Rɛvɛleshɔn 2:17 - Krio Fɔs Oli Baybul

¹⁷ “Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Rɛvɛleshɔn 2:17 Referans Kwoze

Ayzaya 62:2

Di wanol wɔl go si se dɛn dɔn pul yu ed kɔmɔt, ɛn ɔl di kiŋ dɛn go si di shayn we una de shayn; ɛn dɛn go gi yu nyu nem we na PAPA GƆD in sɛf sɛf go gi una.

Ayzaya 65:15

Una nem go lɛf to mi pipul we a dɔn pik, fɔ tek kɔs pɔsin, ɛn Papa Gɔd we na Gɔd go kil una; bɔt I go kɔl in wokman dɛn difrɛn nem.

Rɛvɛleshɔn 2:11

“Ɛnibɔdi we gɛt yes mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Ɛnibɔdi we stil tinap traŋa afta Setan dɔn tray am, di sɛkɛn day nɔ go mit am.

Rɛvɛleshɔn 2:7

“Ɛnibɔdi we gɛt yes, mek i yɛri dɛn wɔd ya we Gɔd in Spirit dɔn tɛl di Kristiɛn dɛn na dɛn difrɛn ples. “Pɔsin we stil tinap traŋa afta Setan dɔn tray am, a go mek i it pan di tin we di tik we de gi layf de bia, da tik de de gro na di gadin we Gɔd mek.

Rɛvɛleshɔn 14:3

Di wan ɔndrɛd ɛn fɔti-fo tawzin pipul dɛn tinap bifo di ay chia we Gɔd sidɔm pan, bifo di fo tin dɛn we gɛt layf, ɛn bifo di bigman dɛn. Dɛn bin de siŋ wan nyu siŋ we na dɛn wan nɔmɔ, we Krays bin dɔn pe fɔ na wɔl wit in blɔd, bin ebul lan ɛn siŋ am.

Rɛvɛleshɔn 3:22

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.”

Rɛvɛleshɔn 3:6

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.

Lɛta Fɔ Kɔlɔse 3:3

Wɛn i kam pan dis wɔl yon biznɛs, una dɔn day, ɛn di tru layf we Gɔd dɔn gi una ayd insay Krays bikɔs una de waka klos Gɔd.

1 Kɔrint 2:14

Bɔt pɔsin we nɔ gɛt Gɔd in Spirit nɔ go ebul ɔndastand dɛn tin we i de tɛl wi, dɛn na nɔnsɛns fɔ am; i nɔ ebul ɔndastand dɛn, na di Spirit nɔmɔ ebul mek pipul ɔndastand dɛn.

Matyu 13:11

Jizɔs ansa dɛn se, “Gɔd dɔn gi una di chans fɔ no di sikrit tin we ɔda pipul nɔ no bɔt in rul.

Ayzaya 65:13

Fɔseka dat, na dis Papa Gɔd we na Gɔd se: “A de tɛl una, mi wokman dɛn go it, bɔt una go de aŋri wan; biliv mi, mi wokman dɛm go gɛt tin fɔ drink, bɔt una go tɔsti; mi wokman dɛn go de gladi, bɔt dɛn go mek una shem;

Prɔvabs 3:32

PAPA GƆD et udat de du bad bɔt i lɛk pɔsin we de waka tret na PAPA GƆD in yay ɛn de mek am in padi.

Di Sam Dɛm 36:8

Yu de mek dɛn frɛsh we yu de gi dɛn gud it ɛn drink lɛkɛ aw frɛsh wata kin de flo.

Di Sam Dɛm 25:14

Na udat gɛt rɛspɛkt fɔ PAPA GƆD i de tɛl in sikrit, ɛn mek dɛn no se i nɔ gɛt fɔ chenj in Kɔvinant.

Jɔn 4:32

Bɔt Jizɔs se, “A gɛt tin fɔ it we una nɔ no se a gɛt.”

Ayzaya 56:4

Bikɔs na dis PAPA GƆD se: “Di okobo dɛn we de kip mi de fɔ blo ɛn rɛst, we pik fɔ du di tin dɛn we de mek a gladi ɛn ol mi Kɔvinant tayt,

Prɔvabs 14:10

Udat wɛr in sus, nain no aw i fit am, nɔbɔdi nɔ no aw i tayt ɔ i slak.

Ɛksodɔs 16:33

So Mozis tɛl Erɔn mek i fɛn wan rɔba ɛn put sɔm pan di manainsay am ɛn kip am usay PAPA GƆD go de si am, fɔ lɛ dɛn jɛnareshɔn we nɔ bɔn yet go si am.

Ayzaya 56:5

A go gi dɛn tin fɔ tek mɛmba am ɛn mek i pɔpyula, insay mi os ɛn usay a tap, we bɛtɛ pas bɔypikin ɛn gyal pikin dɛn; A go gi dɛn nem we go de sote go ɛn nɔ go dɔn.

Rɛvɛleshɔn 19:16

Wan nem bin rayt pan in klos ɛn pan in lɛg, dat na “Kiŋ we de rul oba ɔl dɛn kiŋ, ɛn Masta oba ɔl dɛn masta.”

Mak 7:16

Udat gɛt yes fɔ yɛri, mek i yɛri.]”