Rɛvɛleshɔn 2:16 - Krio Fɔs Oli Baybul

¹⁶ So una fɔ lɛf fɔ du dɛn bad tin ya, if nɔ so, i nɔ go te igen, a go kam mit una, a go tek dis sɔd we de na mi mɔt fɛt di pipul dɛn we de du dɛn bad tin ya.

Rɛvɛleshɔn 2:16 Referans Kwoze

Sɛkɛn Lɛta Fɔ Tɛsalonayka 2:8

Na da tɛm de di wan we de fɛt Gɔd go sho insɛf. Bɔt wɛn Masta Jizɔs go kam, i go kil am wit di briz we de kɔmɔt nain mɔt ɛn wit di brayt layt we de rawnd am.

Rɛvɛleshɔn 1:16

I bin ol sɛvin sta dɛn nain raytan; sɔd we shap tu say bin kɔmɔt nain mɔt; in fes bin de shayn lɛkɛ aw san de shayn twɛlv oklɔk santɛm.

Rɛvɛleshɔn 2:5

so una mɛmba di we we una bin lɛk mi bifo una tap, ɛn una bigin fɔ lɛk mi bak lɛkɛ aw una bin lɛk mi di fɔs tɛm we una bigin waka wit mi. If una nɔ gri fɔ sɔri fɔ wetin una du so ɛn chenj, a go kam mit una, a go pul una lampolda kɔmɔt di say we i de;

Lɛta Fɔ Ɛfisɔs 6:17

Una fɔ mek di sev we Gɔd dɔn sev una, bi di kyap we una go wɛr na una ed; ɛn una fɔ yus di sɔd we di Spirit gi una, dat na Gɔd in wɔd.

Rɛvɛleshɔn 19:21

Dɔn, di sɔd we di pɔsin we bin de rayd di ɔs bin gɛt, nain mɔt, dɛn tek am kil ɔl di ɔda soja man dɛn; dɛn, ɔl dɛn bɔd dɛn kam it dɛn bɔdi; dɛn it te dɛn bɛlful pasmak.

Rɛvɛleshɔn 19:15

I bin ol wan sɔd nain mɔt, we i go tek fɛt ɛn win ɔl dɛn neshɔn we nɔ de fala am. Na ayɛn staf i go tek rul dɛn, ɛn i go mas mas dɛn greps na di say we dɛn de mas dɛn fɔ pul dɛn wata, we go sho se Gɔd, we gɛt pawa pas ɔl, vɛks bad bad wan.

Ayzaya 11:4

Bɔt na bay wetin rayt na PAPA GƆD in yay, i go jɔj di po man, ɛn go disayd di sem we fɔ kwayɛt pipul na wɔl, ɛn i go pɔnish di wɔl wit traŋa wɔd dɛn we i de tɔk, ɛn na di briz we de kɔmɔt nain mɔt i go tek kil wikɛd pipul.

Rɛvɛleshɔn 2:12

“Rayt dis mɛsej ya sɛn am go to di enjɛl we de gyad di Kristiɛn dɛn na Pagamɔm: “Na di pɔsin we gɛt da sɔd we shap tu say, na im sɛn dis mɛsej ya go to di Kristiɛn dɛn na Pagamɔm:

Ayzaya 49:2

I mek mi mɔt lɛk shap sɔd, na ɔnda in an in shado i bin ayd mi; i mek mi lɛk aro we dɛn pɔlish, ɛn ayd mi insay di bag we i de kip aro.

Rɛvɛleshɔn 3:19

Dɛn pipul we a lɛk na dɛn a kin tɛl se dɛn de du rɔŋ tin ɛn a kin pɔnish dɛn mek dɛn go gɛt sɛns fɔ du wetin rayt. So una kechɔp unasɛf, ɛn lɛf fɔ sin.

Rɛvɛleshɔn 22:7

Jizɔs se, “Lisin, i nɔ go te igen, a go kam bak! Blɛsin de fɔ ɛnibɔdi we go fala dɛn tin we Gɔd tɔk, we gɛt fɔ bi, we rayt na dis buk.”

Rɛvɛleshɔn 16:9

Di pipul dɛn we di san in faya bin de bɔn, bigin kɔs Gɔd we gɛt pawa fɔ mek i tap dɛn bad bad tin ya. Bɔt dɛn nɔ gri lɛf fɔ sin ɛn dɛn nɔ gri prez Gɔd we gɛt pawa.

Rɛvɛleshɔn 22:20

Di pɔsin we de sho se dɛn tin ya na tru, de se, “Fɔ tru, di tɛm nɔ fa igen. A go kam bak!” Emɛn. Masta Jizɔs, kam!