Rɛvɛleshɔn 19:7 - Krio Fɔs Oli Baybul

⁷ Lɛ wi gladi ɛn fɔdɔm bifo Gɔd ɛn prez am, bikɔs na big Gɔd! Di tɛm fɔ mek di Ship mared dɔn kam, ɛn in yawo dɔn drɛs de wet am.

Rɛvɛleshɔn 19:7 Referans Kwoze

Rɛvɛleshɔn 21:9

Wan pan dɛn sɛvin enjɛl dɛn we bin gɛt dɛn sɛvin kɔp we dɛn sɛvin bad bad tin dɛn we bin gɛt fɔ fɔdɔm pan di wɔl bifo di wɔl dɔn, bin de insay, kam tɔk to mi, i se, “Kam mek a sho yu di Ship in yawo.”

Rɛvɛleshɔn 21:2

Dɛn a si Gɔd in tɔŋ, we dɛn kɔl, nyu Jerusɛlɛm, i bin de kɔmɔt to Gɔd na ɛvin kam dɔŋ, dɛn bin dɔn mek am fayn fayn rɛdi, lɛkɛ uman we jɛs mared we dɔn drɛs de wet fɔ go to in man.

2 Kɔrint 11:2

A de jɛlɔs fɔ una lɛkɛ aw Gɔd insɛf de jɛlɔs fɔ wi; una na lɛkɛ uman we nɔ no man we a dɔn prɔmis to wangren man, dat na Krays.

Matyu 22:2

“Gɔd in rul tan lɛkɛ we wan kiŋ mek mared pati fɔ in bɔy pikin.

Rɛvɛleshɔn 19:9

Di enjɛl tɔk to mi, i se, “Rayt dis tin ya: Blɛsin de pan dɛn wan we dɛn kɔl fɔ go it na di Ship in mared.” I tɛl mi se, “Dɛn wɔd ya na di tru wɔd dɛn we Gɔd tɔk.”

Lɛta Fɔ Ɛfisɔs 5:32

Wetin a jɛs tɔk bɔt sho wi tru tin we at fɔ ɔndastand, bɔt a no se dis tru tin na bɔt Krays ɛn di chɔch.

Jɔn 3:29

Na di ɔkɔ gɛt di yawo, bɔt di ɔkɔ in padi we tinap klos dɛn go gladi wɛn i yɛri di ɔkɔ de tɔk. Na dat mek a gladi bad.

Ayzaya 62:5

Bikɔs, lɛk aw yɔŋnam go mared vajingyal, na so yu bɔypikin dɛn go mared yu, ɛn lɛk aw ɔkɔ kin gladi fɔ yawo, na so yu Gɔd go gladi fɔ yu.

Lɛta Fɔ Ɛfisɔs 5:23

Wetin mek a tɔk dat, na we di man gɛt pawa oba in wɛf lɛkɛ aw Krays gɛt pawa oba di chɔch, ɛn Krays insɛf sev di chɔch, we nain bɔdi.

Ayzaya 66:10

“Una gladi wit Jerusɛlɛm ɛn una gladi fɔ am, una ɔl we lɛk am; gladi wit am fɔr in jɔy, una ɔl we de sɔri fɔ am;

Lyuk 12:36

Una fɔ tan lɛkɛ dɛn wokman we de wet fɔ dɛn masta we bin go mared fɔ kam bak na os so dat dɛn go opin di do as di masta nak so.

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Ayzaya 52:1

Grap o, grap, pik trɛnk, yu Zayɔn; wɛr yu fayn fayn klos dɛn, Yu Jerusɛlɛm, we na di oli siti; bikɔs dɛn nɔ go kam insay to yu igen dɛn wan we nɔ sakɔmsayz ɛn we nɔ klin

Sɔlɔmɔn In Siŋ Dɛm 3:11

Una go, Zayɔn in gyal pikin dɛn, ɛn luk Kiŋ Sɔlɔmɔn, Wit di krawn we in mama krawn am di de we i mared, di de we in at gladi.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Di Sam Dɛm 9:14

Mek a nɔ day so dat a go tɔk bɔt yu gudnɛs to ɔl udat de na Jerusɛlɛm. Dɔn a go gladi bikɔs yu sev mi.

1 Samiɛl 2:1

Ana bin pre to PAPA GƆD bak se, “Mi at go es PAPA GƆD ɔp; a gladi we PAPA GƆD gi mi trɛnk. A de laf mi ɛnimi dɛn bikɔs a de gladi we yu fri mi.

Prɔvabs 29:2

Wɛn pɔsin we de waka tret na PAPA GƆD in yay de rul ɔlman de gladi, bɔt wɛn bad pɔsin de rul ɔlman de grɔmbul.

Di Sam Dɛm 107:42

Udat de du tin tret wan, kin si wetin PAPA GƆD de du, dɔn i gladi, bɔt di bad man nɔba ebul se fiŋ.

Di Sam Dɛm 48:11

Di pipul na Zayɔn de gladi dɔn di difrɛn pipul na Juda gladi de se yu sabi fɔ jɔj fia wan.

Ditarɔnɔmi 32:43

Mozis siŋ se, “Una prez in pipul dɛn, una di neshɔn dɛm; bikɔs i de rivɛnj fɔ in wokman dɛm we dɛn kil ɛn de rivɛnj pan in ɛnimi dɛm, ɛn fɔgiv in pipul dɛn fɔ ɔl dɛn sin.

Ayzaya 66:14

Una go si ɛn una go gladi; una bon dɛm go ɛlti lɛk gras; ɛn dɛn go no se PAPA GƆD de blɛs in wokman dɛm ɛn in wamat na pan in ɛnimi dɛm.

Matyu 1:20

Wɛn Josɛf bin de tink bɔt wetin i go du, nain Gɔd sɛn enjɛl kam to am na drim. Di enjɛl se, “Josɛf, yu we na Kiŋ Devid in grampikin pikin nɔ fred fɔ mared Meri, bikɔs na Gɔd in Spirit kam pan am we i gɛt bɛlɛ.

Rɛvɛleshɔn 11:13

Da sem tɛm de, nain di grɔn trimbul bad bad wan; wan pan ɛvri tɛn say na di tɔŋ pwɛl pata pata, ɛn sɛvin tawzin pipul day. Di ɔda pipul dɛn we nɔ day, fred bad; dɛn bigin prez Gɔd we de rul na ɛvin.