Rɛvɛleshɔn 19:4 - Krio Fɔs Oli Baybul

⁴ Dɛn di twɛnti-fo bigman ɛn dɛn fo tin we gɛt layf fɔdɔm bifo Gɔd we bin sidɔm pan di chia we kiŋ kin sidɔm fɔ rul ɛn prez am fɔ in pawa, ɛn se, “Emɛn! Aliluya, lɛ wi prez Gɔd!”

Rɛvɛleshɔn 19:4 Referans Kwoze

Rɛvɛleshɔn 5:14

Di fo tin dɛn we gɛt layf ansa se, “Emɛn!” Dɔn di twɛnti-fo bigman dɛn ledɔm flat na grɔn ɛn prez di wan we sidɔm pan di ay chia we kiŋ kin sidɔm ɛn di Ship.

Di Sam Dɛm 106:48

Una lɛ wi prez PAPA GƆD, di waŋren PAPA GƆD we Izrɛl gɛt in na di PAPA GƆD we go de sote go. Mek ɔlman ansa se “Emɛn.” Una lɛ wi prez PAPA GƆD!

Nɛimaya 8:6

Ɛzra prez PAPA GƆD, di big big PAPA GƆD; dɔn ɔl di pipul dɛn es dɛn an ɔp ɛn ansa ‘Emɛn! Emɛn!’ Dɛn ɔl butu ɛn wɔship PAPA GƆD wit dɛn fes na grɔn.

Rɛvɛleshɔn 19:1

Wɛn dat dɔn, a yɛri lɛkɛ plɛnti pipul na ɛvin de siŋ lawd wan se, “Aliluya, una lɛ wi prez Gɔd, nain dɔn sev wi. I wɔndaful pas ɔl, ɛn i gɛt pawa pas ɔl!

Rɛvɛleshɔn 15:7

Dɛn wan pan di fo tin dɛn we gɛt layf gi di sɛvin enjɛl dɛn sɛvin gold kɔp; di pɔnish we Gɔd, we de sote go, go pɔnish di wɔl, nain bin ful insay di sɛvin kɔp dɛn.

Jɛrimaya 28:6

Jɛrimaya we na prɔfɛt mɔk am ɛn se, “Emɛn! Lɛ PAPA GƆD du am; lɛ PAPA GƆD mek wetin yu dɔn prɔfisay, bi, ɛn mek i briŋ ɔl di tin dɛn fɔ yuz na PAPA GƆD in os ɛn ɔl dɛn wan dɛn we dɛn kɛr go ɛgzayl na Babilɔn, kam bak na ya.

Di Sam Dɛm 89:52

Lɛ wi prez PAPA GƆD sote go. Emɛn, ɛn Emɛn.

Di Sam Dɛm 72:19

Lɛ wi prez in nem sote go in nem we big ɛn pawaful; lɛ di wanol wɔl ebul fɔ si ɔl di wɔndaful tin dɛn we i de du ɛn aw i lɛk ɛn bisin bɔt in pipul. Emɛn, Emɛn

Di Sam Dɛm 41:13

Prez PAPA GƆD we na Izrɛl dɛn PAPA GƆD, i de as PAPA GƆD sote go Emɛn! Emɛn!

Nɛimaya 5:13

We dɛn tɔk so, a sɛn kɔl ɔl dɛn man we de mek sakrifays fɔ pipul sin ɛn mek ɔl di aristo ɛn bigman dɛn swɛ se dɛn go du ɔl wetin dɛn prɔmis. A ol di ples we fol fol na mi gawn ɛn shek shek am dɔn a tɛl dɛn se if ɛnibɔdi nɔ kip in prɔmis, na so PAPA GƆD go shek insay in os wit ɔl in prɔpati dɛn. We a tɔk so, ɔl di pipul dɛn se, “Emɛn” ɛn prez PAPA GƆD. Dɛn ɔl du wetin dɛn bin prɔmis.

1 Kronikuls 16:36

Lɛ wi blɛs PAPA GƆD we na Izrɛl dɛn Gɔd, sote go to sote go!” Dɔn ɔl di pipul dɛn se, “Emɛn! Ɛn prez PAPA GƆD.

1 Kɔrint 14:16

Wɛn una tɛl Gɔd tɛnki wit una spirit nɔmɔ, aw pɔsin we kam chɔch, bɔt we nɔ sabi bɔt dɛn tin ya, go se “Emɛn” wɛn una dɔn dɔn? Aw i go sabi wetin una de tɔk bɔt?

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Di Sam Dɛm 104:35

Bɔt PAPA GƆD, a de pre mek yu dɔnawe wit dɛn wan we lɛk sin, kpatakpata. Mek dɛn kɔmɔt na wɔl. A go prez PAPA GƆD! Lɛ wi ɔl prez PAPA GƆD!

Rɛvɛleshɔn 19:3

Dɛn tɔk bak se, “Aliluya, una lɛ wi prez Gɔd, di smok we de kɔmɔt na di faya we de bɔn Babilɔn go de sote go.”

Rɛvɛleshɔn 19:6

Dɛn a yɛri vɔys lɛkɛ wɛn plɛnti pipul de tɔk, ɛn lɛkɛ wɛn plɛnti big wata de rɔn ɛn lɛkɛ wɛn tɛnda de krak lawd wan; dɛn vɔys ya bin de se, “Aliluya! Di Masta, we na wi Gɔd we gɛt pawa pas ɔl, de rul, una lɛ wi prez am!