tɛl una se, “Dɛn dɔn sakrifays dis it ya to dɛn tin we mɔtalman de pre to,” una nɔ fɔ it da it de, nɔto bikɔs una go fil bad, bɔt bikɔs if una it am, da pɔsin de go fil bad.

1 Kiŋ 17:4

na di wata we de de yu go de drink. A dɔn tɛl dɛn revɛn fɔ de kɛr it go de fɔ yu.”

1 Kiŋ 17:13

Ilayja tɛl am se lɛ i nɔ fred, lɛ i go du wetin i mekɔp fɔ du; bɔt nɔmɔ wetin in want na fɔ lɛ i bek if na lili bred sɛf fɔ am fɔ it, dɔn i kin mek fɔ in ɛn in bɔypikin.

2 Kiŋ 9:22

Wɛn Joram si Jeu i aks am aw i si am so, if na pis i kam fɔ. Jeu ansa am se uskayn pis we na soso wich ɛn lay lay gɔd wɔship in mama Jɛzibɛl de pan.

Izikɛl 13:17

“Ɛn yu, mɔtalman, tɔn yu fes to yu pipul dɛn gyal pikin dɛn we de prɔfisay wetin dɛn yon maynd tɛl dɛn; prɔfisay agens dɛn,