Rɛvɛleshɔn 19:3 - Krio Fɔs Oli Baybul

³ Dɛn tɔk bak se, “Aliluya, una lɛ wi prez Gɔd, di smok we de kɔmɔt na di faya we de bɔn Babilɔn go de sote go.”

Rɛvɛleshɔn 19:3 Referans Kwoze

Ayzaya 34:10

I go bɔn de ɛn nɛt ɛn nɔ go ɔt; in smok go de go ɔp sote go. I go de ɛmti wan frɔm jɛnareshɔn to jɛnareshɔn; nɔbɔdi nɔ go pas de sote go.

Rɛvɛleshɔn 18:18

wɛn dɛn si di smok we bin de kɔmɔt na di faya we bin de bɔn di tɔŋ, dɛn ala se, “Nɔ tɔŋ nɔ de lɛkɛ dis wande!”

Rɛvɛleshɔn 18:9

Dɛn wan we de rul na dis wɔl we bin dɔn liv fri layf ɛn ɛnjɔy layf wit am go si di smok we de kɔmɔt na di faya we de bɔn am, dɛn dɛn go put dɛn an na dɛn ed, ɛn bɔs kray.

Rɛvɛleshɔn 14:11

Di faya nɔ go tap fɔ mek smok we go de tɔmɛnt dɛn sote go, so dɛn pipul we de pre to di wayl bif ɛn di tin we dɛn mek fɔ tek mɛmba ɛn rɛspɛkt am, ɛn we gɛt in mak nɔ go gɛt blo; de ɛn nɛt, dɛn go de pan tɔmɛnt.”

Rɛvɛleshɔn 19:1

Wɛn dat dɔn, a yɛri lɛkɛ plɛnti pipul na ɛvin de siŋ lawd wan se, “Aliluya, una lɛ wi prez Gɔd, nain dɔn sev wi. I wɔndaful pas ɔl, ɛn i gɛt pawa pas ɔl!

Jɛnɛsis 19:28

I luk dɔŋ na Sɔdɔm ɛn Gomɔra ɛn di vali, ɛn si tik tik smok de kɔmɔt dɔŋ de. Di smok tan lɛkɛ we big big faya de kech.

Jud In Lɛta 1:7

Na di sem tin bin bi na Sɔdɔm ɛn Gomɔra ɛn dɛn ɔda tɔŋ we bin de klos dɛn: di pipul dɛn bin de du ɔl kayn dɔti tin wit dɛn bɔdi, man bin de lɛf in wɛf go kip in kɔmpin man, uman bin de lɛf in man go kip in kɔmpin uman. Fɔ mek ɔlman si ɛn bikyaful, Gɔd put dɛn pipul ya na faya we nɔ de ɔt fɔ pɔnish dɛn.

Di Sam Dɛm 104:35

Bɔt PAPA GƆD, a de pre mek yu dɔnawe wit dɛn wan we lɛk sin, kpatakpata. Mek dɛn kɔmɔt na wɔl. A go prez PAPA GƆD! Lɛ wi ɔl prez PAPA GƆD!

Rɛvɛleshɔn 19:4

Dɛn di twɛnti-fo bigman ɛn dɛn fo tin we gɛt layf fɔdɔm bifo Gɔd we bin sidɔm pan di chia we kiŋ kin sidɔm fɔ rul ɛn prez am fɔ in pawa, ɛn se, “Emɛn! Aliluya, lɛ wi prez Gɔd!”