Rɛvɛleshɔn 19:2 - Krio Fɔs Oli Baybul

² I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”

Rɛvɛleshɔn 19:2 Referans Kwoze

Ditarɔnɔmi 32:43

Mozis siŋ se, “Una prez in pipul dɛn, una di neshɔn dɛm; bikɔs i de rivɛnj fɔ in wokman dɛm we dɛn kil ɛn de rivɛnj pan in ɛnimi dɛm, ɛn fɔgiv in pipul dɛn fɔ ɔl dɛn sin.

Rɛvɛleshɔn 6:10

Dɛn bin de ala lawd wan se, “Masta, yu we yu pawa pas ɔl pawa, yu we tru ɛn yu we na yu wangren na Gɔd, aw lɔŋ igen wi fɔ wet bifo yu go jɔj dɛn pipul na wɔl ɛn pɔnish dɛn bikɔs dɛn bin kil wi?”

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Ditarɔnɔmi 32:35

Na mi gɛt rivɛnj ɛn na mi de pe pipul fɔ dɛn gud wok, fɔ di tɛm we dɛn go sket fɔdɔm; bikɔs di tɛm fɔ dɛn waala dɔn de rich, ɛn dɛn alaki wande kam lɛk briz.

Rɛvɛleshɔn 18:3

Na so i bi, bikɔs ɔl dɛn pipul na ɔl dɛn neshɔn dɔn drink in wayn, dat na di fri layf we dɛn dɔn liv wit am; dɛn wan we de rul na di wɔl dɛnsɛf dɔn liv di sem fri layf wit am, ɛn bikɔs i lɛk fɔ bay plɛnti plɛnti tin dɛn, dɛn wan we de tredin na dis wɔl dɛnsɛf dɔn jɛntri bikɔs i de bay to dɛn.”

Rɛvɛleshɔn 15:3

Dɛn bin de siŋ di siŋ we Mozis, we de wok fɔ Gɔd, bin siŋ lɔntɛm. Da siŋ de na di Ship in siŋ; di siŋ se, “Masta, Gɔd we gɛt pawa pas ɔl, yu wok dɛn big ɛn dɛn wɔndaful! Na yu na di kiŋ we de rul oba ɔl dɛn neshɔn, yu de du wetin rayt, yu de tɔk wetin tru ɔltɛm!

Di Sam Dɛm 19:9

We yu rɛspɛkt ɛn fred PAPA GƆD, yu we go de klia sote go. Yu kin abop pan PAPA GƆD fɔ kɔt kes bikɔs i nɔ gɛt wan bɛnbɛn.

Ayzaya 25:1

PAPA GƆD, yu na mi Gɔd; a go es yu ɔp ɛn a go prez yu nem; bikɔs yu dɔn du wɔndaful tin dɛm, plan dɛn we dɛn mek lɔntɛm, yu kip yu wɔd ɛn dawt nɔ de de.

Ditarɔnɔmi 32:4

Na PAPA GƆD de fɛt fɔ dɛn ɛn i nɔ de mek mistek, I nɔ bɛn-bɛn pan ɛnitin we i de du. Na fethful Gɔd, ɛn i nɔ de lay Natin we i de du nɔ gɛt wan bɛn bɛn.

2 Kiŋ 9:7

I se Jeu fɔ kil ɔl udat de nain masta Eab in os fɔ we Jɛzibɛl kil dɛn prɔfɛt dɛn ɛn PAPA GƆD in ɔda savant dɛn.

Daniɛl 7:26

Bɔt di kot go sidɔm ɛn jɔj am, ɛn dɛn go tek in pawa nain an, ɛn dɛn go nyakanyaka am kpatakpata.