Rɛvɛleshɔn 19:6 - Krio Fɔs Oli Baybul

⁶ Dɛn a yɛri vɔys lɛkɛ wɛn plɛnti pipul de tɔk, ɛn lɛkɛ wɛn plɛnti big wata de rɔn ɛn lɛkɛ wɛn tɛnda de krak lawd wan; dɛn vɔys ya bin de se, “Aliluya! Di Masta, we na wi Gɔd we gɛt pawa pas ɔl, de rul, una lɛ wi prez am!

Rɛvɛleshɔn 19:6 Referans Kwoze

Di Sam Dɛm 97:1

PAPA GƆD de rul ɔlsay so lɛ ɔl di pipul na wɔl gladi! Lɛ ivin di wan dɛn we de fa jɔyn fɔ gladi.

Rɛvɛleshɔn 14:2

Dɛn a yɛri vɔys kɔmɔt na ɛvin; di vɔys big lɛkɛ dɛn big wata we de fɔdɔm kɔmɔt ɔp dɛn il kam dɔŋ ɛn lɛkɛ wɛn tɛnda de krak. Di vɔys swit lɛkɛ di sawnd we kin kɔmɔt wɛn pipul de ple ap.

Rɛvɛleshɔn 19:1

Wɛn dat dɔn, a yɛri lɛkɛ plɛnti pipul na ɛvin de siŋ lawd wan se, “Aliluya, una lɛ wi prez Gɔd, nain dɔn sev wi. I wɔndaful pas ɔl, ɛn i gɛt pawa pas ɔl!

Di Sam Dɛm 99:1

PAPA GƆD na Kiŋ so in pipul fɔ trimbul wit fred we dɛn de wit am; i sidɔm nain chia we Kiŋ kin sidɔm midul di Chɛryubim so di wanol wɔl sɛf bigin fɔ shek.

Di Sam Dɛm 93:1

PAPA GƆD na Kiŋ, i wɛr fayn klos lɛk kiŋ. I tɔf ɛn i gɛt trɛnk. I dɔn mek ɔltin na di wɔl ɛn natin nɔ go chenj am.

Rɛvɛleshɔn 6:1

Dɛn a si di Ship opin di fɔs say pan di sɛvin say dɛn we bin fasin, dɛn a yɛri wan pan dɛn fo tin we gɛt layf ala tɔk wit vɔys we sawnd lɛkɛ tɛnda se, “Kam go!”

Rɛvɛleshɔn 1:15

in fut bin de shayn lɛkɛ bras we dɛn bɔn na faya, dɔn dɛn shayn am; wɛn i tɔk, in vɔys big lɛkɛ dɛn big wata we de fɔdɔm kɔmɔt ɔp dɛn ay il.

Izikɛl 1:24

Ɛn wɛn dɛn bin de go, a de yɛri di sawnd we di wiŋ dɛn bin de mek, i tan lɛk di nɔys we bɔku wata kin mek; lɛk PAPA GƆD in tɛnda, lɛk di nɔys we krawd kin mek; wɛn di krichɔ dɛn tinap wamples dɛn kin put dɛn wiŋ dɛn dɔŋ.

Rɛvɛleshɔn 21:22

A nɔ bin si Gɔd in Os insay di tɔŋ bikɔs Gɔd, we gɛt pawa pas ɔl, ɛn di Ship bin de ɔlɔbɔt na di tɔŋ ɛn ɔlman bin de pre to dɛn ɔlɔbɔt.

Rɛvɛleshɔn 12:10

Dɛn a yɛri lawd vɔys de tɔk na ɛvin se, “Di tɛm we Gɔd go sev in pipul dɛn, dɔn kam! Gɔd dɔn sho in pawa naw lɛkɛ kiŋ! Krays we i sɛn kam na wɔl dɔn sho in pawa! Di wan we bin tinap bifo Gɔd de tɔk de ɛn nɛt se wi kɔmpin Kristiɛn dɛn du bad, dɔn kɔmɔt na ɛvin, dɛn dɔn ib am na do.

Rɛvɛleshɔn 8:5

Dɛn di enjɛl tek di insɛns pɔt, i tek faya na di tebul we dɛn bin de mek sakrifays to Gɔd, put am insay di insɛns pɔt, dɔn i trowe am pan di wɔl. Na de tɛnda bigin krak, laytin bigin kɔt, big big nɔys bigin mek ɛn di grɔn bigin trimbul.

Rɛvɛleshɔn 4:5

Laytin bin de flash, tɛnda bin de rol, plɛnti nɔys bin de na di say we di fɔs ay chia bin de, di sɛvin lamp dɛn bin layt frɔnt di chia, dɛn lamp ya na Gɔd in sɛvin spirit dɛn.

Izikɛl 43:2

Ɛn Izrɛl in Gɔd in glori bin de kɔmɔt na di ist; ɛn i bin de mek sawnd lɛk we bɔku bɔku wata de rɔn, ɛn di ath bin de shayn wit In glori.

Ayzaya 52:7

Luk we dɛn fayn na dɛn mawnten dɛn dɛn pipul dɛn we de briŋ gud yus, we de anawns bɔt pis, we de briŋ nyuz bɔt gud tin, we de anawns bɔt salveshɔn, we de tɛl Zayɔn se, “Na yu Gɔd de ren.”

Di Sam Dɛm 97:12

Tɛl PAPA GƆD tɛnki; una we de du wetin rayt mɛmba wetin i dɔn du ɛn prez in nem.

Di Sam Dɛm 77:18

Yu tɛnda in sawnd bin de pan di ebi briz we de tɔn rawnd wit spid; ɛn we yu laytin layt di wanol wɔl; ɛn ath trimbul ɛn shek.

Job 40:9

Yu gɛt pawa lɛk PAPA GƆD, yu vɔys trɔŋ lɛk in yon?

Jɛrimaya 51:48

PAPA GƆD se, ɔp di klawd ɛn dɔŋ na dis wɔl, ɛn ɔl wetin de insay dɛm, go siŋ wit gladi we Babilɔn go fɔdɔm; bikɔs di wan dɛm we go nyakanyaka dɛm, go kɔmɔt na di nɔt.

Di Sam Dɛm 47:7

PAPA GƆD na kiŋ na di wanol wɔl; lɛ wi mek fayn siŋ fɔ prez am.

Di Sam Dɛm 47:2

Wi PAPA GƆD, we pas ɔl ɔda gɔd du fɔ fred, nain na Kiŋ fɔ di wanol wɔl.

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Rɛvɛleshɔn 1:8

Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”

Rɛvɛleshɔn 19:4

Dɛn di twɛnti-fo bigman ɛn dɛn fo tin we gɛt layf fɔdɔm bifo Gɔd we bin sidɔm pan di chia we kiŋ kin sidɔm fɔ rul ɛn prez am fɔ in pawa, ɛn se, “Emɛn! Aliluya, lɛ wi prez Gɔd!”